INO NCINZI NCOLYAAMBA BBAIBBELE?
Ino ncinzi cicitika twafwa?
BANTU BAMWI BASYOMA KUTI tulazumanana kupona munzila imwi, kakuli bamwi bayeeya kuti lufwu ngamamanino aazintu zyoonse. Ino nywebo ncinzi ncomusyoma?
BBAIBBELE NCOLYAAMBA
“Bafwide tabazyi cintu nociba comwe.” (Mukambausi 9:5) Ikuti twafwa, tulaleka kubawo.
ACIMBI NCOTWIIYA KUZWA MU BBAIBBELE
Muntu wakusaanguna, Adamu, wakajokela kubulongo naakafwa. (Matalikilo 2:7; 3:19) Mbubwenya buyo, bantu boonse ibafwa, bajokela kubulongo.—Mukambausi 3:19, 20.
Bantu bafwa balalekelelwa, naa kwaangununwa kuzibi zyabo. (Baroma 6:7) Ikuti naa muntu wafwa kunyina cisubulo cimbi ncatambula akaambo kacibi.
Sena bafwide balakonzya kupona alimwi?
INO INGA MWAINGULA BUTI?
Inzya
Peepe
Ambweni
BBAIBBELE NCOLYAAMBA
“Kuyooba bubuke.”—Milimo 24:15.
NCINZI CIMBI NCOTUKONZYA KWIIYA KUZWA MU BBAIBBELE?
Kanji-kanji Bbaibbele likozyanisya lufwu kukoona. (Johane 11:11-14) Leza ulakonzya kumubusya muntu uufwide, mbubwenya mbotukonzya kubusya muntu kuzwa kuŋonzi.—Jobu 14:13-15.
Mu Bbaibbele tulabala kujatikizya bantu bakabusyigwa bali mbobabede, aboobo eeci citupa lusyomo lwakuti bafwide bayoobusyigwa.—1 Bami 17:17-24; Luka 7:11-17; Johane 11:39-44.