Kabbokesi Kamubuzyo
◼ Ino ma Bbaibbele aamyaambo iikananwa mucisi aatasimbwi aba Sosaiti ayeelede kweendelezegwa buti?
Ma Bbaibbele aatali amu Cingisi aatasimbwi aba Sosaiti aodwa buyo nokuli muntu waayanda alimwi ayeelede buyo kupegwa kuli basikumwaya kutali kubuleya naa kumwaigwa mumulimo wesu walyoonse wakuŋandaa ŋanda. Alaantoomwe aamabbuku aaodwa buyo nokuli muntu waayanda mbubwenya mbuli ma Bbaibbele a Deluxe naa azivwumbyo ziteteete, Insight on the Scriptures, Reference Bible, mabboundi volyumu, makkaseeti akuswiilila, makkasseti aamavidiyo azimwi zimwi. Imbungano yeelede buyo kooda zintu ezi lilikke nokuli muntu uziyanda.
Mbokuli boobo, iba Sosaiti bakacita bubambe bwakujana ma Bbaibbele aatali amu Cingisi amuulo wa K13,000 lyomwe. Aaya ma Bbaibbele ayoopegwa kuli basikumwaya mububambe bwakusanga. Alimwi alakonzya kupegwa kubantu mbotwiiya limwi Bbaibbele bali mukuyaambele alimwi babala akujanika kumiswaangano. Nokuba boobo, taali akumwaya mumulimo wamumuunda pe.
Lyoonse nomutambula ma Bbaibbele aatali amu Cingisi, kweelede kuba kulyeendelezya kumweelwe wacintu ncomubweza. Masimpe, kunyina mali ayoolangilwa, kulombwa naa kubwezegwa kuofesi lyamabbuku, pele umwi aumwi wesu weelede kulimvwa kuti ujisi mukuli kujatikizya nzyotubweza. Aabo bayanda kusanga ciindi nciconya, beelede kubika kusanga kwabo mutubbokesi tulembedwe kuti “Ikusanga Kugwasilizya Mulimo wa Sosaiti Wanyika Yoonse.—Matayo 24:14.” Ciindi sikwiiya Bbaibbele uyaambele natakonzyi kupa cakusanga, sikumwaya weelede kubaa mukuli uuyungizidwe alimwi acoolwe cakulemeka Jehova ambono zyakwe.—Tus. 3:9.
Cilayandika kapati kuti bubambe oobu tubweendelezye munzila yakuti bantu butayeeyi kuti tumwaya buya ma Bbaibbele ngotutasimbi kakunyina muulo. Akaambo kaceeci, bakwesu balanganya mabbuku beelede kupakamana akubona kuti mabbuku ngobaoda atavwuli kwiindilila—kubikkilizyaa ma Bbaibbele aatali mu Cingisi—kumuntu wakabweza kale. Zintu zili boobo zyeelede kulangwa-langwa kabotu-kabotu. Mutapi ma Bbaibbele aya kubantu bamwi nokuba kuti balaayanda. Cili kabotu kubaleka bantu bali boobo kuya kuula ma Bbaibbele mumyaambo isiyene-siyene kumantoolo asambala mabbuku.