MIBUZYO YAMU BBAIBBELE YAINGULWA

Ino Kristo uyoopilukila nzi?

Jesu Kristo katanaunka kujulu mu 33 C.E., wakasyomezya kuti uyoopiluka. Wakalyeezyanisya kumuntu umwi wamumukwasyi wamwami wakaunka kubusena bumbi kwaciindi cilamfwu alimwi akupiluka kapedwe nguzu zyabwami. Jesu uyoopiluka kutegwa akape bantu mfwulumende iili kabotu.—Amubale Luka 19:11, 12.

Ino Kristo uyoopiluka kali amubili uuli buti? Wakabusyigwa kali muntu wamuuya. (1 Petulo 3:18) Kumane wakaunka kujulu akukkala kujanza lyalulyo lya Leza. (Intembauzyo 110:1) Nokwakainda ciindi, Jesu wakaima kumbele lya Jehova Leza, “Sinsiku,” walo wakapa Jesu nguzu zyakweendelezya bantu. Aboobo, Jesu takapiluki amubili wabuntu, pele uyoopiluka kali Mwami uutalibonyi.—Amubale Daniele 7:13, 14.

Ncinzi Jesu ncayoocita aakusika?

Jesu aakusika antoomwe abangelo bakwe kabatalibonyi, uyoobeteka bantu. Uyoobanyonyoona bantu basikucita zibi akupa buumi butamani kuli baabo bamuzumina kuti Mwami.—Amubale Matayo 25:31-33, 46.

Bulelo bwa Jesu kali Mwami buyoocinca nyika kuba paradaiso. Uyoobusya bafwide kutegwa bakakkomane abuumi munyika ya Paradaiso.—Amubale Luka 23:42, 43.

Kutegwa muzyibe zinji, amubone mapeeji 73-85 mubbuku eeli, Ino Ncinzi Cini Bbaibbele Ncoliyiisya?, ilyakamwaigwa a Bakamboni ba Jehova

Mulakonzya kukkopa a Web site ya www.jw.org

[Cifwanikiso icili apeeji 16]

Jesu uyooleta mfwulumende iili kabotu kubantu