Miswaangano Yamulimo ya October
Nsondo Iitalika mu October 5
Lwiimbo 21
10 min: Abandikwe aamulembi. Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Mubandi abaswiilizi wamu Kabbokesi Kamubuzyo.
15 min: “Twakagwasigwaa Miswaangano ya ‘Kupona Munzila Njayanda Leza.’” Kubuzya akwiingula. Amulitondezye aantangalala ibbuku ipya alimwi abroshuwa, alimwi amwaambe inzila mbotunga twazibelesya kabotu eezi.
20 min: “‘Ikuminza Mbuto zya Bwami’ Mumasena Imusiigwa Mamagazini.” Mubandi abaswiilizi. Amujane bamwi batipandulule mbuli mbobakatalisya masena imusiigwa mamagazini ambobazumanana mulingawo. Mpoona amutondezye citondezyo cijatikizya kumwaya mamagazini mwalo mwacitwa bubambe bwakuyoopilukila amamagazini aatobela. Amukankaizye imasena motusiya mamagazini mbwaasololela kukujana kulembya mamagazini alimwi ambokuyandika kukulwaizya bantu kulembya.
Lwiimbo 4 amupailo wakujala.
Nsondo Iitalika mu October 12
Lwiimbo 9
5 min: Zyakwaambilizya zyambungano. Amwaambe bubambe bwaalubazu buli boonse bwamumulimo wamumuunda bwamubuzuba bwakulyookezya. Lipooti yamaakkaunti.
10 min: “Ibalangizi Basololela—Imulembi.” Imakani abandikwe amulembi wambungano, abandike mikuli njapedwe kucita. Wakankaizya kuti boonse balakonzya kubelekelaamwi kwiinda mukupa malipooti aamulimo wamumuunda cakufwambaana.
10 min: Bajisi Muuya Wabusungu Wabupainiya. Makani aakulwaizya aazwa mu 1998 Yearbook, mapeeji 104-7. Amupandulule ncokuli bapainiya banji kapati kucisi ca Japan, icipa kuti bamakaintu batabeleki milimo yakumubili kababikkaa ambele lutaanzi izintu zyakumuuya, icintu cipati cibakulwaizya kulembela kucita mulimo wabupainiya alimwi naa naa mbaani banamunji mumulimo oyu wabupainiya. Amupe cikozyanyo camuuya ngobakulwaizya ibazyali ibacita mulimo wabupainiya. Amutondezye lusyomo luyandika mukucinca bukkale kutegwa muntu acite mulimo wabupainiya. Amubakulwaizye boonse kubikkila maanu kapati cabusungu kukulingaula makanze aabo aakucita mulimo wabupainiya. (Alimwi mulakonzya kubelesya bbuku lya Tuliyanzene Kukumanizya Mulimo Wesu, mapeeji 113-4)
20 min: “Sena Mamagazini Mulaabala?” Kubuzya akwiingula. Amubandike inzila zigwasya zyakucita bubambe bwakulibalila ibujanika mubbuku lya Bukhu Lolangiza la Sukulu, ciiyo 4, mincali 5-6.
Lwiimbo 13 amupailo wakujala.
Nsondo Iitalika mu October 19
Lwiimbo 23
10 min: Zyakwaambilizya zyambungano. Amubandike twaambo twakubelesya ituli mumamagazini mapya. Amwaambe zyakuluula zili mu 1997 Yearbook, peeji 45, alimwi amu Ngazi Yamulindizi yamu January 1, 1994, peeji 23. Amubakulwaizye boonse ikutola lubazu mukumwaya mamagazini kumamanino aansondo ino.
15 min: Ziyandika zyambungano.
20 min: Mbomunga Mwalibambila Ciiyo ca Ngazi Yamulindizi. Mubandi abaswiilizi ucitwe asikucitya Ciiyo ca Ngazi Yamulindizi, uuzwa mu Ngazi Yamulindizi ya Chichewa yamu November 1, 1986 mapeeji 13-14, mincali 16-18 alimwi amubbuku lya Bukhu Lolangiza la Sukulu, ciiyo 7, muncali 11 aciiyo 18 mincali 4-6. Amulombe baswiilizi kutola lubazu mukwiingulwa kwamibuzyo iitobela: (1) Nkaambo nzi ncociyandika ikujana lugwasyo lwini-lwini mumagazini imwi aimwi ya Ngazi Yamulindizi? (2) Ncinzi ncotweelede kucita notwatambula magazini mpya? (3) Ninzila nzi mbotu yakulibambila Ciiyo ca Ngazi Yamulindizi? (4) Nkubikkila maanu nzi ikweelede kucitwa kumagwalo aambidwe buyo? (5) Mbuti mbotunga twaindulula nzyotwaiya? (6) Ntwaambo nzi tupati-pati ntotweelede kuyeeya cakuzinzibala ciindi notwamanizya ciiyo cesu tobeni? (7) Mbuti mbotweelede kulibambila bwiinguzi? (8) Mbuti bwiinguzi busiyene-siyene mbobunga bwapegwa aamubuzyo omwe buyo? Amujane batiluule ncobacita kutegwa kabagwasigwa kapati a Ciiyo ca Ngazi Yamulindizi.—Amubone alimwi amubbuku lyakuti Tuliyanzene Kukumanizya Mulimo Wesu, mapeeji 65-7.
Lwiimbo 1 amupailo wakujala.
Nsondo Iitalika mu October 26
Lwiimbo 28
10 min: Zyakwaambilizya zyambungano. Amwaambe mabbuku aakaindi mbungano ngoijisi alimwi aanga alapegwa kubantu mumuunda kufwumbwa ciindi. Mbwaanga kuli mazuba aakulyookezya mu November a December, eci inga caba ciindi cibotu kubakubusi ibabbapatizidwe alimwi abamwi kulibambila kucita mulimo wabupainiya bwakugwasilizya.
20 min: Ikumvwa Kwabunaleza Mumukwasyi Uujisi Bukombi Bwaandeene. Makani aazwa mu Ngazi Yamulindizi ya Chichewa yamu June 1, 1995 mapeeji 26-9. Amukulwaizye alimwi akulaya calubomba kuti mugwasye baabo ibajisi baalumi naa banakazi babo ibatasyomi kuzumanana aciimo cibotu alimwi akuyanzana cabusungu ambungano.
15 min: Ikusika Kumiswaangano Aciindi Ceelede. Mubandi akati kabasikucitya Ciiyo Cabbuku Cambungano bobile naa botatwe naa bakutausi kujatikizya penzi lyakumuka kumiswaangano. Bazumina kuti ziindi zimwi mbuli zyantenda, mbobwaca buzuba oobo, ikuvwula kwamyootoka mumugwagwa azimwi-zimwi kulakonzya kumusya muntu uuli woonse. Pele bamwi nciyanza buya kumuka. Munzila iisinizizye, ikakamu kabandika alimwi kapa zikozyanyo aazintu ziyandika kucitwa kutegwa kutabi kumuka: (1) ikulumba kapati kucoolwe cakujanika kumiswaangano alimwi acakulya cakumuuya akuyanzana izijanika nkuko, (2) ikulibambilila limwi kabotu alimwi abweendelezi bwazintu nzyotucita, (3) ikubelekelaamwi cakulisungula aboonse mumukwasyi, (4) ikuyumuka kakucili ciindi cinji cinga nokuba kuti kwaba zisinkilizyo zimwi takukonzyi kumukwa alimwi (5) akubikkila maanu kapati ikutayanda kunyonganya bamwi ibajanika. Boonse bazuminizyanya kuti ipenzi eeli lyakumuka kusika lilakonzya kulwanwa kwiinda mukusolekesya kuzwidilila.
Lwiimbo 5 amupailo wakujala