Mulongo Wamiswaangano Yamulimo
Nsondo Iitalika mu October 9
Lwiimbo 28
8 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami.
12 min: “Amwiibikkile Maanu Milimo ya Leza Iigambya.” Majwi aantalisyo abe buyo masyoonto aatasiki kuminiti yomwe, mpoonya muzumanane amubandi wakubuzya akwiingula. Amutondezye zifwanikiso zisyoonto mubbuku lipya izipa kuti bantu babuyande kapati businsimi bwa Isaya.
25 min: “Icuulu Camyaka Cipya—Ino Mbukkale Buli Buti Mbomulangila Kumbele?” Mubandi uukulwaizya uubandikwaa mulangizi wamulimo. Mwamana kubala kwaambilizya kwakazwa ku Sosaiti mulugwalo lwamu July 3, 2000 lwakalembelwa baalu, amubape umwi aumwi kkopi lyomwe lya Makani aa Bwami No. 36 aabo ibajanika amuswaangano. Mpoonya amuzumanane amubandi wakubuzya akwiingula mucibalo. Amwaambe bubambe buliko bwakuyoomanizya cilawo coonse kucibeleka. Amulange-lange ibapya alimwi abana mbobakonzya kugwasigwa kutegwa beelele kuba basikumwaya batanabbapatizigwa. Amucite citondezyo cifwaafwi. Amukankaizye mbokuyandika kuli boonse ikuyootola lubazu luzwide mumulimo ooyu.
Lwiimbo 8 amupailo wakujala.
Nsondo Iitalika mu October 16
Lwiimbo 6
10 min: Zyakwaambilizya zyambungano. Lipooti yamaakkaunti. Amubayeezye basikumwaya kuti kumamanino aamvwiki beelede kubwezelezyaa mamagazini aa Ngazi Yamulindizi alimwi a Awake! eelyo nobamwaya Makani aa Bwami No. 36.
15 min: “Atumulemye Jehova Kwiinda Mubukkale Bwesu—Cibeela 1.” Makani akananwaa mwaalu. Amubazibye kuti kunooli makani asiyene-siyene acibalo eci mu Muswaangano Wamulimo wamwezi uli woonse.
20 min: Toonse Tulakonzya Kutondezya Muuya Wabupainiya. Mubandi akati kasikucitya ciiyo cabbuku asikumugwasilizya, makani azwa mu Ngazi Yamulindizi yamu November 1, 1997 apeeji 19. Amulange-lange kaambo ikubaa bapainiya banji mumbungano mbocikonzya kuba cintu cikulwaizya alimwi abamwi mbobanga bagwasilizya ikubelekela mbaakani eeyi. Alimwi babandika mumbazu oomo mobakonzya kugwasilizya baabo ibabeleka mulimo wabupainiya lino kutegwa bazumanane alimwi abaabo boonse mumbungano mbobanga basungwaala mumulimo.
Lwiimbo 11 amupailo wakujala.
Nsondo Iitalika mu October 23
Lwiimbo 5
10 min: Zyakwaambilizya zyambungano.
15 min: Ziyandika zyambungano.
20 min: Atulibambile Kabotu Ziyooyiigwa Kumiswaangano. Makani amubandi abaswiilizi. Ilugwasyo ndotujana kumiswaangano ikapati ciya mbuli mbotusoleka mukulibambila kwesu. Amwiindulule malailile aagwasya aapedwe mu Ngazi Yamulindizi yamu March 1, 1998 amapeeji 28-29 mumincali 8-11. Amulombe baswiilizi baambe mbuli mbobakatalika kubelesya nzila eezi zipedwe alimwi ambobajana ciindi cakulibambila kabotu.
Lwiimbo 4 amupailo wakujala.
Nsondo Iitalika mu October 30
Lwiimbo 26
10 min: Zyakwaambilizya zyambungano. Amubayeezye basikumwaya ikuleta malipooti aamulimo wamumuunda aamumwezi wa October.
17 min: Kuluula Zyakacitika Mukwaabila Makani aa Bwami No. 36. Amubuzye basikumwaya basiyene-siyene baluule izyakacitika zikulwaizya eezyo zyakabakkomanisya mukumwaya Makani aa Bwami No. 36. Amulombe bapainiya baciindi coonse alimwi abakugwasilizya baambe ikulumba kwabo akaambo kakuyaambele mumulimo ooyu walikucitwa alimwi acoolwe ncobalaaco cakubelekaa basikumwaya basiyene-siyene.
18 min: Kulitondezya Kuti Tuli Basimilimo ba Leza. Bakutausi bobile babandika lulayo lwamu Magwalo lwakapegwa mu Ngazi Yamulindizi yamu January 1, 1999 amapeeji 14-15. Batondezya kulumba kububotu bwakutobela nzila mbotu kabali bakutausi alimwi akwiindulula eezyo nzyobakonzya kucita ilwabo kutondezya kuti bali mukumana milimo yabo. Babona mbociyandika ikuba cikozyanyo cibotu mumulimo wamumuunda alimwi akubandika nzila mobakonzya kugwasilizya baalu mukugwasya bamwi cakubagama buya. Bazuminizyanya kuti bayoocita kufwumbwa nzyobakonzya mukugwasilizya mbungano ikubona mbociyandika kucibelesya kabotu ciindi cesu alimwi akusima akuyaambele munzila yakumuuya.
Lwiimbo 2 amupailo wakujala.
Nsondo Iitalika mu November 6
Lwiimbo 21
15 min: Zyakwaambilizya zyambungano. Amwiindulule mubone mpomusikide mukumwaya Makani aa Bwami No. 36. Amupe lipooti yacilawo cakabelekwa kale alimwi aciyandika kutegwa mumaninizye kucibeleka cilawo coonse kuyoosika mu November 17.
20 min: Ncinzi Ncotusyoma? Mukwesu aakupilukila kumuntu wakabuzyide kuti, “Ncinzi Bakamboni ba Jehova eeco ncobayiisya cibaandaanyaa zikombelo zimwi?” Amubandike twaambo tupati-pati tuli mu Ngazi Yamulindizi yamu October 1, 1998 mukabbokesi kali apeeji 6. Amupandulule izikombelo zimwi mbozisulaika naa mbozikaka njiisyo zyakasimpe kamu Bbaibbele akuyanda kutobela njiisyo zyakaanzwaa bantu.
10 min: Kwiimba—Icibeela Ciyandika Kapati Mubukombi Bwesu. Sikucitya ciiyo cabbuku ulabandika abasikumwaya bobile kujatikizya kwiimba kwabo amiswaangano yambungano. Wabona kuti kwiimba kwabo kwaboneka kuti kuyaansi. Wabaambila twaambo tumwi kuzwa mu Ngazi Yamulindizi yamu Chichewa yamu February 1, 1997 amapeeji 27-8. Baalanga-langa majwi alwiimbo lumwi lutiikaimbwe a Ciiyo ca Ngazi Yamulindizi camvwiki eeyo mbubwenya mbuli mbokwaambwa mu Ngazi Yamulindizi yamu July 1, 1999 apeeji 30 mumuncali wa 12. Kwiinda mukubikkila maanu kukwiimba, tulamutembaula akumulumba Jehova camoyo woonse.
Lwiimbo 15 amupailo wakujala