Miswaangano Yamulimo Ya July
Nsondo Iitalika mu July 5
Lwiimbo 15
10 min: Zyakwaambilizya zyambungano. Zyakwaambilizya Zisalidwe mu Mulimo Wesu Wabwami. Amukanane makani aajatikizya lipooti yamulimo ya March yacisi alimwi ayambungano. Makani Aateokrasi.
15 min: “Amupailile Lugwasyo lwa Jehova.” Intalisyo yanu yamubandi ikananwe mukaindi kaniini katasiki kuminiti yomwe, mpoonya muzumanane amubandi wakubuzya akwiingula. Amupandulule mipailo iisiyene-siyene mboiyandika kapati kuti mulimo uzwidilile. Amulombe baswiilizi kuti baluule mboyakabagwasya mumulimo wabo mipailo iicitwa aciindi ceelede.—Amubone Ngazi Yamulindizi ya October 15, 1996 yamu Chichewa, apeeji 32.
20 min: “Muswaangano Wacooko wa ‘Ijwi lya Leza Lyabusinsimi’ wa 1999.” (Mincali 1-14) Kubuzya akwiingula. Amukankaizye twaambo ncotweelede kuyoojanika mumapulogilamu oonse aamuswaangano ikuzwa kubuzuba bwakusaanguna. Amukankaizye mbokuyandika kutobela malailile aa Sosaiti aakuti katuletelela acikoboko cesu kumuswaangano buzuba bumwi abumwi. Amucitye citondezyo cabasimuswaangano mbobanga babaingula cabulemu kumwi kabasinizizye basambazi abasikufotola ibabasikila mubbuwa lyamuswaangano ciindi camiswaangano yesu:
Mucizi wasikilwa amusambazi uusola kumuuzizya cakunywa:
Mucizi waingula kuti: Amundijatile. Ndaboola acakulya cangu. Twaboolela kukomba teetwaboolela makwebo pe. Ndamujana ndiite sikugwasilizya uutimutondezye aakukkala naa uutimusindikile kuya anze.”
Mukwesu amwinakwe amwanaakwe basikilwaa sikufotola uuyandaula basikufotolwa:
Mukwesu wakaka akwaamba cabusicamba kuti: “Amundijatile. Aano mpotubede sunu mpaabusena bwesu bwakukombela, akaka mutabisizyi Jehova Leza alimwi andime kwiinda mukucita makwebo aano. Mutabi nomuboola alimwi kumukwasyi wangu nokuba kuunkila beenzuma kubalomba kufotolwa. Ndaboola ndiite sikugwasilizya naa mwaalu kutegwa amusindikile muzwe abusena bwesu bwamuswaangano wa Bunakristo.”
Sikufotola wazwa cakufwambaana.
Mwanaa mukwesu oyu wabuzya wisi ncaamukasizya sikufotola. Wisi wamupandulwida kabotu-kabotu cakutainda ambali kuti ciindi nokucitwa muswaangano, ibusena bwamuswaangano mbusena busalala kuli Jehova. Tabweelede kucitilwa makwebo pe. Ikaambo kalikke ncotuyanzanina abamwi kumiswaangano ya Bunakristo nkukomba Jehova akulida atafwule lyakwe lyakumuuya alimwi akukulwaizyanya. Jesu taakazumizya kuti busena bwakukombela Jehova kabucitilwa makwebo andiswe tatweelede kubazumizya pe.—Lk. 19:45, 46; om apeeji 134-35.
Lwiimbo 21 amupailo wakujala.
Nsondo Iitalika mu July 12
Lwiimbo 4
10 min: Zyakwaambilizya zyambungano. Lipooti yamaakkaunti.
15 min: “Ikulibambilila Limwi Kuletela Lukkomano.” Makani akubuzya-buzya. Amupandulule kaambo ncokuyandika kulibambila kamutanaya mumulimo wamumuunda alimwi ambokutugwasya kukkomanina cintu ncotucita. (Amubone Bukhu la Sukulu, apeeji 39, mincali 1-3.) Amubuzye-buzye basikumwaya bobile naa botatwe ibasimide ibatiluule mbobalibambila kabatanaya mumulimo wamumuunda alimwi ambocibagwasya eco. Amukanane cakuluula camu Ngazi Yamulindizi yamu April 15, 1993 yamu Chichewa, apeeji 30, mutondezye mbolibelesegwa kabotu bbuku lya Kukambitsirana ikulibambila mulimo wamumuunda.
20 min: “Muswaangano Wacooko wa ‘ljwi lya Leza Lyabusinsimi’ wa 1999” (Mincali 15-21) Kubuzya akwiingula. Amubelesye magwalo aakazubululwa alimwi aambidwe buyo kukankaizya kaambo ncotweelede kubikkila maanu kunsamino yesu anzila njotulibamba akulilemeka.
Lwiimbo 8 amupailo wakujala.
Nsondo Iitalika mu July 19
Lwiimbo 18
10 min: Zyakwaambilizya zyambungano.
15 min: Ziyandika zyambungano.
20 min: “Kofwambaana Kwaamba Ncoyanda!” Imakani mobatola lubazu baswiilizi aabikkilizya azitondezyo. Amulange-lange malailile amwi aamwi aancotunga twaamba kutegwa tuswiililwe notuli amulyango. Amulombe basikumwaya balaa luzibo kuti bacite zitondezyo izili mbozibede izigwasya. Amulombe baswiilizi kupa mizeezo imbi alimwi azyakuluula zikulwaizya izitondezya nzila zigwasya mumunzi wabo.
Lwiimbo 17 amupailo wakujala.
Nsondo Iitalika mu July 26
Lwiimbo 2
15 min: Zyakwaambilizya zyambungano. Amubayeezye boonse kupa malipooti aabo aa July. Kabbokesi Kamubuzyo.
10 min: “Ipulogilamu Mpya Yamuswaangano Wabbazu.” Makani. Amwaambilizye buzuba bwamuswaangano wabbazu uutobela. Amukulwaizye bapya kuyeeya kuyoobbapatizigwa. Amukulwaizye boonse kuti bakajanike mazuba oonse aamuswaangano akuswiilila mapulogilamu oonse.
20 min: “Mumiswaangano Yesu Lyoonse Kakusalala.” Kubuzya akwiingula.
Lwiimbo 13 amupailo wakujala.