Kabbokesi Kamubuzyo

◼ Ncinzi ceelede kucitwa naa muntu uupedwe mukuli wakupa makani aabuleya waalilwa kusika aciindi ceelede kumuswaangano?

Cimwi ciindi mukwesu ulakonzya kwaalilwa kusika aciindi ceelede kuti ape makani. Ikuti naa kakuli lusyomo lwakuti ulaboola, baalu balakonzya bayaambele kucita Ciiyo ca Ngazi Yamulindizi; muswaangano wa Makani Aabuleya ulakonzya kutobela. Ino kuti calibonya buya kuti mwaambi takoosikila lyo? Ambweni umwi mwaambi wamumbungano ulakonzya kubandika makani ali woonse ngalibambilide kale.

Ikulibambilila limwi cilagwasya kweeleba penzi eli. Muntu uubona kwaamba kuti baambi bamakani aabuleya nkobali weelede kumuyeezya mwaambi umwi aumwi zyamakani ngayelede kubandika kakucili nsondo yakubandika makani aakwe. Ooko kuyeezya kweelede kubikkilizya ciindi camuswaangano, kkeyala yambungano nkwayakubandikila makani alimwi anamba yaluwaile alimwi amalailile mabotu aambwanga wiijana Ŋanda ya Bwami. Mwaambi weelede kwaalemba kabotu-kabotu makani aya. Mukuli ooyu ngwapedwe tayelede kuubya-ubya pe, weelede kusola kubambulula zintu kutegwa akonzye kuyumuna mukuli oyu ngwapedwe. Ikuti naa kwacitika cintu cimwi cimukasya kuzuzikizya mulimo oyu, weelede kuzibya muntu uulanga makani aazyabweendelezi bwabaambi cakufwambaana kutegwa kujanwe umbi uunga wayumuna mukuli oyu. Takweelede kuumuna kusikila casika ciindi cakubandika makani naya muntu aambe kuti takookonzya naa ujisi penzi. Ikuti naa kwaba cimumusya mwaambi, weelede kubona kwaamba kuti kwatumwa luwaile naa mulumbe wakuzibya bakwesu kutegwa babone ncobanga bacita.

Ikulemeka mukuli wakuba mwaambi wamakani kubuleya, kulibambilila limwi kabotu alimwi aziyeezyo alimwi abulangizi bubotu inga zyagwasya kusyomezya kuti mbungano inooswiilila makani aabuleya aagwasya nsondo ansondo.