Mulongo Wamiswaangano Yamulimo
Nsondo Iitalika mu November 13
Lwiimbo 2
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami.
13 min: Kabbokesi Kamubuzyo. Makani aakananwaa mwaalu.
22 min: “Ikuyungizya Luyandisisyo Lwakajanwa Kwiinda mu Makani aa Bwami No. 36.” Mubandi wakubuzya akwiingula mumincali ya 1-5. Amwaambe bubambe bwabikkwa bwakuyoomanizya masena ali oonse atanabelekelwa. Amulange-lange nzila zipedwe mumincali ya 7 alimwi a 8 yanyendo zyakupilukila alimwi amupe citondezyo mumuncali umwi aumwi. Amukankaizye mbociyandika ikupilukila ooko kwakajanwa bantu balaaluyandisisyo akusola kutalisya ziiyo zya Bbaibbele. Amumanizye akubandika muncali wa 9 alimwi amagwalo aambwa buyo.
Lwiimbo 4 amupailo wakujala.
Nsondo Iitalika mu November 20
Lwiimbo 26
10 min: Zyakwaambilizya zyambungano. Lipooti yamaakkaunti.
15 min: Zyakacitika Mukumwaya Makani aa Bwami No. 36. Amwaambilizye kuti mwakacikonzya ikumanizya masena oonse. Sena kuli bamwi mumbungano bakali kutola lubazu mumulimo kwaciindi cakusaanguna? Amwaambe majwi aakulumba ngobakali kwaamba ibakajanika aŋanda. Sena kuli basikumwaya bamwi ibakacikonzya kutalisya ziiyo zya Bbaibbele? Ikuti kabaliko, amubalombe bapandulule naa ikupa citondezyo mbobakatalisya ziiyo. Amubayeezye boonse ikuyooyungizya luyandisisyo kubantu mbobakajana.
20 min: “Atuzumanane Kukambauka!” Makani akubuzya-buzya. Ibamwi bali kuyanzana ambunga ya Jehova alimwi bazumanana mumulimo wakukambauka mubuumi bwabo boonse. Kabajisi bulangizi bubotu, balikkomene mukubeleka mumulimo ooyu. (Amubone bbuku lya Luzibo apeeji 179 mumuncali wa 20 alimwi amu Ngazi Yamulindizi yamu Chichewa yamu May 1 1992 amapeeji 21-2 mumincali ya 14-15.) Amulombe sikumwaya wabeleka kwamyaka minji kuti aluule twaambo twamupa kuzumanana mumulimo wakukambauka.
Lwiimbo 17 amupailo wakujala.
Nsondo Iitalika mu November 27
Lwiimbo 11
10 min: Zyakwaambilizya zyambungano. Amubayeezye basikumwaya ikuleta malipooti aamulimo wamumuunda aamwezi wa November. Bbuku liyoomwaigwa mumwezi wa December ndibbuku lya Luzibo.
20 min: Atulibelesye Kabotu Bbuku ya Kukambitsirana. Mubandi wakubuzya akwiingula amapeeji 7-8. Amutondezye bbuku eli mbolyakabambwa kutegwa litugwasye kulibambila kutola lubazu luzwide mumulimo. Amupandulule mbolikonzya kubelesyegwa bbuku eli eelyo notucita bukamboni bwaaluwaile. Amupe citondezyo mbuli umwi mbwakonzya kujana makani aagwasya mukwiingula mubuzyo. Amubakulwaizye boonse kuti balizibizye kulibelesya eli bbuku akuti kabalijisi lyoonse muzibbeeke zyabo zyamabbuku alimwi akulibelesya lyoonse.
15 min: Ncikozyanyo Cani Ncomweelede Kwiiya? Wisi weendelezya ciiyo camukwasyi amwanaakwe omwe naa bobile bakubusi. Wabona kuti mazuba masyoonto aainda bali kwiile kwaambaula zintu zyamunyika akaambo kakuyungwa abeenzinyina. Babandika twaambo tupati-pati mubbuku lya Achichepere Akufunsa cibalo ca 9. Bakubusi bamvwisya kuti ikulombozya bantu bamunyika ibalaampuwo kuletela ntenda alimwi bazumina kwaamba kuti ikubaampuwo munyika takwe ncokubaletela Banakristo. Babandika lugwasyo lujanika kwiinda mukwiiya cikozyanyo cabazyali, baalu abamwi ibapa cikozyanyo cibotu mumbungano—alimwi ikapati Jesu Kristo.
Lwiimbo 5 amupailo wakujala.
Nsondo Iitalika mu December 4
Lwiimbo 18
5 min: Zyakwaambilizya zyambungano.
20 min: “Ikwaabikkila Maanu Mabbuku.” Mubandi wakubuzya akwiingula kujatikizya cibalo eci. Amubikkilizye acitondezyo casikumwaya kali mumulimo wamagazini. Mwiniŋanda waakkomanina makani aamu Bbaibbele aambwa kujatikizya mamagazini akwaamba kuti uyooabala. Mpoonya sikumwaya waamba kuti: “Ndasyoma ayoomugwasya andinywe mbubwenya mbuli mbwaabagwasya bamwi. Mamagazini aaya alamwaigwa nyika yoonse mbwiizulwa, Ngazi Yamulindizi ilajanika mumyaambo iili 137. Mulimo ooyu ulagwasilizigwaa zyakusanga zyakuliyandila. Tulatambula kufwumbwa kusanga kucitwaa bantu bayanda kugwasilizya mumulimo ooyu nokuceya buti.”
20 min: “Majwi Aambwa Kuciindi Ceelede.” Kubandika abaswiilizi alimwi azitondezyo. Ibanji balimvwa kuti inga tabacikonzyi caboola kukutalisya mibandi, kabayeeya munzila iilubide yakuti bayandika kubaa luzibo lwaalubazu kutegwa bazwidilile. Amupandulule toonse ikubikkilizyaa basikumwaya bapya alimwi abana mbotukonzya kutalisya mibandi kwiinda mukusola buyo asyoonto. Amulange-lange nzila zipedwe akukankaizya mbozili zyuuba-uba alimwi amube abasikumwaya bobile naa botatwe kutegwa bacite zitondezyo. Amubone Mulimo Wesu Wabwami wamu March 1998 apeeji 8, kutegwa mujane makani aambi aakonzya kubelesyegwa. Amubakulwaizye boonse kuzilanga kabotu zintu kutegwa bajane lukkomano mumulimo wabo.
Lwiimbo 29 amupailo wakujala