Kwiindulula Kwamu Cikolo Camulimo Wateokrasi
Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya May 4 kusikila ku August 24, 1998. Amubelesye pepa nsini lyakulembela bwiinguzi kwamweelwe wamibuzyo ngomunga mwakonzya muciindi cipedwe.
[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]
Amwiingule kutwaambo ootu, mwaambe naa Takaluzi naa Kaliluzi:
1. Intaamu zisololela kulubbapatizyo lwa Bunakristo zilatalika kubwezwa kwiinda mukubaa luzibo lwini-lwini lwa Jehova Leza a Jesu Kristo mumyoyo yesu. [kl p. 173 munc. 7]
2. Muzike iwaambwa ku Luka 19:20-24, iwakatambula di akulivwungaila mukasani wakacita cinyonyoono cakutabweza ntaamu. [gt mut. 100]
3. Busungu bwakutola ambele zintu zya Bwami tabupi mulawo wakuteendelezya bamwi kabotu, calweetelelo alimwi acaluse. (1 Kor. 13:2, 3) [Kubala kwa Bbaibbele kwansondo ansondo; amubone w95 10/15 p. 31 munc. 5.]
4. Ibuumi tulakonzya kubujana kwiinda mumulimo ngotumubelekela Jehova Leza. [kl p. 182 munc. 4]
5. Ilugwalo lwa Ba-Galatiya 5:26 taluzumizyi Banakristo bakasimpe kucita zisobano zyoonse zyamizundano. [Kubala kwa Bbaibbele kwansondo ansondo; amubone g95 12/8 p. 15 munc. 8]
6. Ciindi Paulo naakaamba ku 2 Ba-Korinto 10:4 kuti “zintu zyesu zyakulwisya tazyeensi zyabantu buyo,” wakali kwaamba kuti Banakristo tabeelede kubelesya zilwanyo zyakumubili mbuli bumpelenge, mwaambo uusumpukide, naa zilwanyo zyanyika kukwabilila mbungano kunjiisyo zyakubeja. [Kubala kwa Bbaibbele kwansondo ansondo; amubone rs p. 271 munc. 3.]
7. Majwi aakuti “uyoofutulwa kuciindi ncayootumbuka bana” aamba kuti kuzyala bana kulakonzya kuleta lufwutuko lutamani. (1 Tim. 2:15) [Kubala kwa Bbaibbele kwansondo ansondo; amubone w91 1/15 p. 30]
8. Jesu “wakalondomezegwa mumuuya,” mbuli mbokwaambwa ku 1 Timoteo 3:16 kwiinda mukulumbulwaa buumi bwakumuuya naakabusigwa; eeci cakali kujatikizya kwaambilizya kwa Leza kuti Jesu wakali mululami alimwi wakali kweeledwe milimo imbi iisumpukide. [Kubala kwa Bbaibbele kwansondo ansondo; amubone w90 1/15 p. 13 munc. 12.]
9. “Kwiinka” kwaambwa ku Ba-Filipi 1:23 kulibonya kuti caamba bulangizi Paulo mbwaakajisi bwakuba antoomwe a Kristo mbwatikafwide buyo. [Kubala kwa Bbaibbele kwansondo ansondo; amubone w95 3/1 p. 30 munc. 4.]
10. Mu 33 C.E., Jesu naakabusigwa akukkalila kujanza lyalulyo lya Leza, wakatalika kweendelezya basikwiiya bakwe bananike ciindi eco. (Kol. 1:13) [gt mut. 132]
Amwiingule mibuzyo eeyi:
11. Mbuti bamwi baku Korinto mbobakali kulya mulalilo “cakutaelela” ciindi nobakaswaangana antoomwe kusekelela Ciibalusyo calufwu lwa Kristo? (1 Kor. 11:27) [Kubala kwa Bbaibbele kwansondo ansondo; amubone w90 2/15 p. 19 munc. 17.]
12. Mbuti Jehova mbwayoopilusya cintu ncotunga twasweekelwa akaambo kabukombi bwakwe? [kl p. 169 munc. 20]
13. Amwaambe mubuzyo omwe akati kamibuzyo yotatwe Ibbaibbele njoigwasya baabo balangila kukwata naa kukwatwa kwiingula. [fy p. 14 munc. 3]
14. Nkaambo nzi baapostolo basyomeka, Jakobo munyina Jesu alimwi abasikwiiya bali 500 ncobakasyoma kuti Jesu wakabusigwa? [gt mut. 131]
15. Nkaambo nzi kulikumbuzya ncokweelanisigwaa kukomba mituni? (Kol. 3:5) [Kubala kwa Bbaibbele kwansondo ansondo; amubone w78 4/1 p. 21]
16. Ncinzi mwaapostolo Paulo ncaakali kwaamba naakati Mulawo “wakayungizizigwa nkaambo kansotoko”? (Gal. 3:19) [Kubala kwa Bbaibbele kwansondo ansondo; amubone uw p. 147 minc. 3-4.]
17. Nguni “muntu mubi”? (2 Tes. 2:3) [Kubala kwa Bbaibbele kwansondo ansondo; amubone w88 1/15 p. 12]
18. Ino “makani aasisidwe” nguni wini-wini ngwaajatikizya? (1 Tim. 3:16) [Kubala kwa Bbaibbele kwansondo ansondo; amubone w88 9/1 p. 12]
19. Ino ncinzi mwaapostolo Paulo ncaakali kwaamba naakati uyanda kuti bamakaintu “kabasama cakulibombya”? (1 Tim. 2:9) [Kubala kwa Bbaibbele kwansondo ansondo; amubone g90 6/22 p. 19 munc. 2.]
20. Muunzila nzi zyobile baalu nzyobanga batondezya mbocili cipati kutobela lulayo lwa Leza lwakukwata “muna-Kristo”? (1 Kor. 7:39) [Kubala kwa Bbaibbele kwansondo ansondo; amubone w82 3/15 p. 31.]
Amulembe bbala naa mabala aayandika kuzulizya twaambo otu:
21. Bakwesu abeendelezye bamakaintu bapati mbuli ․․․․․․․․ abamakaintu baniini mbuli ․․․․․․․․ cabulemu. [Kubala kwa Bbaibbele kwansondo ansondo; amubone w73 p. 540]
22. Ciindi ․․․․․․․․ naakapambuka kuli Bamasi basyomi ku Antiokeya akaambo kakuyoowa ba Juda Banakristo baku Jerusalemu, ․․․․․․․․ wakamusinsa. [Kubala kwa Bbaibbele kwansondo ansondo; amubone w90 11/15.]
23. Paulo wakasyomezya ba Filipi kujatikizya ․․․․․․․․ wakacisidwe kapati. [Kubala kwa Bbaibbele kwansondo ansondo; amubone w90 11/15.]
24. Ilubbapatizyo ․․․․․․․․ aabubelesi kuli Leza bwaciindi coonse ncopona koli umwi ․․․․․․․․ wa Bakamboni ba Jehova. (Mt. 24:13) [kl p. 178 munc. 17]
25. Akaambo kakuti nciyumu kulibona mbobatubona bamwi, inga cagwasya kubuzya bazyali besu naa ․․․․․․․․ kuti batwaambile cini-cini mbotubede akutupa maanu. [fy p. 16 munc. 7]
Amusale kaambo kaluzi aali tootu:
26. Ambweni akaambo kakuyungwaa (busongo bwa Cigiliki; moyo; Magwalo aa Cihebrayo), bamwi mumbungano yaku Korinto bakali kwaamba kuti kunyina bubuke bwabafwu. (1 Kor. 15:32) [Kubala kwa Bbaibbele kwansondo ansondo; amubone w90 9/15 p. 25.]
27. Ku 2 Ba-Korinto 3:18, Paulo wakali kwaamba cakamucitikila (Musa; Joshua; Elija). [Kubala kwa Bbaibbele kwansondo ansondo; amubone w90 9/15 p. 26.]
28. Ku 1 Ba-Korinto 12:31, “inzila imbotu kwiinda zyoonse” ninzila (yakasimpe; yaluyando; njabuumi iijisi zipo zinji zyakumuuya). [Kubala kwa Bbaibbele kwansondo ansondo; amubone w92 7/15 p. 27 munc. 3.]
29. (Basikusandula ba Juda; basololi babukombi ba Kristendomu; Babuloni Mupati) “[ngo]muntu mubi” waambwa ku 2 Ba-Tesalonika 2:3. [Kubala kwa Bbaibbele kwansondo ansondo; amubone w90 1/15 p. 18 munc. 11.]
30. Kuti naa mulamudooneka muntu ciindi nomweebene, cintu cinga camugwasya (nkuzumanana buyo anguwe kufwumbwa kuti kamumuyanda; nkutazumanana anguwe; nkutatubikkila maanu tumpenda twakwe, mulusyomo lwakuti zintu ziyoolulama mwaakumana kukwatana). [fy-CG p. 24 munc. 19]
Amweendelanye Magwalo aatobela atwaambo tuli mumulongo uutobela:
1 Tes. 5:8; 2 Kor. 4:7; 2 Kor. 8:14; Flp. 4:6, 7; 2 Tes. 1:8, 9, 12
31. Kuti naa muntu wabikka mulimo wa Bunakristo abusena bwakusaanguna mubuumi bwakwe, ulalibonena nguzu nzyapa Leza. [Kubala kwa Bbaibbele kwansondo ansondo; amubone w90 3/1 p. 29 munc. 5.]
32. Kutegwa Banakristo bazumanane kusyomeka, bayandika cilikwabilizyo eci cakumuuya. [Kubala kwa Bbaibbele kwansondo ansondo; amubone w91 1/15 p. 22.]
33. Izipego zya Banakristo bavwubi zilakonzya kugwasya baabo bakkala mumasena mobali bacete, kakuli busungu alimwi akukakatila kwabaabo bali mumapenzi kulakonzya kukkomanisya akukulwaizya basikupa. [Kubala kwa Bbaibbele kwansondo ansondo; amubone w93 12/15 p. 21 munc. 20.]
34. Tatweelede kulengaana mukukambauka makani mabotu, nkaambo Bbaibbele lyaamba kuti boonse bantu bapona sunu ibanoocili baumi mane kusikila kumamanino aabweende obu bwazintu bubyaabi alimwi ibayoobetekwa akujanwa kuti mbaasinkondonyinaa bukombi bwakasimpe bayoonyonyoonwa alunyonyooko lutamani. [Kubala kwa Bbaibbele kwansondo ansondo; amubone w89 5/1 p. 19 munc. 4.]
35. Jehova ulapa luumuno nomuba muziindi zikatazya kapati. [Kubala kwa Bbaibbele kwansondo ansondo; amubone w88 11/1 p. 30 minc. 19-20.]