Miswaangano Yamulimo ya April
Nsondo Iitalika mu April 5
Lwiimbo 7
10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Amubandike makani aakuti “Sena Inga Tatukoomwaya Bbuku lya Creator?” Amubatambe boonse bayanda kuti bakajanike kumakani aabuleya aalubazu mu April 18. Imakani ajisi mutwe wakuti “Ikuba Balongwe Beni-Beni ba Leza Ababantuma.”
15 min: “Amuyandisisye Kukambauka Makani Mabotu.” Amutalisye mubandi mukaindi kaniini katasiki kuminiti yomwe, mpoonya muzumanane amubandi wakubuzya akwiingula. Kumamanino amukulwaizye kubelesya makani aamu School Guidebook, mapeeji 191-2, mincali 12-13.
20 min: “Ibanamukwasyi Mbobabelekela Antoomwe Ikutegwa Batole Lubazu—Mumulimo Wabo Wamumuunda.” Mubandi uucitwa abamumukwasyi. Amukanane twaambo banamukwasyi ncobeelede kulanga mulimo wamumuunda kuti ncintu ncobeelede kucita nsondo ansondo boonse. Amulange makani aakulwaizya aamu Ngazi Yamulindizi yamu September 1, 1993, amapeeji 17-19, mincali 9-12. Amulombe bazyali akati kabaswiilizi kuti baluule mbobazwidilila kweendelezya mulimo wamumuunda mumukwasyi wabo nsondo ansondo.
Lwiimbo 21 amupailo wakujala.
Nsondo Iitalika mu April 12
Lwiimbo 11
10 min: Zyakwaambilizya zyambungano. Lipooti yamaakkaunti.
15 min: Ziyandika zyambungano.
20 min: “Ikubeleka Canguzu Mumulimo Wabukamboni Mbotuyabuswena Kumamanino.” Kubuzya akwiingula. Amubuzye sikumwaya omwe naa bobile cimwi ciindi ibakali kuyeeya kuti inga taakwe nobanga bacikonzya kunookambauka pele lino ibatola lubazu lyoonse akaambo kakuti babona mbokuyandika kapati kukambauka makani aa Bwami. Ikuti kakucili ciindi, amubikkilizye azyakuluula zyamu 1997 Yearbook, amapeeji 42-8, mutondezye basikumwaya mbobasolekesya kwiinda mukuunka mumasena muli bantu.
Lwiimbo 20 amupailo wakujala.
Nsondo Iitalika mu April 19
Lwiimbo 2
5 min: Zyakwaambilizya zyambungano.
10 min: “Sena Mujisi Oda Iizumanana?” Makani aabandikwa amwaalu naa mukutausi uulanganya mamagazini. Amuzibye mbungano naa ngangaye mamagazini aatambulwa mwezi amwezi alimwi amweelwe waakati-kati uumwaigwa. Tatweelede kwaaleka buyo kakunyina kwaabelesya mamagazini. Amutondezye nzila mbwaanga amwaigwa mamagazini aakaindi. Amukulwaizye boonse kuti babelesye nzila ezi mubuzuba bwakulyookezya bwa May 1.—Amulange Mulimo Wesu Wabwami wa July 1993, apeeji 1.
30 min: “Ikucita Bupainiya—Nkokubelesya Kabotu Ciindi Cesu!” Kubuzya akwiingula. Amwaambile bakwesu naa bacizi bali botatwe kuti balibambile kupandulula zyakuluula zili mumincali 5-7. Kumamanino amukulwaizye boonse bakonzya kuti bayeeye kulilembya bupainiya bwakugwasilizya abwaciindi coonse. Mafoomu aakulilembya alakonzya kujanwa kuli umwi wabamu Kkomitii ya Mulimo ya Mbungano. Amwaambe kuti nkocicili ciindi cakulembela kucita bupainiya bwakugwasilizya mu May.
Lwiimbo 26 amupailo wakujala.
Nsondo Iitalika mu April 26
Lwiimbo 25
10 min: Zyakwaambilizya zyambungano. Amubayeezye boonse ikupa malipooti aabo aamulimo wamumuunda aamu April. Amwaambilizye mazina aabaabo ibayoocita bupainiya bwakugwasilizya mu May mpoonya mukulwaizye bambi kulembela. Amutondezye nzila zigwasya zyakukulwaizya bantu kubweza mamagazini mapya alimwi akulembya.—Amulange Mulimo Wesu Wabwami wa October 1996, apeeji 8.
17 min: “Ino Ndacita nzi?” Mwabuzya mibuzyo misyoonto kubaswiilizi iijatikizya cibalo eci amulangilile mukubusi kabandika amuzyali wakwe makanze ngajisi aakumanizya cikolo. Balanga-langa antoomwe Mulimo Wesu Wabwami wamu February 1999, apeeji 4. Muzyali wapa malailile aayendelana akukulwaizya kwakapegwa mu Ngazi Yamulindizi ya February 1, 1996, amapeeji 14 alimwi a December 1, 1996, amapeeji 17-19. Mbwaanga lino mawoola aayandika kubapainiya acesegwa, oyu mukubusi uyeeya kucita bupainiya namanizya lwiiyo lwakwe lwakunyika.
18 min: Ikubuzya-Buzya Bapainiya Bagwasilizya. Mulangizi wamulimo wabuzya-buzya basikumwaya bamwi ibacita bupainiya bwakugwasilizya mwezi uno kubikkilizya abamwi ibakacita bupainiya mazuba aainda. Amubalombe kuluula zileleko nzyobabaazyo, ncobajana, alimwi baambe kaambo ncobalangila kwiinduluka kucita bupainiya bwakugwasilizya kwamwezi omwe naa yobile mwaka-amwaka.
Lwiimbo 9 amupailo wakujala.