Zyakwaambilizya

◼ Mabbuku aakumwaya mu October: Magazini aa Ngazi Yamulindizi alimwi a Awake! Mulakonzya kubaambila makani aakulembya mulweendo lwakupilukila. Kutalikila kumamanino aamwezi wa October, kuyoomwaigwa tulakiti lya Makani aa Bwami No. 36, “Icuulu Camyaka Cipya—Ino Mbukkale Buli Buti Mbomulangila Kumbele?” November: Tuyoozumanana kumwaya Makani aa Bwami No. 36. Mbungano eezyo ziyoomanizya cilawo cazyo kwiinda mukubasikila bantu boonse mumaandaabo akubasiila pepa ya Makani aa Bwami No. 36 zilakonzya kumwaya broshuwa ya Ncayanda naa bbuku lya Luzibo. Ikuti naa bantu kabaajisi kale mabbuku aya, mulakonzya kubelesya bbuku lya Kupona Kukabe Kutamani naa Creation. December: Luzibo Lutola Kubuumi Butamani antoomwe a New World Translation. January: Kufwumbwa bbuku lyamapeeji 192 lyakamwaigwa kautanasika mwaka wa 1986 ikuti naa mbungano kayaajisi. Mbungano eezyo zijisi bbuku lya Mankind’s Search for God zilakonzya kulimwaya alyalo.

◼ Ipepa lyamukati lya Mulimo Wesu Wabwami oyu ndya “Mulongo Wamakani Mucikolo Camulimo Wateokrasi mu 2001,” aboobo mweelede kulibamba kabotu kutegwa mukalibelesye mumwaka woonse wa 2001.

◼ Ikuti naa ziindi zyamiswaangano yambungano yanu ziyoocinca mu January 1, mulembi wambungano weelede kubazibya iba Sosaiti zyakucinca oku kwiinda mukubatumina foomu ya Makani Aamiswaangano Yambungano (S-5).

◼ Ipepa lyalugwalo lwamwaka wa 2001 lyakapulintwa kale lilakonzya koodwa lino kwiinda kuli ba Sosaiti. Kuli kkampani imwi iipulinta mapepa aaya alimwi kuli misyobo yobile yamapepa aaya. Eeyo iidula kapati yuulwa K10,000.00 alimwi lilijisi kale abulimbo bwakunamatizya. Elyo iitaduli lyuulwa K2,500.00 alimwi lyakapulintilwaa cipepa buyo taijisi bulimbo. Mapepa aaya ayeelede koodwa alimwi akubbadelelwaa kwiinda mukubelesya foomu ya S-20, kailembedwe kabotu-kabotu kuti “Lugwalo lwamwaka” mumuzila nsini alimwi akutondezya mwaambo wini ngomuyanda. MUTABELESYI S-14 KULOODA. Lugwalo lwamwaka lunooliko mu Chichewa, Chitonga, Cibemba, Cingisi, Cilubale alimwi Cilozi. Mbungano zyoonse zilaililwa kuyoobikka lugwalo lwamwaka lupya mbobuyoosika buyo buzuba bwa January 1, 2001. Mbungano zilakonzya kooda buyo lugwalo lwamwaka lomwe buyo mumwaambo umwi aumwi. Ikuti naa mbungano zinji zibelesya Ŋanda ya Bwami yomwe kazibelesya myaambo isiyene-siyene, zilakonzya kooda lugwalo lwamwaka lomwe mumwaambo umwi aumwi.

◼ Ma Bbaibbele: Iba Sosaiti babikka bubambe aba Bible Society bwakujana ma Bbaibbele aamu Chichewa alo. Ma Bbaibbele aaya taali akwaabila mumulimo wamumuunda pe. Nzyakooda zyaalubazu eezyo zyeelede koodwa buyo eelyo nokuli basikumwaya baziyanda. Atwaambe kuti, tacili kumweendelezi wamabbuku ikuliyeeyela kuti ngangaye ayeelede koodwa pe, muciindi caboobo uyooda buyo mweelwe walombwa. Ma Bbaibbele aaya alakonzya kwaabilwa kwiinda mububambe bwakusanga kuli basikumwaya alimwi abasikwiiya Bbaibbele aabo ibayaambele balo bakonzya kubala alimwi bajanika kumiswaangano. Kusikila leelyo nokuyoobikkwa bubambe bwakujana ma Bbaibbele mumyaambo imbi, ikwaambilizya kwakacitwa mu Mulimo Wesu Wabwami wamu April 2000 ‘kwakuula ma Bbaibbele kubantu baulisya naa muzintoolo mwajanika ooko nkomuzwa’ kucibeleka aino.

◼ Zyakooda zyaalubazu: Eezi zibikkilizya makkaseeti akweebeIela ma CD, ma Bbaibbele aamyaambo iitali yamucisi aayo aatapulintwi aba Sosaiti kubikkilizyaa zyakooda zyaalubazu zyalyoonse. Eezi zileendelezyegwa mbubwenya mbokweendelezyegwa mavolyumu aa Insight abbuku lya Proclaimers kazili zintu zyoodwa buyo nozyayandwa ikutali kuti zyamumuunda pe. Zintu zyoonse zyakooda zyaalubazu alimwi azimwi buyo zyamumwaambo umbi zyeelede kupegwa kumbungano yeelede mpoonya-mponya kutegwa zipegwe kuli bakazyooda. Tazyeelede kubelesyegwaa mbungano imbi pe. Zilakonzya kubelesyegwa lilikke kuti kazitaciyandiki kumbungano eeyo yakazyooda. Mbungano imwi aimwi yeelede kubaa busena aawo anoobikkwa zintu zyoodwaa lubazu.

◼ Makkalenda amu 2001: Mu Mulimo Wesu Wabwami wamu September 2000 kwakaambilizigwa kuti akati kamyaambo imwi makkalenda amu 2001 anooliko mu Chitonga, Cikaonde, Cilozi alimwi a Cilubale. Muzibisigwa kuti makkalenda takooyoosimbwa mumyaambo eeyi. Maoda ali oonse akatumwa ayoocincwa, nkokwaamba kuti aayo amu Chitonga muyoopegwa amu Chichewa, amu Cikaonde alimwi a Cilubale muyoopegwa amu Cibemba mpoonya a Cilozi muyoopegwa amu Cingisi.

◼ Kutalikaa mvwiki ya February 5, 2001, bbuku lya Inzila Yakujana Lukkomano Mumukwasyi ndelinooyiigwa a Ciiyo Cabbuku Cambungano. Mbungano eezyo ziyanda mabbuku aaya zyeelede kwaaoda muoda yabo yamwezi amwezi iitobela.

◼ Mbungano zyeelede kutalikila limwi kooda tubbuku twa Kulingaula Magwalo Mazuba Oonse—2001 muoda yanu yamabbuku yamu October. Ootu tubbuku tunooliko mu Chichewa, Chitonga, Cibemba, Cilozi, Cilubale alimwi a Ciswahili. Kusikila mane tukabeko alimwi akutuminwa, tunoolembedwe kuti “Aakale” apepa lyambungano litondezya mpasya zilongedwe. Tubbuku twa Kulingaula Magwalo Mazuba Oonse toodwa buyo notwalombwa. Ootu tweelede koodwa buyo ambungano eelyo notwalombwa amuntu umwi. Atwaambe kuti, Mulangi wamabbuku takonzyi koodela mbungano mweelwe munji watubbuku ootu. Ulakonzya kooda buyo oto twalombwaa basikumwaya batuyanda. Aboobo weelede kuzibamba kabotu eezyo nzyobalomba basikumwaya. (Amulange mu Malailile aa Watchtower Aakooda Mabbuku, Cibeela 3, apeeji 1.) TWAMUKULWAIZYA UMWI AUMWI WAMUMUKWASYI KUBIKKILIZYAA BANA IBACIKONZYA KUBALA, IKUBAA KKOPI YABO BENI YAKABBUKU AKA.

◼ Balembi mumbungano beelede kubona kuti balijisi mafoomu manji aabupainiya aaya: Application for Regular Pioneer Service (S-205), alimwi a Application for Auxilliary Pioneer Service (S-205b). Mafoomu aaya alakonzya koodwaa Foomu Yakoodela Mabbuku (S-14). Amubambe mafoomu manji aakubelesya mumwaka woonse. Amwiindulule foomu yakulembela bupainiya bwaciindi coonse akusinizya kuti zyoonse ziyandika zyalembwa. Ikuti naa basikulemba kabataizyi deeti ini nobakabbapatizigwa, beelede kuyeeyela akwiilemba mpoonya akwiiyobola.

◼ Babelesi Basikulisungula Banji Balayandika: Ikuyaka amaandaa Bwami mu Zambia kuciyaambele. Tukamu twamayake twakabambwa ku Copperbelt, Mansa, Kasama alimwi aku Chipata. Tukamu ootu tuyooyanda lugwasyo lwabasikumwaya babbapatizidwe ibajisi luzibo lukonzya kubelesyegwa alimwi ibajisi ciimo cibotu mumbungano. Twabakulwaizya aabo boonse ibeelela kuti balisungule akugwasilizya mumulimo ooyu mupati uyaabukomena. Boonse aabo ibajisi luzibo lwakuyaka abaabo ibajisi luzibo lutali lwamayake balayandika. Basikulisungula balakonzya kubweza mafoomu aayandika kumweendelezi wakakamu kamayake naa kumulangizi weendelezya antela mulembi mumbungano zyabo akulemba mulimo uli woonse ngobajisi luzibo. Aaba balakonzya kabali baabo ibalanga-langa nyika mbwiibede kakutanayakwa cili coonse naa babamba mamaapu ibasinizidwe (surveyors) alimwi bazumizidwe amulawo, ibakwabilila ntenda iili yoonse aawo abelekelwa, ibacizi kubelesya zibelesyo, bamaakkauntanti antela aabo balanga zyabweende bwamapepaa mulawo. Ikuti mafoomu kaatako, mulembi ulakonzya kwaaoda eelyo nokutumwa maoda amabbuku ku Sosaiti.

◼ Mabbuku Aaliko:

Magazine File Case

Inzila Yakujana Lukkomano Mumukwasyi—Cingisi

Kkaseeti Mpya Yakweebelela Iliko:

Our Whole Association of Brothers—Cingisi