Mulongo Wamiswaangano Yamulimo

Nsondo Iitalika mu December 11

Lwiimbo 21

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Ikuti mbungano kaijisi bbuku lya Muntu Mupati, amutondezye mbolinga lyabelesyegwa kabotu mumulimo kuciindi ecino cakulyookezya.

15 min: “Lyoonse Amumuyoowe Jehova.”a Amubikkilizye abupanduluzi bwakapegwa mu Awake! yamu January 8, 1998 apeeji 26 yakali kwaamba kuyoowa kwabunaleza. Amukankaizye izilongezyo zibotu ziboola akaambo kakuyoowa Jehova.

20 min: “Kuyungwa Abeenzinyoko Alimwi Acoolwe Cakukambauka Ncomujisi.” Mubandi akubuzya-buzya. Amulombe baswiilizi aabo bakayungwa kale abeenzinyina kuti baluule mbobakacikonzya kuzumanana mumulimo wakukambauka nokuba kuti bakacitikilwa zintu zili boobu.

Lwiimbo 7 alimwi amupailo wakujala.

Nsondo Iitalika mu December 18

Lwiimbo 11

15 min: Zyakwaambilizya zyambungano. Lipooti yamaakkaunti. Amwaambe bubambe buliko bwamulimo wamumuunda waalubazu mubuzuba bwa December 25 alimwi a January 1. Amwiingule mubuzyo wakuti: Sena kuli cilubide ikutola lubazu mukusekelela kuli koonse kutali kwabunakristo nokuba kuti kusekelela ooku takujatikizyi cikombelo cili coonse?—Amubone bbuku lya Kukambitsirana amapeeji 241-43.

12 min: “Cikolo Camulimo Wateokrasi mu 2001.” Makani aakananwaa mweendelezi wacikolo. Amubakulwaizye boonse ikuzumananaa kubala Bbaibbele kwansondo ansondo alimwi akuba bankutwe mukuzuzikizya mbazu zyabo mucikolo.

18 min: “Sena Mulakambauka Cabusicamba?”b Amulombe baswiilizi baambe ncaamba magwalo abikkidwe mucibalo. Kubelesya bbuku lya Mulimo Wesu apeeji 86, amutondezye mbotunga twaba basicamba alimwi akuzwidilila mumulimo wamumuunda. Amubelesye maminiti otatwe naa one amamanino ikulanga-langa cibalo cakuti “Ibusungu Bukulwaizya Banabunji.”

Lwiimbo 13 amupailo wakujala.

Nsondo Iitalika mu December 25

Lwiimbo 17

15 min: Zyakwaambilizya zyambungano. Kabbokesi Kamubuzyo. Amubalombe baswiilizi baluule nzyobakayaanya mumulimo wabo wakukambauka caino-ino. Amulange-lange bbuku lyakwaabila mu January.

10 min: Ziyandika zyambungano.

20 min: “Atumulemye Jehova Kwiinda Mubukkale Bwesu—Cibeela 2.” Wisi abandike mincali ya 1-10 abana bakwe. Abikkilizye atwaambo tugwasya kuzwa mumabbuku aakuvwuntauzya aambidwe.

Lwiimbo 24 amupailo wakujala.

Nsondo Iitalika mu January 1

Lwiimbo 8

8 min: Zyakwaambilizya zyambungano. Ikuti naa mbungano yanu iyoocinca ciindi camiswaangano mumwaka mupya, amubakulwaizye boonse kuzumanana kujanika lyoonse kumiswaangano aaciindi eeco cazuminanwa. Amubazibye basikwiiya Bbaibbele abaabo bajisi luyandisisyo kujatikizya kucinca kuli koonse ikuliko. Amwaambe majwi aamwi kujatikizya lipooti yamulimo wamumuunda ya August yacisi alimwi ayambungano yanu. Amubayeezye boonse kuleta malipooti aabo aamulimo wamumuunda aamwezi wa December.

17 min: Mbokulibambilwa Nyendo Zyakupilukila. Wisi alimwi amukwasyi wakwe babandika mbobanga bayaambele mumulimo wabo. Wakankaizya twaambo twamu Magwalo ncobeelede kupilukila kuli baabo boonse bakatondezya luyandisisyo. Kwiinda mubelesya nzila zyakapegwa mu Ngazi Yamulindizi yamu July 1, 1999 apeeji 32 muncali wa 18, balalibambila zyakupilukila kubantu bamwi bakatondezya luyandisisyo. Boonse bazumina kuti kuli bantu mbobakaswaanganya, aabo mbobayanda kuyooswaya alimwi. Umwi aumwi upandulula mbuli mbocakabede eelyo naakabaswaya ciindi cakusaanguna mpoonya mukwasyi woonse wapa muzeezo wakuyoobelesya lugwalo lumwi baakupilukila. Bajana twaambo tumwi mubroshuwa ya Ncayanda ooto tukonzya kuyoobelesyegwa kabotu. Ibazyali balomba mwana umwi kuti atondezye ncayakwaamba aakupilukila. Bapangana ciindi cini-cini nobayooswaya munyendo zyakupilukila mukati kamvwiki iiboola.

20 min: Mwaalu antoomwe abasilutwe bamikwasyi bobile babandika mincali 11-18 yacibalo cakuti “Atumulemye Jehova Kwiinda Mubukkale Bwesu.—Cibeela 2.”

Lwiimbo 26 amupailo wakujala.

Bupanduluzi buyungizidwe