Miswaangano Yamulimo ya August
MALAILILE: Mu Mulimo Wesu Wabwami uno, kunooli mulongo wa Miswaangano Yamulimo yeelede kucitwa nsondo yomwe-yomwe ciindi camuswaangano. Imbungano zilakonzya kucinca bweende bwazintu naa ipulogilamu munzila iinga yazumizya kujanika ku Muswaangano Wacooko wa “Kupona Munzila Njayanda Leza” mpoonya akulanga-langa twaambo tupati-pati twakabandikwa kumuswaangano kwamaminiti aali 30 mu Muswaangano Wamulimo nsondo iiyootobela. Ikwiinduluka kwapulogilamu yamuswaangano kuyoocitwaa bakwesu botatwe ibasimide ibayoopegwa mukuli kakucili ciindi iwakwiinduluka twaambo tupati-tupati twakabandikwa buzubaa buzuba kumuswaangano wacooko. Oobu bubambe bwakubandika makani aakumuswaangano buyoogwasya basimbungano kwiibaluka twaambo tupati-pati tunga twamugwasya umwi aumwi alimwi atwakubelesya mumulimo wamumuunda. Baswiilizi beelede kukulwaizya kwiingula akupandulula makani aabo mubufwaafwi.
Nsondo Iitalika mu August 3
Lwiimbo 23
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Amubandike lipooti yamulimo ya April yacisi alimwi ayambungano. Ilipooti ya April itupa kukkomana cini-cini mumyoyo! Imaunda-maunda aamilimo mibotu iyakacitwa ibikkilizya mweelwe waatala wabasikumwaya ibali 100,559. Tulamulumba akumutembaula Jehova iwazwidilizya kusoleka kwesu. Ikuyaambele kwabukambausi obu bubotu ibwakapegwa kwatondezyegwa kupeeji 8. Ikusanganizigwa koonse kwamulimo wesu wamu April, ikuti naa kwabikkilizyigwa kumulimo uuli mukucitwa nyika yoonse mbwiizulwa, kutondezya muuya mubotu wakusungwaalila zintu zyabunaleza alimwi akulyaaba. Toonse atuzumanane ikutola lubazu mumilimo mibotu cakukondwa nkaambo kucita boobo kupa bulemu kuli Leza.
15 min: “Sena August Ulaba Mweezi Wakuzwidilila Kwiinda Yoonse?” Kubuzya akwiingula. Amubakulwaizye boonse ikutola lubazu mumulimo mumweezi wa August alimwi amumyeezi yoonse yamwaka wamulimo mupya.
20 min: “Amubelesye Mabroshuwa Kukulwaizya Miyeeyo Amyoyo Yabantu.” Mubandi abaswiilizi. Mubufwaafwi amubandike mabroshuwa aakalembwa mumyaka iili mbwiibede yainda aazyibya bantu zyamakani mapati aamu Magwalo. (Amubone Watch Tower Publications Index 1986-1995, mapeeji 652-3.) Amwaambe mabroshuwa aaliko alimwi amubandike kujatikizya bantu banga bakkomanina kutambula broshuwa yomwe-yomwe. Amucite citondezyo comwe naa zyobile.
Lwiimbo 21 amupailo wakujala.
Nsondo Iitalika mu August 10
Lwiimbo 15
10 min: Zyakwaambilizya zyambungano. Lipooti yamaakkaunti. Amwaambe mbaakani njobajisi basikumwaya boonse ibatola lubazu mumulimo wamumuunda mu August.
15 min: Ziyandika zyambungano.
20 min: “Nobakubusi—Amubikkile Maanu Kulwiiyo Lwanu.” Kubuzya akwiingula. Amubikkilizye amakani aayelela kuzwa mu Awake! yamu April 8, 1992 mapeeji 17-19 alimwi a Ngazi Yamulindizi ya July 15, 1991 mapeeji 23-6.
Lwiimbo 9 amupailo wakujala.
Nsondo Iitalika mu August 17
Lwiimbo 13
10 min: Zyakwaambilizya zyambungano. Amutambe baswiilizi baambe mubufwaafwi mbotunga twabuzya zina camaanu alimwi akkeyala yamuntu ngotwakambaukila mumugwagwa, mupaaki naa mubusena bumbi ikutegwa tukamuswaye ciindi cimbi akukomezya luyandisisyo lwakwe.
35 min: “Ziiyo zya Bbaibbele Zinji—Zilayandika.” Makani alimwi amubandi abaswiilizi aayoopegwaa mulangizi wamulimo. Amubandike aamulimo wakucitya ziiyo zya Bbaibbele wambungano. Amubalumbaizye basimbungano mpobacita kabotu. Amutondezye zintu zimbi zinga zyacitwa mukutalisya akucitya ziiyo zya Bbaibbele, kubikkilizyaa ziiyo zyamikwasyi. Amupe cikozyanyo mumuncali 5 kwiinda mukubuzya-buzya muzyali uucita kabotu lyoonse mukucitya ciiyo ca Bbaibbele camukwasyi. Amubale muncali 8, alimwi amukankaizye twaambo ituli lusele tundandamikidwe. Amuupandulule muncali wa 13 kwiinda mukutamba sikumwaya uuzwidilila mukucitya ziiyo zya Bbaibbele kuti aambe mbocikonzyeka kubandika cibaka cipati kakunyina kusowa ciindi. Amubikkilizye acakuluula cimwi cibotu icitondezya kuzwidilila kubotu mbokwakacitwa mucilawo cinyenzi.
Lwiimbo 5 amupailo wakujala.
Nsondo Iitalika mu August 24
Lwiimbo 22
12 min: Zyakwaambilizya zyambungano. Amubandike zili mukabbokesi kalaamutwe wakuti “Zyuulu Zili Mwaanda!” mu Mulimo Wesu Wabwami wa July 1998. Mbwaanga kwasyaala buyo mvwiki yomwe mu August, amubakulwaizye boonse kutola lubazu mumulimo mweezi noutanamana.
18 min: M’mene Mungalimbikire Muutumiki Waupainiya. Makani aazwa mu Ngazi Yamulindizi ya Chichewa ya September 15, 1993 mapeeji 28-31. Amubuzye-buzye mupainiya umwi iwaiya kukakatila nali mumapenzi mapati alimwi uucizumanana mumulimo wabupaiya.
15 min: Amuubelesye Kabotu Mulimo Wesu Wabwami. Mubandi abaswiilizi. Kwiinda mukubelesya zikozyanyo zyaonoono, amutondezye makani mabotu aakonzya kubelesyegwa aajanika mu Mulimo Wesu Wabwami alimwi azilongezyo nzyotujana mulingawo: (1) izibalo izitukulwaizya kutola lubazu mumulimo lyoonse; (2) izyakuluula izitukulwaizya mumulimo wesu uusetekene; (3) inzila izitugwasya kuzwidilila notukambauka makani mabotu; (4) zyakwaambilizya zyamabbuku mapya aaliko aagwasya mucilawo cinyenzi; (5) imalipooti aamulimo, aatondezya mbouli mukuyaambele mulimo nyika yoonse mbwiizulwa; (6) Makani Aateokrasi, aaluula kuyaambele kwamulimo wanyika yoonse mbwiizulwa; (7) zyakwaambilizya alimwi amilongo yazyakucita izitugwasya kuzyiba zintu nzyotubambilidwe kumbele; (8) Itubbokesi Twamibuzyo itwiingula mibuzyo iiyandika kapati; alimwi (9) amapepa aamukati aatwaambila zyamiswaangano, zyakumwaya kwaaluzu alimwi amakani amwi aatukulwaizya kuzumanana kuyandisisya zintu nzyotuyandika munzila yakumuuya. Amubakulwaizye boonse ikubala Mulimo Wesu Wabwami omwe-omwe, ikubelesya mizeezo iipegwa, ikuuletelezya ku Muswaangano Wamulimo alimwi alyamiswaangano yamulimo wamumuunda, alimwi umwi aumwi amuubambe mumafailo aanu kutegwa mukaubelesye kumbele waakuyandika.
Lwiimbo 7 amupailo wakujala.
Nsondo Iitalika mu August 31
Lwiimbo 20
12 min: Zyakwaambilizya zyambungano. Amubayeezye boonse kuleta malipooti aabo aamulimo wamumunda mu August. Ibeendelezyi ba Ziiyo Zyabbuku Zyambungano beelede kubona kwaamba kuti boonse mukakamu kabo bapa malipooti aabo ikutegwa kuzikusika mu September 6, oonse kaalembedwe kale. Amubandike bbuku lyakumwaya mu September. Mubufwaafwi amutondezye ntalisyo yamakani iibusya mubuzyo wakuti, “Nkaambo nzi ncotweelede kubelesya zina lya Leza?” Amuuingule kwiinda mukubelesya bbuku lya Luzibo, cibalo 3, muncali 6.
15 min: “Balangizi Basololela—Imulangizi Weendelezya.” Makani apegwe amulangizi weendelezya. Amana kubandika mikuli njajisi, ape kulumba kumbungano akaambo kakuti bali kutobela zyoonse zyaambwaa baalu ciindi nobayembela butanga.
18 min: Amugwasye Mwanaanu Kulwana Mapenzi Aakucikolo. Mwaalu abe amubandi abazyali bobile naa botatwe ibalaa bana bali kucikolo. Mubufwaafwi amwaambe mapenzi aadumide ngobayaanaawo bana, mbubwena mbuli mbwaabikkidwe mu Awake! ya August 8, 1994 mapeeji 5-7. Mpoonya kwiinda mukubelesya mapeeji 8-10, amubandike mbuli ibazyali mbobanga bakwabilila bana babo akuzumanana abulongwe bubotu buli akati kabazyali abamayi.
Lwiimbo 14 amupailo wakujala.