Miswaangano Yamulimo ya July
Nsondo Iitalika mu July 6
Lwiimbo 15
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Amubandike aalipooti yamulimo wamumuunda yamu March yacisi alimwi ayambungano. Makani Aateokrasi.
15 min: “Elo Ncibotu Kaka Ikujanika Lyoonse!” Kubuzya akwiingula. Amubikkilizye atwaambo tuli mu Awake! ya July 8, 1988 mapeeji 20-22, kutegwa mukulwaizye bakubusi kunikujanika amiswaangano lyoonse.
20 min: “Basimukoboma Bayandika Kwaamvwa Makani Mabotu.” Amujane basikumwaya beelela bobile naa botatwe kuti babandike inzila zimwi zyakubelesya notusiya mabroshuwa amwi imbungano njoijisi. Amupandulule ncaakonzya kugwasya mucilawo cinyenzi. Amwaambisye mbaakani yakutalisya ziiyo zya Bbaibbele mubroshuwa ya Ncayanda naa mubbuku lya Luzibo. Amucite citondezyo cijatikizya makani aantalisyo alimwi aaciindi nomucita lweendo lwakupilukila alimwi ambocinga cakulwaizigwa ciiyo.
Lwiimbo 21 amupailo wakujala.
Nsondo Iitalika mu July 13
Lwiimbo 22
10 min: Zyakwaambilizya zyambungano. Lipooti yamaakkaunti. Amubakulwaizye boonse ikubikkila maanu kukulilembya kuba bapainiya bakugwasilizya mu August, nokunooli nsondo zikkwene zili zyosanwe.
15 min: Ziyandika zyambungano.
20 min: Mbomunga Mulayiisya Manjezeezya Aanu. Makani apegwe amwaalu kuzwa mu Ngazi Yamulindizi ya August 1, 1997, mapeeji 4-6.
Lwiimbo 9 amupailo wakujala.
Nsondo Iitalika mu July 20
Lwiimbo 23
8 min: Zyakwaambilizya zyambungano. Amwiinduluke zili mukabbokesi kategwa “Myaanda Iili Cuulu!”
12 min: “Ikuswaya Kunga Kulagwasya.” Mubandi ucitwe abaalu bobile. Amupandulule mbaakani zyamulimo wabweembezi mbubwenya mbuli mboupandulwidwe mu Ngazi Yamulindizi ya Cingisi ya September 15, 1993, mapeeji 20-3. Amubakulwaizye basimbungano kunookulangila kuswaya kwabaalu.
25 min: “Miswaangano Yacooko Ayaakati Kamasi ya ‘Kupona Munzila Njayanda Leza’ ya 1998.” (Mincali 1-15) Kubuzya akwiingula. Mincali 10 a 11 mwiibale. Amwaambisye mbociyandika kapati kweelana abwaamba Magwalo kuzumanana kusama akulibamba kabotu, kulilemeka alimwi akweendelezya bana besu.
Lwiimbo 14 amupailo wakujala.
Nsondo Iitalika mu July 27
Lwiimbo 5
15 min: Zyakwaambilizya zyambungano. Amubayeezye boonse kupa malipooti aamulimo aa July. Amwaambilizye bubambe bwamulimo bwakumamanino kwansondo ntaanzi mu August, alimwi amubakulwaizye boonse kuyootola lubazu. Amubandike “Pulogilamu Mpya ya Muswaangano Wabbazu.”
12 min: “Nkaambo nzi Ncotweelede Kuba Balondo Kumuswaangano Wesu?” Makani apegwe amwaalu.
18 min: “Miswaangano Yacooko Ayaakati Kamasi ya ‘Kupona Munzila Njayanda Leza’ ya 1998.” (Mincali 16-22) Kubuzya akwiingula. Amuubale muncali wa 16 alimwi alugwalo luli mumuncali. Amwaambisye ncokuyandika kucita zintu cabulondo akulanganya bamwi, ikapati kumakani aabusena bwakukkala. Amumanizye kwiinda mukupa makani mafwaafwi kuzwa mu “Ziyeezyo Zyamuswaangano.”
Lwiimbo 7 amupailo wakujala.