Mulongo Wamiswaangano Yamulimo

Nsondo Iitalika mu May 14

Lwiimbo 15

6 min: Zyakwaambilizya zyambungano alimwi azyeezyo zisalidwe kuzwa mu Mulimo Wesu Wabwami.

9 min: Makanze nzi Ngomujisi Muciindi Cacilimo? Mwaalu naa mukutausi alimwi amukwasyi wakwe babandike nzyobayanda kuyoocita muciindi eeci. Babandika zyakuyoojanika kumuswaangano wacooko mazuba oonse otatwe, kuyoobeleka mulimo wabupainiya bwakugwasilizya naa kuyooswaya alimwi akubotelwa akulikondelezya kumwi kubotu. Boonse bazuminizya kuti tabeelede kuluba cilengwa cabo cakucita milimo yateokrasi, mbuli kujanika kumiswaangano yambungano, kutola lubazu mumulimo wamumuunda alimwi akubaa ciiyo ca Bbaibbele camukwasyi nokuba kuti bakaunke kubusena bumbi. Bayoobona kuti bapa malipooti abo amumulimo wamumuunda kumulembi cakufwambaana, nokuba kuti naa banooli amunzi naa mulweendo lwakuya kumbi.

14 min: “Muswaangano Wacooko wa Bakamboni ba Jehova Wamu 2001 wa ‘Bamayi ba Jwi lya Leza.’” Kubuzya akwiingula. Kulanga-langa mincali 1-8 mupepa lyamukati. Amubelesya magwalo ikutondezya kaambo ncotweelede kwaatobela malailile aapedwe aba Sosaiti.

16 min: “Muswaangano Wacooko wa Bakamboni ba Jehova Wamu 2001 wa ‘Bamayi ba Jwi lya Leza.’” Makani alimwi amubandi abaswiilizi. Mincali 9-16 mupepa lyamukati. Amukankaizye ncokuyandika kulibambilila limwi kwiinda mukulomba mazuba kuncito cakufwambaana kutegwa kamwaangulukide kuyoojanika kumuswaangano kwamazuba oonse otatwe. Amubalumbaizye abo boonse batobela bubambe bubikkidwe aba Sosaiti nkobacita lyoonse.

Lwiimbo 16 amupailo wakujala.

Nsondo Iitalika mu May 21

Lwiimbo 11

10 min: Zyakwaambilizya zyambungano. Lipooti yamaakkaunti.

17 min: “Atumulemye Jehova Kwiinda Mubukkale Bwesu—Cibeela 4.”a

18 min: “Muleelede Kusalala”b Amukankaizye mbokuyandika kubamba busena bwamuswaangano kuti kabusalala

Lwiimbo 28 amupailo wakujala.

Nsondo Iitalika mu May 28

Lwiimbo 20

10 min: Zyakwaambilizya Zyambungano. Amubayeezye basikumwaya kupa malipooti aabo amumulimo wamumuunda aamu May.

15 min: Ziyandika Zyambungano.

20 min: “Ijwi lya-Leza . . . Lili Anguzu.”c Amubikkilizye azitondezyo zyobile zyakalibambilwa kabotu, kutondezya mbuli kupa mulumbe munzila fwaafwi mbokukonzya kugwasya kubikkila maanu ku Jwi lya Leza.

Lwiimbo 24 amupailo wakujala

Nsondo Iitalika mu June 4

Lwiimbo 4

12 min: Zyakwaambilizya Zyambungano azyakuluula zyamumulimo wamumuunda. Kabbokesi Kamubuzyo. Imwaalu abale alimwi akubandikaa baswiilizi. Amupandulule ikaambo malailile aapedwe ncayandika kutobela.

15 min: “Amutole Lubazu Cakumaninina Mubutebuzi.”d Nomubandika muncali 4, amubikkilizye acitondezyo kuzwa mu Ngazi Yamulindizi yamu Chitonga yamu October 1, 1996, apeeji 16, muncali 10, kutondezya ncobali mukucita bamwi kutegwa bayungizye ciindi ncobatola mumulimo wabo.

18 min: “Twabeleka Mucilawo Cesu Kwaziindi Zinji!”e Makani atiikananwe amulangizi wamulimo. (Imbungano zijisi zilawo zitabelekwi-belekwi zilakonzya kulanga-langa cibalo cakuti “Mamagazini Aambilizya Bwami” mu Mulimo Wesu Wabwami wamu April 1998.) Amubandike cikonzya kucitwa nkomuzwa ooko kutegwa mulomye kubeleka nomuli muzilawo zibelekelwa. Amuluule zyakuluula kuzwa mu Yearbook yamu 1997 apeeji 204 alimwi a Ngazi Yamulindizi yamu Chichewa ya February 15, 1996 apeeji 26. Amukankaizye mbokuyandika kapati kubamba kabotu nzyomulemba zyakuŋandaa ŋanda, kutobela baabo batajaniki amaanda alimwi akucita nyendo zyakupilukila cakufwambaana.

Lwiimbo 17 amupailo wakujala.

Bupanduluzi buyungizidwe