Mulongo Wamiswaangano Yamulimo
Nsondo Iitalika mu September 11
Lwiimbo 17
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami.
15 min: “Zilongezyo zya Jehova Zilatuvwubya.” Majwi aantalisyo abe buyo masyoonto aatasiki kuminiti yomwe, mpoonya muzumanane amubandi wakubuzya akwiingula.—Amubone Insight, Volyumu 2 apeeji 804 mincali 6-7.
20 min: “Amubelesye Zintu Zyakacitika Ino-Ino Kubusya Luyandisisyo.” Makani aakubandikaa baswiilizi alimwi azitondezyo. Amwaambe zintu zyakacitika ino-ino eezyo nzyobayandisisya kumvwa bantu ooko nkomukkala. Ino eezi zintu zyabusya nzi kujatikizya bukkale bwakumbele? Ikubelesya kabbuku ka Mboitalikwa Akuzumananwa Mibandi apeeji 6, amupe nzila zimwi mbuli mbokulibambilwa ntalisyo zisololela kumubandi wa Bbaibbele. Amupe zitondezyo zyobile zigwasya zyalibambilwa kabotu.
Lwiimbo 28 amupailo wakujala.
Nsondo Iitalika mu September 18
Lwiimbo 9
10 min: Zyakwaambilizya zyambungano. Lipooti yamaakkaunti.
15 min: Ino Twakacita Buti Mwakali? Makani ayookananwaa mulangizi wamulimo. Amwiinduluke mbazu zikondelezya mulipooti yambungano yamumwaka wamulimo wa 2000. Amupe kulumba kuzintu zibotu zyakacitwa. Amukankaizye mbazu eezyo ziyandika kusumpula. Amubikkile maanu kuzintu zyaacitwaa mbungano mbuli kujanika kumiswaangano, kutalisya alimwi akweendelezya ziiyo zya Bbaibbele kubikkilizyaa kutola lubazu lyoonse mumulimo wamumuunda. Amwaambe mbaakani ziyandika kuyoobelekela mwaka uuboola.
20 min: “Buumi Bwabantu Buli Muntenda!” Mubandi abaswiilizi. Amukankaizye magwalo aambwa buyo mucibalo.
Lwiimbo 23 amupailo wakujala.
Nsondo Iitalika mu September 25
Lwiimbo 20
15 min: Zyakwaambilizya zyambungano. Amubayeezye basikumwaya ikuleta malipooti aamulimo wamumuunda aamumwezi wa September. Amulange-lange Kabbokesi Kamubuzyo.
15 min: Ziyandika zyambungano.
15 min: Mamagazini Eesu Taamani Mulimo Wangawo. Ino mwaatyani mamagazini aa Ngazi Yamulindizi alimwi a Awake! aamusyule ikuti naa alundana? Bamwi Basikumwaya balaasowa kabayeeya kuti makani aali mukati abaa kaindi. Muciindi cakuyeeya boobo, Mulimo Wesu Wabwami wamu Chichewa wamu September 1993 apeeji 3 wakatukulwaizya kwaabwezelezya mamagazini aamusyule akwaabila bantu nokukonzyeka. Mulakonzya kusala zibalo zyeelede eezyo zikonzya kukkomanisya baalumi, bamakaintu, basimilimo, bacembeede, alimwi abakubusi; alimwi mweelede kuti kamwaajisi kutegwa mwaabile nomwajana coolwe cakucita boobo. Amutondezye mbokusalwa zibalo alimwi ambokwaambaulwaa muntu. Amuluule zyakacitika ciindi basikumwaya nobakali kwaabila mamagazini aamusyule.
Lwiimbo 15 amupailo wakujala.
Nsondo Iitalika mu October 2
Lwiimbo 22
15 min: Zyakwaambilizya zyambungano. Amwiizibye mbungano zyabubambe bwaalubazu buliko bwakwaabila Makani aa Bwami No. 36, bwalo buyootalika mu Muhhulo Kavwumbikaniini 16 akuzumanana kuyoosika muli Bwasanu Ivwumbipati 17. Amubakulwaizye boonse kubikkilizyaa bana alimwi abapya kuyootola lubazu. Basikweendelezya ziiyo beelede kutalika lino kubakulwaizya kulibambila boonse bamunkamu yabo kutegwa bakatole lubazu mbuli mbobakonzya. Amubikkilizye azyakacitika zyalo zikulwaizya mukumwaya kwamusyule kwa Makani aa Bwami.
15 min: “Sena Inga Ndalonga?” Makani aakananwaa mwaalu. Amupandulule ncokuyandika kubelesya maanu ciindi umwi nasala kulongela kubusena bumbi. Amubandike mbolunga lwabelesyegwa lulayo lujanika mubbuku lya Tusimpi 22:3. Amubikkilizye amajwi aambi kujatikizya kucenjezya kwamu Ngazi Yamulindizi yamu Chichewa yamu August 15, 1988 apeeji 22.
15 min: Zyakacitika Mukutalisya Mibandi. Amuswaangano Wamulimo wansondo ya September 11, kwakapegwa malailile aakuti tweelede kwiiya kubelesya zintu zyakacitika ino-ino muntalisyo zyesu zyakubusya luyandisisyo alimwi akutalisya mibandi mumulimo. Amulombe baswiilizi baluule bubotu mbobajana kwiinda mukubelesya nzila eezi.
Lwiimbo 1 amupailo wakujala