Zyakwaambilizya

◼ Mabbuku aakumwaya mu September: Luzibo Lutola Kubuumi Butamani naa Muntu Mupati Kwiinda Iwakaponede. October: Kulembya kwa Ngazi Yamulindizi alimwi a Awake! November: Ncinzi Leza Ncayanda Kulindiswe? naa Luzibo Lutola Kubuumi Butamani. December: Luzibo Lutola Kubuumi Butamani naa Muntu Mupati Kwiinda Iwakaponede ikuti kalitako eli limwi.

◼ Mulangizi weendelezya naa umbi buyo uutumidwe anguwe weelede kulingula maakkaunti aambungano mu September 1 naa kufwambaana kucita boobo aciindi cimbi kuzwa buzuba obo. Mwamana kucita boobo amwaambilizye kumbungano kwabalwa lipooti yaakkaunti iitobela.

◼ Ibaalu bayeekezyegwa kutobela malailile aapedwe mu Ngazi Yamulindizi ya April 15, 1991 yamu Chichewa amapeeji 21-23 aajatikizya bantu bagwisyidwe mumbungano naa balizandwide balo bayanda kuti bapilusyigwe.

◼ Kulayandika kuti ibantu basika ku 20 naa ibaindaawo ibakanza kuya kuswaya ku Sosaiti ku Makeni basaangune kulembela naa kutuma fooni ku Opesi lya Beteli. Ikweenzeezyegwa kulacitwa kuzwa aciindi ca 8:00hrs kusikila a 15:00hrs buyo mu Muhhulo kusikila mu Cisanu. Kunyina kweenzeezyegwa kucitwa cainda ciindi ca 15:00hrs naa mu Mujibelo amu Nsondo. Amutumine mweelwe wabantu bayakuunka alimwi amazuba aciindi nomulibambide kuswaya. Kamutana yumuka kuya kuswaya mwalombwa mulange-lange Kabbokesi Kamubuzyo alimwi ikali mu Mulimo Wesu Wabwami wa March 1998.

◼ Iba Sosaiti tabalongeli oda yamabbuku yasikumwaya omwe buyo. Imulangizi weendelezya weelede kubona kwaamba kuti mwezi amwezi kwaambilizigwa kumbungano kaitana tuminwa oda yamwezi amwezi yambungano ku Sosaiti ikutegwa abo boonse ibayanda mabbuku aabo beni baambile mukwesu uulanganya mabbuku. Kamwaayeyede mabbuku aaodwa buyo naalombwa nkaambo maoda aali boobu ayandika kutumizigwa amali antoomwe.

◼ Imiswaangano ya Cooko ayaakati Kamasi ya “Kupona Munzila Njayanda Leza” yamu 1998 cakali cilongezyo ncobeni kuli baabo boonse ibakajanika. Akati kabaabo bakajanika kwakali bamishinali ibali 2,764 alimwi ababelesi babelekela kumasi ambi balo bakakonzya kuswaya zisi zyabo kwiinda mukubelesya mali aakasangwa cabwaabi mumbungano. Twamulumba kapati kugwasilizya nkomwakagwasilizya mububambe obu. Mbwaanga lino miswaangano eyi yakamana, imali aakasyaala aakali aamulimo oyu ayoobelesyegwa kugwasilizya mulimo wakukambauka wanyika yoonse.

◼ Imabbuku Aaliko:

1998 Watchtower Publications Index—Cingisi

Ncinzi Leza Ncayanda Kulindiswe?—Cifulenchi

Apply Yourself to Reading and Writing (ikabbuku kakwiiya kubala kapya—K2,500 kuli basikumwaya, K2,000.00 kubapaniya)—Cingisi

◼ Ikutalika mu September 1, 1999, Ngazi Yamulindizi inooliko mumulaka wa Kazakh yalo inoozwa ciindi comwe amwezi.

◼ Waini Waciibalusyo: Imbungano zyamuminzi zilakonzya kooda waini lino. Amutumine foomu ya S-20 amali. Amulembe kabotu-kabotu kuti “FOR WINE” amuzila omwe. Mutatumini lugwalo naa S-14 pe, pele buyo S-20 ilikke. Ikuti naa mwatatumina mali nkokuti waini taukatuminwi pe. Ikabbodela ka 200ml kaulwa K1,500.00. Ibuzuba bwamamanino kooda muu December 31, 1999. Waini uyootuminwa mu February mu 2000.