Ino Ndiyakwaamba Nzi?

Iciindi notuswaangana abantu ibautambula kabotu mulumbe wesu mumulimo, lyoonse tulakulwaizigwa kupilukila kutegwa tukazumanane kubakambaukila. Pele zimwi ziindi inga tuladonaika kujatikizya ncotunga twaakwaamba kutegwa tukaubusye mubandi alimwi. Mulakonzya kutobela muzeezo ooyu: Amubuzye mubuzyo uukulwaizya, mpoonya muunke mubbuku lya Kukambitsirana kuti muuingule kwiinda mu Magwalo. Cilakonzya kugwasya kuti mwabaa mibuzyo minjaanji iilembedwe momunga mwasala omwe ngomuyeeyela kuti inga wayandwa amuntu ngomwajana. Imulongo wamibuzyo iitobela iwabambwa kuzwa mubbuku lya Kukambitsirana, utondezya inamba yapeeji kujanika kwiingula kumwi akumwi:

◼ Nkaambo nzi ncotucembaala akufwa? (151)

◼ Sena kuli twaambo tuya koomoonga twakusyoma muli Leza (306)

◼ Sena Leza ncobeni ulatulanganya kujatikizya zintu zitucitikila? (308)

◼ Sena muntu weelede mane aunke kujulu kutegwa akakkomane kumbele? (204)

◼ Nkaambo nzi ncociyandika kuliziba alimwi akulibelesya izina lya Leza limugeme? (420)

◼ Ncinzi Bwami bwa Leza ncobutikacite? (376)

◼ Ino buumi bwamuntu bulaa mulimo nzi? (290)

◼ Nkaambo ncokuli zikombelo zinji? (83)

◼ Muntu inga wabuziba buti bukombi bwakasimpe? (89)

◼ Saatani ujisi lubazu nzi munyika yamazubaano? (355)

◼ Nkaambo nzi Leza ncakulekelede ikupenga? (222)

◼ Nkaambo nzi bubi ncobwavwula kapati? (183)

Mulakonzya kubikka mulongo wamibuzyo uuli mbuli yooyu mu Bbaibbele lyanu naa mubbuku lyanu lya Kukambitsirana ikutegwa mufwambaane kwiijana mibuzyo mwaiyanda abwiinguzi bwayo. Ikuzibila limwi cakwaamba ciindi nomucita nyendo zyakupilukila kuya kumukulwaizya kuzuzikizya nyendo zyakupilukila nkomwakajana bantu bayandisisya.