Mulongo Wamiswaangano Yamulimo

Nsondo Iitalika mu June 11

Lwiimbo 13

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami.

15 min: “Amuzumanane ‘Mukucita Kabotu.’” Makani aakulwaizya aamu Magwalo akananwe amwaalu.

20 min: “Aamunjile Makani Mumoyo Sikwiiya Wanu.”a Amubikkilizye anzila zigwasya mbomunga mwagwasya bapya kubaa lusyomo alimwi aluyando mumyoyo yabo kuli Jehova alimwi a Jesu. Amubelesye twaambo tupa-pati tuli mu Ngazi Yamulindizi mu Chitonga yamu August 1, 1999, apeeji 14, mincali 18-20.

Lwiimbo 15 amupailo wakujala.

Nsondo Iitalika mu June 18

Lwiimbo 21

17 min: Zyakwaambilizya zyambungano. Lipooti yamaakkaunti. Ikwiingula Majwi Atyompya Mibandi. Mubandi abaswiilizi. Amwiinduluke majwi aakuti “Ndemanga” mubbuku lya Kukambitsirana alimwi amapeeji 15-16. Kuzwa kupeeji 16-20, amusale twaambo tumwi twakukazya ntomuswaanganya mucilawo canu ncomubelekela. Amutambe baswiilizi kuti baambe bwiinguzi mbubajana kuti bulabeleka kabotu kulimbabo alimwi akaambo ncobaambila boobo.

8 min: Ikulanga-langa Kabbokesi Kamubuzyo.

20 min: “Amubelesye Matulakiti Kutalisya Mibandi.” Amulange-lange kufwumbwa matulakiti one abelesyegwa kapati mucilawo cibelekelwa. Amupe mubuzyo uujisi bwiinguzi mutulakiti imwi aimwi. Amulombe baswiilizi kuti bape twaambo mbuli mubuzyo mboukonzya kubelesyegwa kutalisya mubandi, alimwi uukonzya kusololela kuciiyo ca Bbaibbele. Amupe citondezyo kutondezya mbocikonzya kucitwa eci kubelesya matulakiti obile.

Lwiimbo 9 amupailo wakujala.

Nsondo Iitalika mu June 25

Lwiimbo 7

15 min: Zyakwaambilizya zyambungano. Amulange-lange mabbuku aakumwaya mu July alimwi a August. Amutondezya mabroshuwa obile aaliko mumbungano yanu. Amupe zitondezyo zyalibambilwa kabotu kutondezya mbwaanga mabroshuwa amwaingwa mumulimo. Kujatikizya nzila zipedwe, amubone mapeeji aakumamanino mumapepa aa Mulimo Wesu Wabwami wamu July alimwi a August 1995 kusikila mu 1998.

30 min: “Sena Ncobeni Mulazilumba Zilongezyo zya Jehova?” Kubuzya akwiingula kuyoopegwaa mwaalu uuelela.

Lwiimbo 5 amupailo wakujala.

Nsondo Iitalika mu July 2

Lwiimbo 16

12 min: Zyakwaambilizya zyambungano. Amulange-lange kabbokesi “Amube Balisungwide,” apeeji 5. Amubayeezye basikumwaya kuti balete malipooti amulimo wamumuunda aamu June.

18 min: Nobakubusi—Amusongwaale Nomusala Mulimo Wakumubili. Eeci ncibeela cakusaanguna aazibeela zyotatwe zyamu Muswaangano Wamulimo ziyoolanga-langa njiisyo zyamu Magwalo ziswaangene akuyungizya lwiiyo. Ibakubusi bamwi bali mukucita milimo yakumubili nkaambo baliyiide kapati, calo capa kuti bapiluke munsi kapati kumuuya. Eeci cibeela, cilabandikwa akati kabazyali bobile alimwi amukubusi wabo musankwa naa musimbi. Imukubusi wasikaa ntaamu mpayandika kucenjela mukusala kujatikizya makanze aakwe akumbele. Nokuba kuti bamwi balakonzya kuyanda kubaa mali manji, mpuwo naa kukkala kabotu mubuumi, imukwasyi walanga-langa ncolyaamba Bbaibbele kutegwa babone ncolikulwaizya. (Amubone bbuku lya Achichepere Akufunsa mapeeji 174-5; Ngazi Yamulindizi mu Chitonga yamu September 1, 1997, apeeji 12 alimwi September 1, 1999, mapeeji 26-28, mincali 1-3 alimwi a 5-6.) Imukubusi wazumina kuti ncamaanu kutobela nzila mubuumi iiyoomugwasya kujana mbaakani zyateokrasi kabelekela kutolaambele zintu zya Bwami.

15 min: “Amwiimbe Nyimbo Zyakutembaula Jehova.” Makani aakulwaizya alimwi amubandi abaswiilizi aali mucibalo. Amulange-lange majwi aanyimbo imwi iiyooyimbwa lyamuswaangano. Amwaambe mazuba alimwi aziindi noziyoolibambilwa nyimbo.

Lwiimbo 26 amupailo wakujala.

Bupanduluzi buyungizidwe