Zyakwaambilizya
◼ Mabbuku aakumwaya mu August: Kufwumbwa broshuwa yamapeeji aali 32 akati kayaaya ilakonzya kubelesyegwa: Sena Ncobeni Leza Ulatulanganya?, Mutangale Abuumi Butamani a-Nyika!, Should You Believe in the Trinity?, Imfulumende Eeyo Iiyooleta Paradaiso, Ino Buumi Bujisi Mulimonzi—Mbubuti Mbomunga Mwabujana?, alimwi a Iciindi Muntu Ngomuyanda Nafwa. Imabroshuwa aa A Book for All People, Our Problems—Who Will Help Us Solve Them?, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, alimwi a Will There Ever Be a World Without War? alakonzya kumwaigwa nkwaayelede. October: Kulembya kwamamagazini aa Ngazi Yamulindizi naa Awake! naabo oonse obile. November: Luzibo Lutola Kubuumi Butamani.
◼ Kumbungano imwi aimwi kuli mukutuminwa mafoomu aazulide aakubelesya mumwaka wamulimo wa 1999. Twamulomba mwaabelesye kabotu mafoomu aaya. Amwaabelesye buyo mulimo wangawo.
◼ Imbungano imwi aimwi iyakutambula mafoomu otatwe aa Literature Inventory (S-AB-18). Mulembi wambungano weelede kuswaangana amubelesi wamabbuku kumatalikilo aa August kutegwa babandike makani aakusala buzuba bwakubala mabbuku oonse aaliwo mumbungano kumamanino aamweezi. Oonse mabbuku aaliwo ayelede kubalwa, mpoonya mweelwe weelede kulembwa aafoomu ya Literature Inventory naa ipepa lilembelwa mabbuku aaliwo. Imweelwe wamamagazini aaliwo ulakonzya kujanwa kumubelesi wamamagazini. Mwalombwa mutumine pepa lyamatalikilo kulembwa ku Sosaiti kaitanainda September 6. Amubambe kkopi lyasyaala mumafailo aanu. Ikkopi lyatatu inga mwalibelesya kumilimo yanu. Mulimo wakubala mabbuku weelede kweendelezyegwaa mulembi, mpoonya ifoomu yamana kulembwa yeelede kulangwa-langwa amulangizi weendelezya. Mulembi amulangizi weendelezya balaisaina foomu.
◼ Imulembi wambungano ulaasanganya oonse malipooti aamulimo wamumuunda kutegwa alembelwe aafoomu ya Congregation Analysis Report (S-10) naa Pepa Litondezya Mulimo Wambungano Yoonse Mbwiibede. Alimwi kufwumbwa mwaalu naa mukutausi ngwabikkide kuti kamugwasya mumulimo ooyu wakubikka antoomwe malipooti ulamuyiisya kabotu-kabotu. Eci ciyoosinizya kuti oonse makani aalembwa aayandika kumakkaadi aa Congregation’s Publisher Record (S-21) kaaluleme. Makani aalembwa aafoomu ya Congregation Analysis Report (S-10) ayelede kaaluzi alimwi kaalembedwe kabotu alimwi ayelede alangwe-langwe a Kkomitii Yamulimo Yambungano.
◼ Ikuti imbungano yanu kayiyanda kuyungizya maoda aamamagazini aciindi cimwi, yeelede kutumina foomu yakulomba kwaalubazu ya M-202 imyeezi yotatwe mamagazini aayo kaatanayandika. Mucikozyanyo, imamagazini aayungizidwe alayandika mumyeezi ya March kusikila mu May ibanji nobacita bupainiya bwakugwasilizya naa nobaswaigwaa mulangizi wabbazu. Amwaambilizye kumbungano mubuzye aabo boonse ibalibambilide kucita bupainiya balibambile mweelwe wamamagazini aambi ngobayanda kubaangawo mumweezi omwe naa iyiindaawo. Mwamana kusanganya myeelwe yoonse yalombwa, muyooziba imamagazini aambi ngomweelede kooda. Imaoda aalubazu aamuka kutuminwa taakalanganizigwi pe elyo mbungano ezyo ziyoobula cakubelesya.
◼ Tuyanda kubazibizizya limwi boonse aabo ibali mumulongo wabapainiya baciindi coonse kuzwa mu October 1, 1997 naa bakatalika ciindi camusyule ibatanajanika kucikolo cabupainiya naa Pioneer Service School kuti cikolo eci ciyoocitwa mumweezi wa October 1998. Twamulomba mulibambile kujanika ku Cikolo Camulimo Wabupainiya eci mu October. Nobapainiya mutalubi kuti eci ncipego kuzwa kuli Jehova. Mulangizi wabbazu uyoomutumina makani aambi aayandika.
◼ Muswaangano Wacooko: Tumuzyibya kuti imadeeti aamuswaangano ku Kabula acincwa, ono aba mu September 1-3, 1998.
◼ Imbungano zyeelede kutalikila limwi kulomba 1999 Calendar of Jehovah’s Witnesses antoomwe amabbuku ngobalomba mu September. Imakkalenda anooliko mu Chichewa, Cibemba alimwi amu Cingisi.
◼ Ikuzwa mu August 1, 1998 imabbuku aa Ngazi Yamulindizi alimwi aa Awake! anooulwaa muulo waansi wa K4,500.00. Imali ayelede kutuminwa antoomwe amaoda aali woonse.
◼ Kuzwa mu August 31, 1998 kusikila mu September 5, 1998, iba Sosaiti banoojisi mulimo wakubala mabbuku oonse ngobajisi ku Beteli. Akaambo kamulimo wakubala mabbuku oyu, taakwe mbungano yeelede kulangila kutumina oda yamabbuku mumazuba aya.
◼ Ikkomitii Yamulimo Yambungano yeelede kwaalanganya cakufwambaana magwalo aakulomba kubeleka mulimo wabupainiya waciindi coonse. Ikkomitii yamulimo tayeelede kuyobola magwalo aakulembela mulimo oyu kutegwa basinizye naa sikulembela inga wacikonzya kuzulizya mawoola aayandika naa pe. Ideeti yabuzuba sikulembela nayanda kutalika kubeleka ilakonzya kucincwa kuti naa magwalo atambulwa kabwiindide kale buzuba sikulembela mbwaakasala kutalika. Ikusala kucitwa buzuba bwakutalika kubeleka kabutanasika takucitwi pe ccita kuti kuli zyakatazya buya. Ikuti kwaba zintu zikatazya, kweelede kuba ŋwadi iisindikizya pepa lyakulombela mulimo.—Amubone pepa lyamukati lya Mulimo Wesu Wabwami lyamu October 1986, mincali 24-6.
◼ Imulongo wamabroshuwa uyooyiigwa a Ciiyo Cabbuku Cambungano. Ikwaambilizya kwamu Mulimo Wesu Wabwami wamu May 1998 kwakati kutalikila mumvwiki ya September 21, kuyoobelesyegwa broshuwa ya Ncayanda. Iiyootobela nibroshuwa ya Amubone! Ndalengulula Zintu Zyoonse Zibe Zipya alimwi a Myuuya Yabafwide—Sena Inga Yamugwasya Naba Kumucisa? Ibacitya ziiyo zyabbuku bayooyandika kubamba mibuzyo aamakani aanyina mibuzyo iibambilidwe limwi. Muciindi eci, kuyooba kwiima mukwiiya bbuku lya Ibbuku Lyangu Lyamakani Aa-Bbaibbele.
◼ Imabbuku Aaliko:
Imabbuku aa Awake! aamu 1984, 1991-1997—Cingisi
Imabbuku aa Ngazi Yamulindizi aamu 1951-1985, 1989, 1991, 1993, 1995 alimwi aamu 1997—Cingisi
Bbaibbele—Cikaonde, Cilunda
Cizuminano Cipya (K2,500.00)—Chitonga
Inzila Yakujana Lukkomano Mumukwasyi—Chitonga, Ciswahili
Tutulakiti 13-16 Cikaonde
◼ Compact Disc Impya Iiliko:
Kingdom Melodies No. 8