MIBUZYO YAMU BBAIBBELE YAINGULWA

Sena kuli bulangizi buliko kujatikizya bafwide?

Lufwu luli mbuli ŋonzi akaambo kakuti bafwide tabazyi cilicoonse alimwi tabakonzyi kucita cintu cilicoonse. Nokuba boobo, Mulengi ulakonzya kubabusya bafwide. Kutegwa tusinizye kuti ulakonzya kucita oobo, Leza wakapa Jesu nguzu zyakubusya bantu banji bakafwide.—Amubale Mukambausi 9:5; Johane 11:11, 43, 44.

Leza wasyomezya kuti bafwide mbayeeya bayoobusyigwa munyika mpya iiluleme. Bantu bafwide banooli muciimo eeci kusikila Leza akabape buumi alimwi. Leza Singuzuzyoonse ulayandisya kuyoobelesya nguzu zyakwe kubusya bafwide.—Amubale Jobu 14:14, 15.

Ino bubuke bunooli buti?

Leza aakubabusya bantu, bayoolizyiba, bayoobazyiba balongwe babo, alimwi abamukwasyi wabo. Nokuba kuti mubili wamuntu wabola, Leza ulakonzya kumupa mubili mupya muntu ooyo.—Amubale 1 Bakolinto 15:35, 38.

Bantu basyoonto buyo mbababusyigwa akuya kujulu. (Ciyubunuzyo 20:6) Banji ibayoobusyigwa bayooba abuumi munyika iibambuludwe yaparadaiso. Aaba bayoopegwa matalikilo mapya, abulangizi bwakupona kukabe kutamani.—Amubale Intembauzyo 37:29; Milimo 24:15.

Kutegwa muzyibe zinji, amubone cibalo 6 alimwi a 7 cabbuku eeli lya Ino Ncinzi Cini Bbaibbele Ncoliyiisya?, ilyakamwaigwa a Bakamboni ba Jehova

Mulakonzya kukkopa a Web site ya www.jw.org

[Cifwanikiso icili apeeji 16]

Ino muunzila nzi lufwu moluli mbuli ŋonzi?