Miswaangano Yamulimo ya November
Nsondo Iitalika mu November 1
Lwiimbo 4
10 min: Zyakwaambilizya zyambungano. Zyaakwaambilizya zisalidwe kuzwa mu Mulimo Wesu Wabwami. Amulange-lange cibeela cakuti “Amubone Mbolilaanguzu Bbaibbele!”
15 min: “Ikukambauka Kulatuzandula.” Imajwi aamatalikilo atasiki kuminiti yomwe elyo amuzumanane amubandi wakubuzya akwiingula. Amuluule mubufwaafwi mbotunga twakulwaizya sikwiiya Bbaibbele kuti akonzye kutola lubazu mumulimo wamumuunda kwiinda mukubelesya bbuku lya Luzibo, peeji 173 muncali 8.
20 min: “Mbaani Balangilwa Kuzumina Ciiyo ca Bbaibbele?” Imakani azitondezyo. Mukweendelana amuncali 4, amupe nzila zyaandeene-andeene zyakukulwaizya bantu kuti bayandisye kwiiya izili mumamabbuku esu. Amulibambile zitondezyo zyobile izitondezya mbocinga cacitwa eci. Amulombe baswiilizi kuti baluule mbuli mbubazwidilila ikutalisya ziiyo.
Lwiimbo 9 amupailo wakujala.
Nsondo Iitalika mu November 8
Lwiimbo 25
10 min: Zyakwaambilizya zyambungano. Lipooti yamaakkaunti. Amubayeezye bakwesu boonse kuti balibambile mubandi wansondo iiboola wamincali iili 18 yakusaanguna mupepa lyamukati lya November.
15 min: Kabbokesi Kamubuzyo. Imakani. Amubwaambe bubambe bwamumbungano ibwakusalazya Ŋanda ya Bwami akwiibamba kabotu.
20 min: “Ncinzi Ncomunga Mwamwaambila mu Mozilemu?” Kubuzya akwiingula. Amwaambe mbobuyandika bupampu ciindi notubandika abantu bajisi zilengwa zyaandeene azyesu. Amupe citondezyo calibambilwa kabotu-kabotu. Ikutegwa mujane twaambo tumbi kujatikizya Izilamu, amubone ipepa lyamukati lya Mulimo Wesu Wabwami wa February 1998; ibbuku lya Kukambitsirana, mapeeji 23-4; alimwi a Mankind’s Search for God cibalo 12.
Lwiimbo 17 amupailo wakujala.
Nsondo Iitalika mu November 15
Lwiimbo 24
8 min: Zyakwaambilizya zyambungano. Amwaambe bubambe bwamulimo wamumuunda ibuliko kumamanino aansondo.
25 min: “Amuzicenjelele Ntenda Izijanika Mukubelesya Intaneti!” Imubandi uujatikizya kubuzya akwiingula mumincali 1-18. Amubale mincali 4-7, 12, 16, 17. Amubakulwaizye boonse kuti bakalibambile kabotu mubandi wansondo iiboola wamincali 19-36.
12 min: Nobazyali—Sena Muleendelezya Ciiyo Camukwasyi Calyoonse? Imakani amubandi abaswiilizi. Amupandulule ncociyandikila kuti mikwasyi kayiyiila antoomwe. (Amubone Bukhu Lolangiza la Sukulu, mapeeji 37-8.) Amubandike zisinkilizyo zitobela izipa kuti kacitacitwi ciiyo camukwasyi: (1) ikulimvwa kuti bana bacili basyoonto tabakonzyi kujana mpindu, (2) ikuyeeya kuti ikujanika kumiswaangano kolikke kulizulide, (3) ikukatala akaambo kakuvwula zicitwa alimwi (4) akunyonganizigwa akweebelela cipekupeku. (Amubone Ngazi Yamulindizi ya May 15, 1994 mapeeji 11-12.) Amulombe basilutwe bamikwasyi kuti baambe mbobazilwana zisinkilizyo ikutegwa bazumanane acilengwa cabo caciiyo camukwasyi. Amukankaizye kuti ikucita boobu kuyandika kusolekesya akuzumanana alimwi akubelekelaamwi.
Lwiimbo 7 amupailo wakujala.
Nsondo Iitalika mu November 22
Lwiimbo 21
10 min: Zyakwaambilizya zyambungano azyakacitika mumulimo wamumuunda.
10 min: Mulimvwa Buti Kujatikizya Milimo? Makani abandikwe amwaalu. Kuli mulongo mulamfwu wazintu iziyandika kucitwa ikutegwa mbungano izumanane kubeleka: ikulibambila zibeela zyamupulogilamu yamiswaangano; ikubweza bamwi kubatola kumiswaangano naa ikubatola mumulimo wamumuunda; ikugwasya bacembeede; alimwi akusalazya, ikubambulula alimwi akulanganya Ŋanda ya Bwami kubikkilizya abwizu anze. Ino mulimvwa buti nomulombwa kuti mugwasilizye? Bamwi balakonzya kukaka, ikuzumina cabulenga naa kwaalilwa kubeleka kusikila kumamanino. Amubandike ncocili coolwe cipati ikuzumina kubeleka mulimo akuuzuzikizya. Amubakulwaizye boonse bamumbungano kuti batondezye muuya wakulisungula.—Int. 110:3, Is. 6:8.
25 min: “Amuzicenjelele Ntenda Izijanika Mukubelesya Intaneti!” Imubandi wakubuzya akwiingula mumincali 19-36. Amubale mincali 23-5 alimwi 34-6.
Lwiimbo 15 amupailo wakujala.
Nsondo Iitalika mu November 29
Lwiimbo 23
10 min: Zyakwaambilizya zyambungano. Amubayeezye basikumwaya boonse kuti basiye malipooti aabo aamulimo wamumuunda wa November.
15 min: Amubakulwaizye Bapya Ikujanika Kumiswaangano. Imubandi akati kamwaalu amukutausi omwe naa bobile ikuzwa mubroshuwa ya Chifuno cha Mulungu, mapeeji 14-15. Amubandike ncociyandikila kapati kuti ibapya kabajanika kumiswaangano. Kumiswaangano nkobayoojana lulayo lunji, ikukulwaizigwa alimwi alugwasyo. Amwiilange-lange miswaangano yosanwe yansondo ansondo akupandulula aumwi muswaangano mbougwasya. Amubandike mbuli miswaangano mboisumpula bukkale bwabunaleza, mbwiituyaka munzila yakumuuya, mbwiitukwelelezya kumbunga, mbwiitugwasya ikubaa zilongwe zibotu abamwi alimwi akutugwasya kuteelelesya makanze aamulimo wesu. Amukulwaizye baswiilizi kuti kababelesya broshuwa eyi ikuyumya-yumya bapya ikuboola kumiswaangano.
20 min: New World Translation—Ikulisalila Kwesu. Imakani azitondezyo. Akati kambunga zyoonse zyabukombi, imbunga yesu ililibedelede akaambo kakuti tulasimba akubelesya alimwi akumwaya busanduluzi bwa Bbaibbele ibwakacitwaa bakombi ba Jehova ibananike. Tatulombozyi kujana mpindu yamali naa ikuyaabumwaya lusyomo lwakabunga. Pele tulakulwaizigwa aluyandisisyo lwakulemeka zina lya Leza akugwasya bamwi ikumuziba kabotu. Ibusanduluzi bumwi bulyaamba munzila iikatazya kuteelela Jwi lya Leza, aboobo amulange-lange ibubotu bwa New World Translation. (Amubone ibbuku lya “All Scripture,” mapeeji 327-31. Amulange bupanduluzi ibuli mumuncali 3, amuzyaambe zikozyanyo zitondezya ikulemba ikuli kabotu mumuncali 6 alimwi amwaambe mpindu zijanika izilembedwe mumincali 22-3.) Amulibambile zitondezyo zyobile zyalo zititondezye mbuli mbotukonzya kwiingula naa bamwi baamba kuti “Mujisi Bbaibbele lyanu nobeni.”—Amubone bbuku lya Kukambitsirana mapeeji 330-31.
Lwiimbo 28 amupailo wakujala.