Mulongo Wamiswaangano Yamulimo

Nsondo Iitalika mu March 12

Lwiimbo 11

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kabbokesi Kamubuzyo.

15 min: Ziyandika zyambungano.

20 min: “April—Ciindi ‘Cakoonda Mulimo Akusungwaala.’” (Mincali 1-13) Atiikananwe amulangizi weendelezya. Mubandi uukulwaizya kujatikizya nzyotukanza kuyoozuzikizya mu April. Amubakulwaizye boonse mumbungano kuzuzikizya mbazu zyabo ikutegwa umwi aumwi wesu akasike ambaakani yakutola lubazu luzwide mumulimo mumwezi ooyo.

Lwiimbo 6 amupailo wakujala.

Nsondo Iitalika mu March 19

Lwiimbo 9

8 min: Zyakwaambilizya zyambungano. Lipooti yamaakkaunti.

17 min: “Mbuugwasilizigwa Mulimo.” Makani aazwa mubbuku lya Tuliyanzene Kukumanizya Mulimo Wesu amapeeji 119-121. Amubaambile kuti kusanga ikucitwa cabwaabi ku Mulimo wa Sosaiti Waanyika Yoonse alimwi a Mali aa Ŋanda ya Bwami kwaali kugwasya mbungano musyule alimwi kuyoozumanana kwaabelesya munzila eyi amumazuba aazya kumbele. Masimpe kwaamba kuti zyeelelo alimwi azyoolwe nzyotujisi mukupa zilisiyene kapati, ikuti naa twasola kucesya mbotubelesya mali esu, tulakonzya kubaa lubazu lupati mukugwasilizya mulimo wa Sosaiti waanyika yoonse alimwi amayake a Maandaa Bwami. Ikupa kuli boobo kwabwaabi ncobeni kulamukkomanisya Jehova alimwi kulabakulwaizya kapati ibakwesu. Amweendelanye abukkale ibuli mumbungano yanu. Amwaambe aawo mbungano mpoiyandika kubelekela mukubbadela Cikwelete ca Ŋanda ya Bwami.

20 min: “April—Ciindi ‘Cakoonda Mulimo Akusungwaala.’” (Mincali 14-30) Atiikananwe amulangizi wamulimo. Makani alimwi akubuzya akwiingula muzibeela zisalidwe. Umwi aumwi weelede kubamba mulongo ngwakonzya kutobela kuyootola lubazu mbuli mbwakonzya mumulimo mumwezi wa April. Amwaambe mulongo wamiswaangano yamulimo wamumuunda yoonse ibikkidwe mumwezi ooyu. Amubakulwaizye boonse aabo ibakonzya kubeleka mulimo wabupainiya bwakugwasilizya alimwi akuti babweze foomu yakulembela mulimo wabupainiya kumamanino amuswaangano.

Lwiimbo 26 amupailo wakujala.

Nsondo Iitalika mu March 26

Lwiimbo 25

10 min: Zyakwaambilizya zyambungano. Amubayeezye bakwesu kwaamba kuti ikucibelesya kabotu ciindi kulakonzya kugwasya bapainiya bakugwasilizya kusikaa mbaakani zyabo. Amupandulule kuti nkocicili ciindi cakulembela mulimo wabupainiya bwakugwasilizya mu April. Amubakulwaizye boonse ikutobela mulongo wakubala Bbaibbele wa Ciibalusyo mumazubaa mu April 3-8, mbuli mbokutondezyedwe mukabbuku ka Kulingaula Magwalo Mazuba Oonse—2001. Amwaambilizye nokuyoocitwa Ciiyo ca Ngazi Yamulindizi mumvwiki ya Ciibalusyo. Mutalubi makani abuleya aalubazu mu Nsondo ino, mu April 1 aamutwe wakuti “Ino Mbaani Bakonzya Kufwutulwa?” Amubakulwaizye boonse ikutola lubazu mumulimo mbubwenya buzuba oobo, ikutegwa tukuutalike kabotu mwezi wa April.

20 min: “Toonse Atumulemeke Jehova Alimwi a Mwanaakwe.” Makani aazwa mu Magwalo aakulwaizya alakananwaa mwaalu. Amubakulwaizye boonse ikutola lubazu mbuli mbobakonzya mumulimo waalubazu utiikacitwe mu April alimwi akusoleka kutamba bantu ku Ciibalusyo.

15 min: Ikulibambila Nzila Njotukonzya Kubelesya Mukumwaya Mamagazini. Tunooabila mamagazini aa Ngazi Yamulindizi alimwi a Awake! mumwezi wa April. Amwiinduluke mucibalo cili apeeji 8, mincali ya 3 alimwi a 10 mu Mulimo Wesu Wabwami wamu October 1996. Amukankaizye (1) icibalo, (2) makani aatalisya mubandi aayelede, (3) mubuzyo uukulwaizya muntu kubaa luyandisisyo alimwi (4) lugwalo lweelede lukonzya kubelesyegwa munzila iigwasya mukwaabila imwi aimwi yamamagazini mapya. Amusoleke kubelesya broshuwa ya Ncayanda naa bbuku lya Luzibo ikutalisya ziiyo zya Bbaibbele kubantu balaaluyandisisyo. Amumanizye acitondezyo calibambilwa kabotu kutondezya mbocikonzya kucitwa eci mukuswaya kwakusaanguna.

Lwiimbo 1 amupailo wakujala.

Nsondo Iitalika mu April 2

Lwiimbo 29

9 min: Zyakwaambilizya zyambungano. Amubayeezye basikumwaya ikuleta malipooti aamulimo wamumuunda aamumwezi wa March. Amwiinduluke “Ziyeezyo zya Ciibalusyo.”

18 min: “Iluyando Ndolutukulwaizya Kukambauka.”a Amukankaizye amagwalo aali mucibalo. Amubikkilizye atwaambo tuli mu Insight, Volyumu 2, peeji 673, muncali 1. Amutambe sikumwaya iwali musungu kwamyaka minji kuti aluule luyando lwakwe kuli Leza mbolwamugwasya kukakatila mumulimo wakukambauka. Amubakulwaizye boonse basikumwaya ikutola lubazu mumulimo wakukambauka mumwezi wa April alimwi amumwezi umwi aumwi uutobela.

18 min: “Amubagwasye Bamwi Kutegwa Kabajanika Kumiswaangano.”b Pepa lyamukati lya Mulimo Wesu Wabwami wamu June 1996 mincali 14-16, lilapa nzila azimbi zyambotukonzya kugamika basikwiiya Bbaibbele kumbunga. Amutondezye zyoonse zyobile broshuwa ya Ncayanda (ciiyo 5, muncali 7) alimwi abbuku lya Luzibo (cibalo 5, muncali 22) mbozikonzya kubelesyegwa kuzwa kumatalikilo ikugwasya sikwiiya kuti kajanika kumiswaangano. Kutondezya mbocinga cacitwa eci, amube acitondezyo calibambilwa kabotu mwalo sikumwaya uucibwene mwakulwaizya sikwiiya caluyando ikuyeeya cakuzinzibala kujatikizya kuboola kumiswaangano.

Lwiimbo 7 amupailo wakujala.

Bupanduluzi buyungizidwe