Miswaangano Yamulimo ya June
Nsondo Iitalika mu June 2
Lwiimbo 22
8 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Amubandike lipooti yamulimo wamumuunda ya February ya cisi alimwi aya mbungano yanu.
15 min: “Amusungwaale.” Kubuzya akwiingula.—Amubone a Ngazi Yamulindizi ya April 15, 1993, mapeeji 28-30, mu Chichewa.
22 min: “Luzibo Luzwa Kuli Leza Lulaingula Mibuzyo Minji.” Sicuuno abandike cibalo eci abasikumwaya bobile naa botatwe kubikkilizya amukubusi. Amubandike muncali wa 1 akwaambisya ncolibeleka kapati bbuku lya Luzibo ikutugwasya kwiingula mibuzyo. Amutondezye mbokulibambilwa alimwi mwaambe anzila zimbi mwamana kutondezya nzila yomwe-yomwe.
Lwiimbo 23 amupailo wakujala.
Nsondo Iitalika mu June 9
Lwiimbo 8
10 min: Zyakwaambilizya zyambungano. Lipooti yaakkaunti.
15 min: “Atumwiimbile Jehova.” Makani aabandikwa abaswiilizi.
20 min: Kuyiisya Bamwi—Kuyandika Kubindeene. Makani apegwe a mwaalu. Amulange lipooti yamulimo yanyika yoonse yamu 1996 apeeji 33 mu Yearbook ya 1997. Ikusolekesya kucitwa ikwakukambauka kufwumbwa kujanika bantu kwazyala micelo. Iciyandika lino nkupilukila mutwakasiya mabbuku akuyiisya bantu kasimpe. Notubandika ambabo mumasena aabuleya, cabusongo atulombe zina akkeyala yabo kutegwa tukacite lweendo lwakupilukila. Tatweelede kusyanga buyo mbuto zya Bwami; tuleelede akuziida. (1 Kor. 3:6-8) Imbuto nozisyangwa mubulongo bubotu, ikuyiisya kuli kabotu kulakonzya kugwasya muntu kuswiilisisya. (Mt. 13:23) Tweelede kutola lubazu mubuzwide alimwi cabupampu mumulimo wakuyiisya mbuli mbotukonzya. (Heb. 5:12a) Amubikkilizye twaambo kuzwa mupepa lyamukati lya Mulimo Wesu Wabwami wa June 1996 mincali 25-6. Amwaambisye kuti tukanze kutalika ziiyo mubroshuwa ya Ncayanda naa mubbuku lya Luzibo.
Lwiimbo 25 amupailo wakujala.
Nsondo Iitalika mu June 16
Lwiimbo 18
10 min: Zyakwaambilizya zyambungano. Amwaambe twaambo tukonzya kutalisya mibandi mumamagazini mapya.
15 min: Ziyandika mumbungano.
20 min: Ikuziba Cikombelo Canu Kuti Naa Ncakasimpe Naa Ncakubeja. Mwaalu asololele mumubandi abasikumwaya bobile naa botatwe bazibide kuzwa mu Awake! ya Chichewa ya Januaury 8, 1990 apeeji 26. Ibanji balibonya kuti balaa myoyo mibotu balaswaigwa-swaigwa. Nokuba boobo tabazumini kubaa ciiyo ca Bbaibbele. Amubandike mbotukonzya kubelesyegwa twaambo tuli mucibalo eci ca Awake! ikubazibya mbokuyandika kucita kweendelana aluzibo lwini-lwini. Amwaambe twaambo tupati-pati ituli mubbuku lya Luzibo cibalo 5 caamba kuti: “Nkukomba Kwabani Leza Nkwatambula?” Amubale muncali wa 20. Nyendo zyakupilukila zilakonzya kucitwa kubantu bali boobu kutegwa twabakulwaizya calubomba alimwi cabusongo kuti bazumine kubaa ciiyo akujanika kumiswaangano.
Lwiimbo 13 amupailo wakujala.
Nsondo Iitalika mu June 23
Lwiimbo 3
10 min: Zyakwaambilizya zyambungano. Amwaambe bubambe bwaalubazu bwamulimo wamumuunda bwamu July 7 a 8.
15 min: Ncinzi Ncobaamba Kujatikizya Ndiswe? Makani aajanwa mumamagazini aa Ngazi Yamulindizi aamu Chichewa aa June 1, 1988, mapeeji 6-7; January 15, 1994, mapeeji 5-6; February 15, 1994, mapeeji 5-7; December 15, 1995, mapeeji 28-29. Amusale “Twaambo Ntobaamba Bamwi” itukondelezya kujatikizya Bakamboni ba Jehova—ikulilemeka kwesu alimwi amulimo wesu. Amutondezye mbuli mbobakkomanisyigwa bamwi kwiinda muzintu nzyobabona mulindiswe. Amupandulule eci ncoceelede kutukulwaizya kulilemeka kabotu lyoonse akuzumanana mumulimo wesu. Amwaambe mbotunga twabelesyegwa twaambo tubotu tuli boobu ciindi notwaambaula abalongwe alimwi abantu bayanda kuswiilila ibayanda kuziba zinji kujatikizya ndiswe.
20 min: “Nobazyali—Amubayiisye Kukambauka Bana Banu.” Kubuzya akwiingula. Amubikkilizye amalailile aali mubbuku lya Uminisitala Wathu, amapeeji 99-100, amutwe wakuti “Kutandiza Achichepere.”
Lwiimbo 4 amupailo wakujala.
Nsondo Iitalika mu June 30
Lwiimbo 26
10 min: Zyakwaambilizya zyambungano. Amubayeezye boonse kusiya malipooti abo aamulimo aa June.
20 min: “Nobakubusi—Mujisi Mbaakani Nzi Zyakumuuya?” Bamawisi bobile babandike cibalo eci antoomwe. Balange-lange mbobanga bagwasya bana babo ikuziba ncociyandikila kulibikkila mbaakani zyateokrasi iziyooleta kulongezyegwa kwakumuuya kwiinda kuyandaula zintu zyakumubili.—Amubone abbuku lya Uministala Wathu, mapeeji 116-18.
15 min: Ikulibambila Mabbuku aa Kumwaya mu July. Amusale broshuwa yomwe naa obile aayandwa kapati mubusena bwanu mbomubelekela akulanga-langa twaambo tukondelezya muli imwi aimwi. Amwaambe nzila mbotunga twasanganizigwa twaambo otu munzila njotubelesya. Amubayeezye boonse kulemba mubasiya mabroshuwa akupilukila kuyakupa kuti muntu ayande kuswiilila.
Lwiimbo 2 amupailo wakujala.