Mulongo Wamiswaangano Yamulimo
Nsondo Iitalika mu January 8
Lwiimbo 4
7 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami.
13 min: “Mumuni Wanu Umunike.”a Amubikkilizye amakani aajanika mu Ngazi Yamulindizi yamu June 1, 1997, apeeji 29 mincali 12-13. Amubakulwaizye boonse kucibelesya coolwe kufwumbwa ncobajana mukupa bumboni.
25 min: Mulakonzya Kulikondelezya Munzila Mbotu. Mukwasyi ubandika makani aajatikizya lulayo lwakapegwa mumagazini ya Awake! yamu Chichewa yamu June 8, 1997. Bausyi babikkila maanu kapati kuzyakulikondelezya zicitwaa mukwasyi. Bamana kulanga-langa cibalo cakuti “Kodi Nchiyani Chachitikira Zosangulutsa?” (mapeeji 18-21), balanga-langa musyobo wakulikondelezya uuli kabotu alimwi uugwasya. Amulange-lange makani aali mubbuku lya Mulimo Wesu amapeeji 131-2 amutwe wakuti “Kusobana” alimwi amapeeji 135-6 amutwe wakuti “Amuzicite Zyoonse Cakuti Kube Bulemu Kwa-Leza.” Amukankaizye mukuli ibazyali ngobajisi wakusololela alimwi ambociyandika kubanamukwasyi ikubelekela antoomwe kutegwa mukwasyi woonse ugwasigwe.
Lwiimbo 8 amupailo wakujala.
Nsondo Iitalika mu January 15
Lwiimbo 7
10 min: Zyakwaambilizya zyambungano. Lipooti yamaakkaunti.
15 min: Ziyandika zyambungano.
20 min: Sena Mulalingaula Magwalo Mazuba Oonse? Makani alimwi akubuzya-buzya. Amubone Ngazi Yamulindizi yamu January 1, 1997 amapeeji 11-12, mincali 12-14, ikunkaizya busongo bujanika mukubandika lugwalo amukwasyi abuzuba. Amubuzye banamukwasyi, mwalo umwi aumwi mwatiambe kaambo nkayeeya mumubandi ngobakajisi caino-ino walugwalo lumwi ilwakabagwasya kapati alimwi akupaa twaambo ncobaambila boobo. Amukankaizye kwaamba kuti eeci ceelede kuba cibeela capulogilamu yesu lyoonse yaciiyo camukwasyi yalo ibambilidwe kuyumya mikwasyi yesu alimwi akugwasya mukwasyi kuzumanana mumulimo.
Lwiimbo 9 amupailo wakujala.
Nsondo Iitalika mu January 22
Lwiimbo 15
7 min: Zyakwaambilizya zyambungano.
18 min: Mbokulibambilwa Intalisyo Yamibandi. Makani alimwi azitondezyo. Amulange-lange twaambo tuyandika kapati mubbuku lya Kukambitsirana apeeji 9. Amutondezye mbotunga twasala intalisyo eezyo zyeendelanaa bube bwesu, bukkale alimwi acilawo. Amulange-lange intalisyo zimwi zyuuba-uba zikonzya kubelesyegwa mukumwaya broshuwa ya Ncayanda, mpoonya akucita citondezyo comwe naa zyoonse zyobile. (Amubone Mulimo Wesu Wabwami wamu April 1997 apeeji 8.) Amubakulwaizye boonse ikuzibelesya kabotu nzila zipedwe mubbuku lya Kukambitsirana alimwi amu Mulimo Wesu Wabwami mumulimo wabo wamumuunda.
20 min: “Ibubambe Bwesu Buuba-uba Bwakumwaya Mabbuku.” Mwaalu ulanga-langa makani aaya abaswiilizi. Atwalo twaambo tuli mulugwalo lwakazwa ku Sosaiti lwamu October 15, 1999 tulakonzya kubikkilizigwa. Amubelesye sikumwaya uucibwene walibambila kabotu muzitondezyo. Kwiinda mukubelesya magazini mpya, sikumwaya watalisya mubandi amwiniŋanda kamutondezya cibalo cimwi mumagazini. Sikumwaya nacibandika ikaambo kamwi mumagazini, mwiniŋanda wati: “Eeco cibalo cilimvwisya kabotu.” Sikumwaya wati: “Inga ndakkomana kumusiila magazini eeyi kutegwa mulibalile nobeni.” Mwiniŋanda ulaamba: “Muulisya mali nzi?” Sikumwaya waingula kuti: “Ikuti naa mulaibala, tatubbadelesyi pe. Magazini eeyi ncibeela camulimo waanyika yoonse wakuyiisya Bbaibbele alimwi ulagwasilizigwaa zyakusanga zyakuliyandila. [Amumutondezye majwi aalembedwe apeeji 5 mu Awake! alimwi amu Ngazi Yamulindizi apeeji 2 kucibeela cakulumwensi ansaansi.] Ndiumwi wa Bakamboni ba Jehova ibainda kutuulunzuma tuli cisambomwi ibalisungwide kubelesya ciindi alimwi anguzu zyabo kumaniizya mulimo ooyu uyandika mumasi aayinda kumyaanda yobile. Ikuti kamuyanda kusanga mukugwasilizya mulimo ooyu, mulaangulukide kucita oobo.” Mwiniŋanda wasanga mpoonya sikumwaya wabikka mali mumvwulupu njajisi ibambilidwe mulimo ooyu. Sikumwaya wamulumba mwiniŋanda kukusanga nkwaacita akumwaambila kuti uyoomuswaya alimwi akumuletela mamagazini aambi. Mucitondezyo cabili, sikumwaya taakwe naasiya bbuku lili loonse akaambo kakuti mwiniŋanda ulilisungwide kubandika pesi tajisi luyandisisyo lwini-lwini kumulumbe wa Bwami. Mucitondezyo catatu, amutondezye mbotunga twaabila katulakiti kumuntu watondezya luyandisisyo lwini-lwini pele ujisi bubi cakunga tacikonzyeki aciindi aawo ikumupandulwida mbuli mbougwasilizigwa mulimo wesu. Sikumwaya wasyomezya kuti uyoopilukilaa ciindi cili kabotu. Ciindi aakuswaya alimwi, uyoobona naa mwiniŋanda ujisi luyandisisyo lwini-lwini mumulimo wesu, alimwi ikuti naa kacili boobo, uyoopandulula mulimo wesu alimwi ambougwasilizigwa.
Lwiimbo 11 amupailo wakujala.
Nsondo Iitalika mu January 29
Lwiimbo 3
10 min: Zyakwaambilizya zyambungano. Amubayeezye boonse kuleta malipooti aabo aamulimo wamumuunda aamwezi wa January. Amwaambe bbuku liyoomwaigwa mu February alimwi akwaamba mabbuku ngoijisi mbungano.
15 min: Imukwasyi—Ulayandika Kapati Kubantu! Makani aazwa mu Ngazi Yamulindizi yamu April 1998 amapeeji 6-8, ikubakulwaizya kulibambila ciiyo cambungano mubbuku lya Inzila Yakujana Lukkomano Mumukwasyi. Amubakulwaizye bakubusi ikutola lubazu mumubandi uucitwa mukati kamvwiki aciiyo cabbuku. Boonse balayanda ikwiiya mbuli mbobakonzya kujatikizya mbobeelede kutobela zyeelelo zya Leza ziluleme mubukkale bwamukwasyi kabakkomene.
20 min: “Nobazyali—Amuyiisye Bana Benu Ziyanza Zigwasya.” Makani alimwi akubuzya-buzya kubazyali ibajisi bana bacita kabotu munzila yakumuuya. Ibazyali babandauka zintu zimwi zigwasya nzyobakacita kugwasya bana babo kuti kabatola lubazu mumulimo wamumuunda. Ikuti naa ciindi kacizumizya, amubikkilizye atwaambo tumwi tuli mubbuku lya Lukkomano Mumukwasyi, amapeeji 55-9.
Lwiimbo 20 amupailo wakujala.
Nsondo Iitalika mu February 5
Lwiimbo 28
7 min: Zyakwaambilizya zyambungano.
15 min: “Atube Basikumana Mulimo Bakkomene.”b Amutondezye zintu zitupa kukkomana mumulimo wa Leza mbuli mbokupanduludwe mu Ngazi Yamulindizi ya Chichewa yamu January 15, 1995 aamapeeji 11-14 amuncali 4-17.
23 min: Ibubambe Bwaluyando Bujatikizya Mbotusilikwa. Makani akananwaa mwaalu uusimide azwa mulugwalo lwamu December 1, 2000 alimwi amupepa lyamakani lyakazwa ku Sosaiti. Amukankaizye kuti, ikutegwa tujane lukwabililo lubotu luzumizidwe amulawo kukusinikizigwa kubikkwa bulowa tweelede kulemba ziyandikaa kkaadi ya Advance Medical Directive/Release. Makkaadi aaya alapegwa kuli basikumwaya babbapatizidwe wamana buyo muswaangano wasunu, pele TAAYELEDE kulembwa sunu ndilyonya pe. Ikusaina amakkaadi akuba kamboni alimwi akulemba deeti kuyoocitwa twaakumana Ciiyo Cabbuku Cambungano, sikucitya ciiyo cabbuku uyootugwasya oomo motuyandika lugwasyo. Aabo basaina kabali bakamboni beelede kumubona buya mwini wakkaadi kasaina kkaadi. Basikucitya ciiyo cabbuku beelede kubona kwaamba kuti boonse aabo bali munkamu yabo bagwasigwa mukulemba kkaadi ya Advance Medical Directive/Release oomo mobayandika lugwasyo. Ma Identity Card aabana alapegwa kubazyali wamana buyo muswaangano ooyu. Basikumwaya batabbapatizidwe balakonzya kulilembela kkaadi yabo njobanoobelesyaa bana babo kwiinda mukukkopa majwi aalembedwe amakkaadi aaya kweelanaa ciimo alimwi alusyomo lwabo.
Lwiimbo 26 amupailo wakujala.
Bupanduluzi buyungizidwe
a Majwi aantalisyo abe yaayo aatasiki kuminiti yomwe, mpoonya muzumanane amubandi wakubuzya alimwi akwiingula.
b Majwi aantalisyo abe yaayo aatasiki kuminiti yomwe, mpoonya muzumanane amubandi wakubuzya alimwi akwiingula.