Makani Aateokrasi

Zambia: Mu November 1996, ibantu bali 2,428 bakakkomana aprogilamu ya Muswaangano Wabuzuba Bwaalubazu mubbazu limwi lyamu Central Province. Cikondelezya kapati ncakuti, mukwasyi wabantu bali bosanwe wakabapatizigwa mubuzuba bomwe. Aawa kwakali mulumi, mukaintu, mwana wabo mulombe abana babo basimbi bobilo. Alimwi amuswaangano nguwena ooyo, bacizyi bana-bana botatwe amukwesu mwana-mwana omwe uulaa myaka iili lusele bakazwa mumikwasyi iindene-indene boonse bakabapatizigwa. Eeci cakabakkomanisya banji kuzyiba kuti bakubusi abalo anu balimukwiitobela cabusungu milimo ya Teokrasi.