Kwiindulula Kwamu Cikolo Camulimo Wateokrasi
Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya January 6 kusikila ku April 21, 1997. Amubelesye pepa nsini lyakulembela kwiingula kwamweelwe wamibuzyo ngomunga mwakonzya muciindi cipedwe.
[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]
Amwiingule twaambo tutobela naa akamwi Kaliluzi naa Takaluzi:
1. Iluzyalo lwa Jesu ilutondezedwe kuli Marko 1:41, kupa bupanduluzi bukulwaizya ibwambuli Jehova mbwalanganya bantu. [Kubala kwa Bbaibbele kwansondo ansondo; amubone w96 3/1 p. 5.]
2. Ciyubunuzyo 7:16 citondezya kuti ibankamu mpati tabakapenzegwi anyika. [uw-CN p. 108 munc. 11]
3. Imubuzyo wa Johane Mubbapatizi uujanwa kuli Luka 7:19 utondezya kuti taakajisi lusyomo. [Kubala kwa Bbaibbele kwansondo ansondo; amubone w87 1/1 p. 16.]
4. Ilyapasika yamamanino ya Jesu antoomwe abasiciiya bakwe, alikke Petro nguwakaamba kuti: “Nsikooyookutama pe.” [Kubala kwa Bbaibbele kwansondo ansondo]
5. Taakwe bumboni bwamu Bbaibbele ibwakuti mwaapostolo Petro wakali mwaalumi uukwete. [Kubala kwa Bbaibbele kwansondo ansondo]
6. Taakwe mu Magwalo imuuya uusalala mpuupedwe zina lini-lini. [rs-CN p. 407 munc. 1]
7. Imbazu zyamazubaa mamanino zijanika buyo muli Matayo 24, Marko 13, alimwi a Luka 21. [kl-CG p. 102 kabokesi]
8. Nokuba kuti Jesu wakaamba Jehova kuti “Leza wangu,” mbokulembedwe kuli Johane 20:17, kwiina mu Magwalo Jehova mpaamba Jesu kuti “Leza wangu,” nouba muuya uusalala kwiitwa kuti “Leza wangu” a Jehova naa Jesu. [rs-CN p. 411 munc. 4]
9. Ibwami Jesu mbwakakambauka ncibeela buyo antela mmutabi wabulelo bwa Leza bwakoonse-koonse. [kl-CG p. 91 munc. 4]
10. Taakwe Ibbaibbele mpolyaamba bube mbobeelede kutondezya ibankamu mpati kutegwa bakafwutuke Amagedoni. [uw-CN p. 105 munc. 5]
Amwiingule mibuzyo iitobela:
11. Kufwumbwa ciindi icibalo cimwi camu Bbaibbele nocikonzeka kusandululwa cakumvwika munzila iitali yomwe buyo, ninjiisyo nzi yabusolozi yeelede kutobelwa amusanduluzi? [rs-CN p. 416 munc. 1]
12. Ncinzi cibakasya bamwi bantu ikuzumina lulayo? [uw-CN p. 127 munc. 4]
13. Ino ciyiisyo ca Butatu cibabikka muciimo nzi aabo ibacizumanana? [rs-CN p. 424 munc. 3]
14. Ino Jesu wakali kwaamba nzi naakati: “Amube amunyo mulindinywe, alimwi amube aluumuno abeenzinyoko.” (Mk. 9:50) [Kubala kwa Bbaibbele kwansondo ansondo; amubone w85 5/15 p. 24 munc. 12.]
15. Nciiyo nzi cipati ncotunga twaiya kunzila eyo Jesu njaakakulanga ikusanga kwamukamufu? (Mk. 12:42-44) [Kubala kwa Bbaibbele kwansondo ansondo; amubone w87 12/1 p. 29 munc. 7–p. 30 munc. 1.]
16. Iciindi Jesu naakaambila ba Falisi kuti Bwami bwa Leza bwakali akati kabo, wakali kulyaamba mwini kuti ngo Mwami uuboola. (Lk. 17:21) [kl-CG p. 91 munc. 6]
17. Ikuti tweezyanya Matayo 6:9, 10 a Luka 11:2-4, ncinzi cinga catupa kubona kuti mupailo wacikozyanyo teewakali wakunooindulula buya ibbala lyomwe-lyomwe? [Kubala kwa Bbaibbele kwansondo ansondo; amubone w90 5/15 p. 16 munc. 6.]
18. Magwalo nzi mu Intembauzyo alimwi amu Ba-Hebrayo aatondezya kuti Jesu taakaakutalika kulela mpoona-mpoona mbwaakatantila kujulu? [kl-CG p. 96 munc. 15]
19. Kweelana abwaamba Ciyubunuzyo 7:14, ino kusanzya cikobela cakwe muntu mubulowa bwa Mwanaambelele kuleta nzi? [uw-CN p. 106 minc. 6-7]
20. Mbokunga tulizi kuti Jesu takwe naakabulide lusyomo muli Leza, nkaambo nzi ncaakoongolweda kuti: “Leza wangu, Leza wangu, ino wandilekelezezyanzi?” (Mk. 15:34) [Kubala kwa Bbaibbele kwansondo ansondo; amubone w87 6/15 p. 31.]
Amupe bbala naa mabala naa majwi aayandika kumaninizya twaambo otu tutobela:
21. Imukamu alimwi awaini uubelesyegwa ku Ciibalusyo ․․․․․․․․ buyo, imukamu kauli wiiminina ․․․․․․․․ mpoonya waini kayiiminina ․․․․․․․․ bwakwe. [uw-CN p. 115 munc. 13]
22. Iciindi notuyeeya cini-cini cakacitika, kuboneka kuti ikwiitwa kwabaabo baya kujulu kwabuleya kwakamanizigwa ambweni mu ․․․․․․․․, iciindi bulangizi bwa ․․․․․․․․ bwaanyika nobwakabonwa kabotu-kabotu. [uw-CN p. 111 munc. 6]
23. Iciindi Johane Mubbapatizi naakatalika kukambauka, imweendelezi wa Judaya wakali ․․․․․․․․ alimwi muleli wacooko caku Galilaya wakali ․․․․․․․․. [Kubala kwa Bbaibbele kwansondo ansondo; amubone Luka 3:1.]
24. Imuuya uuzuminana anguzu zikulwaizya mizeezo amyoyo yabaabo ibali mbana ba Leza ncobeni ni ․․․․․․․․. [uw-CN p. 113 munc. 9]
25. Mbuli butondezedwe kuli Luka 10:16, iciindi notuzumina zipo zyakumuuya cakulumba eezyo iziboola kwiinda mu ․․․․․․․․ alimwi a Kabunga Keendelezya kancico, tutondezya bulemu kuli ․․․․․․․․. [uw-CN p. 123 munc. 13]
Amusale bwiinguzi buluzi mukaambo kamwi akamwi katootu tutobela:
26. Ibasale aabo baambwa kuli Matayo 27:52 bakali (busyidwe kwakaindi-indi mumibili yanyama; mitunta buyo yakafwuswa amuzuzumo wanyika kuzwa muzyuumbwe; baabusigwa kuya kujulu walo Jesu katana). [Kubala kwa Bbaibbele kwansondo ansondo; amubone w90 9/1 p. 7.]
27. Ku Ba-Kolose 1:15, Jesu wiitwa kuti “mutaanzi kuzyalwa kuzilenge zyoonse,” icaamba kuti (mbuli Leza awalo tajisi matalikilo; ngomutaanzi kubana ba Leza baansi; ngomupati mumukwasyi wa Jehova). [rs-CN p. 408 munc. 1]
28. Ikusalwa kwa “muzike musyomesi uucenjede” kwakasinizigwa amuuya uusalala mumwaka wa (33 C.E.; 1918; 1919). (Mt. 24:45) [uw-CN p. 119 munc. 6]
29. Imulawo weelede kutobelwa a Banakristo boonse, pele ikapati aabo ibali muzyuuno zyabulangizi mumbunga ya Leza, ngwakuti: “(Uulisumpula; Uulemenede; Muniini) akati kanu nyoonse ngomupati.” (Lk. 9:48) [uw-CN p. 122 munc. 12]
30. Ikusanzya zikobela zyesu akuzitubya mubulowa bwa Mwanaambelelele caamba (kuleka kucita zibi; kuziba mbuli mbotuyandika cipaizyo ca Jesu icimanya milandu; kwaaba buumi bwesu kuli Leza akubbapatizigwa). [uw-CN p. 106 munc. 7]
Amweendelanye Magwalo aatobela atwaambo tuli mumulongo uutobela:
Tus. 4:13; Dan. 7:9, 10, 13, 14; Mk. 7:20-23; 13:10; Lk. 8:31
31. Tweelede katupakamene ikuziba zintu zitali zyabunaleza izisofwaazya zyalo izinga zyanjila mumizeezo yesu amyoyo alimwi tweelede kuzigwisya mpoona-mpoona. [Kubala kwa Bbaibbele kwansondo ansondo; amubone w89 11/1 p. 14 munc. 16.]
32. Badaimona bayooswaangana a Saatani mubwaange bubaanga ndufwu mu “myaaka iili cuulu.” (Ciy. 20:3) [Kubala kwa Bbaibbele kwansondo ansondo]
33. Kuyandika muuya wakubindaana kutegwa mulimo wakukambaukila nyika yoonse ukonzeke muciindi cisyoonto. [Kubala kwa Bbaibbele kwansondo ansondo; amubone w95 10/1 p. 27.]
34. Ikuzumina lulayo kulakonzya kukwabilila muntu kuzwa kukwaamba akucita zintu zinga zyamuusisya kumbele. [uw-CN p. 128 munc. 6]
35. Nokuba kuti tatukonzi kubona zilenge zyakumuuya, Ijwi lya Jehova lilatupa mizeezo imwi kujatikizya mbunga yakwe yakujulu alimwi micito yayo imwi ilabajatikizya bakombi bakwe ansi. [uw-CN p. 117 munc. 1]