Zyakwaambilizya
◼ Mabbuku aakumwaya mu February: Life—How Did It Get Here? By Evolution or by Creation?, Revelation—Its Grand Climax At Hand!, kufwumbwa bbuku lyamapeeji aali 192 liliko mumbungano. March: Luzibo Lutola Kubuumi Butamani. Atukasolekesye kuyootalisya ziiyo zya Bbaibbele zyaaŋanda. April alimwi a May: Mamagazini aa Ngazi Yamulindizi alimwi a Awake! Mulweendo lwakupilukila mulakonzya kubasiila bbuku lya Luzibo naa broshuwa lya Ncayanda aabo ibalaa luyandisisyo kamujisi makanze aakutalisya ziiyo zya Bbaibbele zyaaŋanda.
◼ Makani abuleya aalubazu aa Ciibalusyo camu 2001 ayookananwa mu Nsondo mu April 1. Mutwe wamakani unooli wakuti: “Ino Mbaani Bakonzya Kufwutulwa?” Muyoopegwa Pepa lyamakani aaya. Mbungano eezyo zinooswaidwe amulangizi wabbazu azyeezyo zinoojisi muswaangano wabbazu antela muswaangano waalubazu kumamanino aamvwiki eeyo, zyeelede kuyoobaa makani aalubazu aaya mumvwiki ya April 9. Taakwe mbungano yeelede kubaa makani aalubazu kabutanasika buzuba bwa April 1, 2001.
◼ Muzibisigwa kuti Ciibalusyo camumwaka wa 2002 ciyooba muli Bwane March 28, lyaakubbila buyo zuba ikutali muli Bwasanu March 22, kweelanaa mbokulembedwe kumamanino aa Kkalenda yamu 2001. Tumuzibizizya limwi kutegwa bakwesu baswaanganina mu Ŋanda ya Bwami iibelesyegwaa mbungano zinji batalikile limwi kulomba masena aambi aakuswaanganina. Ibaalu beelede kuzuminizyanyaa beendelezi babusena oobo kucita kuti muswaagano utakanyonganizigwi azintu zimwi zilangilwa kuyoocitilwa mumasenaayo akuti Ciibalusyo cikacitwe kabotu-kabotu muluumuno. Akaambo kakuti Ciibalusyo ncintu cipati kapati, ikabunga kabaalu nokasala mwaambi wamakani aa Ciibalusyo keelede kusala umwi wabaalu weelela kapati muciindi cakwiide kucincana naa kubelesya mukwesu omwe buyo mwakaa mwaka. Ccita kuti kakuli mwaalu weelela umwi wabananike uunga waakanana kabotu makani.
◼ Mulangizi weendelezya naa umwi uusalidwe anguwe weelede kulingula maakkaunti aambungano mu March 1 antela kakutanainda mazuba manji kuzwa mubuzuba oobo. Mwamanizya buyo kulingula, amukaambilizye kumbungano mwaakupa lipooti yamaakkaunti iitobela.
◼ Imulembi alimwi amulangizi wamulimo beelede kulanga-langa mulimo wabapainiya boonse baciindi coonse. Ikuti naa bamwi kabatakonzyi kusikaa mweelwe wamawoola uuyandika, ibaalu beelede kubaa bubambe bwakubagwasya. Imalailile ambomunga mwacicita eeci inga mwaajana mumagwalo aa Sosaiti aa S-201 ngobamulembela mwakaa mwaka. Alimwi amubone amincali 12-20 mupepa lyamukati lyamu Mulimo Wesu Wabwami wamu October 1986-CN.
◼ Imulembi weelede kubona kuti wabazibya bamukabunga kayaka Maanda aa Bwami ka Regional Building Committee kujatikizya bukkale bwabasikumwaya boonse babbapatizidwe ibakalemba mafoomu aa Kingdom Hall Volunteer Worker Questionnaire (S-82). Ikuti naa kuli kucinca kuliko kujatikizya mubelesi ooyu uulisungwide mbuli kusalwa kuba umwi wabakutausi antela mwaalu, nkokuti weelede kulemba mafoomu aambi akwaatuma cakufwambaana. Ikuti mubelesi ooyu uulisungwide kabelesya kkeyala antela namba yaluwaile impya, antela tacijisi ciimo cibotu mumbungano, ibaalu beelede kufwambaana kubazibya bakabunga ka Regional Building Committee kwiinda mukubalembela lugwalo.
◼ Mulawo uujatikizya kubweza zitupa wa National Registration Regulations mu Zambia waamba kuti, ibana Zambia boonse ibajisi myaka yakuzyalwa iilondelela naa kwiinda ku 16 beelede kuunka ku Ofesi lya National Registration lili afwaafwi ankobakkala kutegwa bakabweze citupa. Abaabo bakacinca mazina aabo bayandika kubweza citupa cipya. Boonse aabo bajatikizidwe bayandika kufwambaana kwaalanganya makani aya kabaabona kuba umwi wamilawo yamfwulumende Munakristo uli oonse njayelede kutobela. Baalu boonse alimwi abazyali beelede kucibikka mumizeezo eci akubayeezya bakwesu alimwi abacizi balaamyaka yakuzyalwa iilondelela ku 16.
◼ Ciindi basikumwaya nobabelekela mucilawo mutabelekwi-belekwi, balakonzya kumwaya bbuku lya Luzibo naa broshuwa ya Ncayanda. Ikuti naa mwiniŋanda kazijisi kale eezi zyaambwa atalaawa, mulakonzya kumwaabila kufwumbwa bbuku. Boonse beelede kweendaa tumatulakiti tusiyene-siyene twakusiya mumaanda oomo mutajaniki bantu naa twakusiila baabo ibatayandi kutambula mabbuku. Atukasoleke kupilukila kuli baabo ibakatondezya luyandisisyo, ikapati eelyo bapainiya baalubazu nobabelekela muzilawo zitabelekwi-belekwi naa nocili cuuba-uba kumbungano zilaafwaafwi kuyoobelekela kooko.
◼ Mabbuku Aaliko:
Ibbaibbele—Ciluccazi, Cilubale
Amububikkile Maanu Businsimi bwa Daniele!—Cibemba
Mafunso Achichepere Akufunsa—Mayankho Amene Amathandiza—Cibemba, Cingisi
◼ Imakkaseeti Aakuswiilila Mapya Aaliko:
Kingdom Melodies, Volyumu 9