Zyakwaambilizya

◼ Mabbuku aakumwaya mu May: Mamagazini aa Ngazi Yamulindizi alimwi a Awake! Amubaabile Luzibo naa broshuwa ya Ncayanda aabo batondezya luyandisisyo nomwapilukila kamujisi makanze aakutalisya ziiyo zya Bbaibbele zyaaŋanda. June: Ncinzi Leza Ncayanda Kulindiswe? naa Luzibo Lutola Kubuumi Butamani. Amubikkile maanu kukutalisya ziiyo zya Bbaibbele zyaaŋanda. July alimwi a August: Kufwumbwa broshuwa akati kayaaya aamapeeji aali 32 inga yabelesegwa: Sena Ncobeni Leza Ulatulanganya?, Mutangale Abuumi Butamani a-Nyika!, “Amubone! Ndalengulula Zintu Zyoonse Zibe Zipya,” Kodi Muyenera Kukhulupirira Utatu?, The Divine Name That Will Endure Forever, Imfulumende Eeyo Iiyooleta Paradaiso, Ncinzi Cicitika Kulindiswe Twafwa?, Ino Buumi Bujisi Mulimonzi—Mbubuti Mbomunga Mwabujana?, alimwi a Iciindi Muntu Ngomuyanda Nafwa. Imabroshuwa aakuti A Book for All People, Our Problems—Who Will Help Us Solve Them?, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili alimwi a Will There Ever Be a World Without War? alakonzya kwaabilwa kubantu mbaayelede.

◼ Mulangizi weendelezya naa umbi ngwayoosala weelede kulingula maakkaunti aambungano mu June 1 naa cakufwambaana kuzwa leelyo. Mukaambilizye kumbungano mwaakumana kucita boobo elyo kwakubalwa lipooti yamaakkaunti iitobela.