Mulongo Wamiswaangano Yamulimo

Nsondo Iitalika mu October 8

Lwiimbo 2

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya twaambo tujanwaa peeji 8, amutondezye zitondezyo zyobilo zifwaafwi zijatikizya mbuli mbokwaabilwa mamagazini, cakusaanguna amubelesye Ngazi Yamulindizi yamu November 1, eelyo cimwi mubelesye Galamukani! yamu November 8.

35 min: “Sena Mulazyibelesya Nzyomwakaiya Kumuswaangano Wacooko ‘wa Bamayi ba Jwi lya Leza’?” Mubandi abaswiilizi wapulogilamu yamuswaangano, makani apegwe amweendelezi wa Ciiyo ca Ngazi Yamulindizi. Yamana miniti yomwe yantalisyo, amubikke maminiti aasika ku 10 naa 12 kucibeela cabuzuba bumwi abumwi capulogilamu. Mubufwaafwi amwaambe twaambo tupati-pati tujanwa ansi akatwe kali koonse, mwamana amubalombe baswiilizi kuti baambe mbuli (1) mbobakasoleka kwaabelesya malailile (2) mbobakagwasyigwa kwiinda mukwaabelesya alimwi (3) ambobalimvwa kujatikizya kuyungizya mulimo ngobayandika kucita. Amubelesye mibuzyo iipa kukkalaansi kuyeeya akubakulwaizya kuti bakanane cakwaanguluka. Amubagwasye boonse kubona mbociyandika kuzibelesya nzyobakaiya.

Lwiimbo 4 amupailo wakujala.

Nsondo Iitalika October 15

Lwiimbo 12

10 min: Zyakwaambilizya zyambungano. Lipooti yamaakkaunti.

15 min: Sena mulaa “Moyo wakumvwa”? (1 Bam. 3:9) Makani apegwe amwaalu, aajanwa mu Ngazi Yamulindizi yamu August 1, 1998 yamu Chichewa amapeeji 4-6. Amubandike mbuli mbotukonzya kutondezya kulicesya kwiinda mukubelekaa mbungano.

20 min: Atwaabelesye Kabotu Mamagazini Eesu. Mulangizi wamulimo alimwi amubelesi wamagazini balabandika kujatikizya mamagazini mbwaamwaigwa mucilawo cambungano yabo. Baamba bunji bwamamagazini mbungano ngoitambula amwezi kweezyanisya ayaayo alipootwa amwezi ngobakaabila mumuunda. Eeci citondezya kuti, imamagazini manji ayile kulundana mumaanda naa ali mukusoogwa buya. Ino mbuti basikumwaya mbobakonzya kwaabelesya kabotu mamagazini eesu? Bakwesu balabandika twaambo tupati-pati tuli ciloba mucibeela cakuti, “Amwaabelesye Kabotu Mamagazini!” kuzwa mu Muswaangano Wamulimo wamu October 4, 1999. Balaamba cakacitika mu Ngazi Yamulindizi ya Chichewa yamu February 15, 1998 mapeeji 28-9, alimwi akulanga-langa twaambo itukonzya kubeleka kubusena ooko. Umwi aumwi wakulwaizyigwa kusoleka kuzyibelesya zikonzyanyo zyazitondezyo zitondezyegwa mu Mulimo Wesu Wabwami amwezi.

Lwiimbo 25 amupailo wakujala.

Nsondo Iitalika October 22

Lwiimbo 13

10 min: Zyakwaambilizya zyambungano. Kwiinda mukubelesya malailile aapedwe apeeji 8, amutondezye zitondezyo zyobilo zifwaafwi mbuli mbomukonzya kwaabila mamagazini, cakusaanguna mubelesye Ngazi Yamulindizi yamu November 1, cabili kuzwa mu Galamukani! yamu November 8.

10 min: Ino Mbuti Mbomukonzya Kwiingula? Amulange mubbuku lya Kukambitsirana kumapeeji 276-7 ooko kujanwa bwiinguzi bulimvwisya kumubuzyo wabuzyigwa wakuti, “Kodi Mboni za Yehova zimafika motani pamalongosoledwe awo a Baibulo?” Amutondezye citondezyo cakalibambilwa kabotu mbuli mbomukonzya kwiingula mubuzyo ooyu mulweendo lwanu lwakupilukila, kwamana waawo amumutambe muntu ooyo kuti kajanika kumiswaangano yambungano.

25 min: “Ikucizyiba Kubala Alimwi Akulemba Kuli Akati Kabantu ba Leza.” Imakani amubandi abaswiilizi. Amutondezye kucizyiba kubala alimwi akulemba mbokutugwasya mukuzuzikizya mulimo wesu wakukambauka makani mabotu alimwi akuyaampela munzila yakumuuya. (Ngazi Yamulindizi yamu February 1, 1996 peeji 6-11) Amwaambe zibeela zipati-pati zili mukabbuku aaka kakuti Sungwaala Kukubala Akukulemba (ikuti kamukajisi). Amulomye kwaamba kulibaabo beelela kuba bamayi kuti beelede kwaabala kabotu-kabotu malailile aajanwa kumatalikilo aapeeji kabatana citalisya cikolo. Amubandike twaambo tujanwa acibeela cakuti “Ikuyiisya Bapati Kubala, Akulemba.” Amwaambilizye ciindi alimwi abusena cikolo camuzwenge nkocinakucitilwa.

Lwiimbo 26 amupailo wakujala.

Nsondo Iitalika October 29

Lwiimbo 19

12 min: Zyakwaambilizya zyambungano. Amubayeezye basikumwaya kuleta malipooti aamulimo wamumuunda aamu October. Mabbuku aakumwaya mu November nibroshuwa ya Ncayanda naa bbuku lya Luzibo. Amucite citondezyo cifwaafwi: “Muziindi zyino zikatazya kujana mali, bantu banji balaalilwa kujana ziyandika mubuumi. Sena muyeeya kuti mfwulumende zyabantu ziyakulimana penzi eeli kubantu boonse kakunyina kusalaulana? [Amulindile bwiinguzi] Nceeci cisyomezyo cikulwaizya ncindakajana mu Bbaibbele.” Amubale Intembauzyo 72:12-14. Eelyo amubaabile broshuwa ya Ncayanda naa bbuku lya Luzibo kubikkilizyaa makani ayeelede aazwa mubbuku eelo.

15 min: Ziyandika zyambungano.

18 min: “Sena Kulya Kwanu Munzila Yakumuuya Kulizulide?”a Amubalombe baswiilizi kuti baambe twaambo twazwa mu Ngazi Yamulindizi ya Chichewa yamu April 15, 1997 mapeeji 28-31, ikupandulula kaambo alimwi ambotukonzya kutolelela acilengwa cibotu cakulya cilyo cakumuuya.

Lwiimbo 22 amupailo wakujala.

Nsondo Iitalika November 5

Lwiimbo 6

10 min: Zyakwaambilizya zyambungano.

18 min: Kulibambila Miswaangano Kwamukwasyi. Usyi ulabandikaa mukwasyi wakwe woonse mbobakonzya kulibambila kutegwa kabatola lubazu mumiswaangano. Kababelesya malailile ajanwa mu Ngazi Yamulindizi ya Chichewa yamu July 1, 1999 mapeeji 29-30 munc. 9, balalibambila mbuli mbobaya kwiingula mu Ciiyo ca Ngazi Yamulindizi ciyooyiigwa Nsondo iino. (1) Umwi aumwi wamumukwasyi wasala mubuzyo omwe naa yobilo njayakwiingula. (2) Nobamana kwiinduluka mincali mobaya kwiingula, babambulula bwiinguzi bwabo kutegwa bakacikonzye kwiingula mumajwi aabo. (3) Basala magwalo aambidwe buyo, babandika akubona mbuli mbwaayendelanaa cibalo alimwi balanga-langa mbubayakwaabelesya muciiyo. Boonse balilibambilide kutola lubazu ciindi camuswaangano.

17 min: “Ino Makanze nzi Ngotujisi Notweendelezya Zyiiyo zya Bbaibbele?”b Amulomye kwaamba mbuli mbociyandika kugwasya basikwiiya kutegwa bakabone kaambo ncokuyandika lyoonse kujanika kumiswaangano. Amubikkilizye acitondezyo cakalibambilwa kabotu kutondezya mbuli mbocikonzya kucitwa eeci kwiinda mukubelesya bbuku lya Luzubo cibalo 17 mincali 6-8.

Lwiimbo 7 amupailo wakujala.

Bupanduluzi buyungizidwe