Zyakwaambilizya

◼ Mabbuku aakumwaya mu January: Kufwumbwa bbuku lyamapeeji aali 192 lyakamwaigwa kautanasika mwaka wa 1987 ngoijisi mbungano. Imbungano zijisi bbuku lya Mankind’s Search for God zilakonzya kulimwaya. February: Life—How Did It Get Here? By Evolution or by Creation?, Revelation—Its Grand Climax At Hand!, naa bbuku limbi buyo lyamusyule lyamapeeji aali 192 ngoijisi mbungano. March: Luzibo Lutola Kubuumi Butamani. Amubikkile maanu kukutalisya ziiyo zya Bbaibbele zyaaŋanda. April: Mamagazini aa Ngazi Yamulindizi alimwi a Galamukani! Amwaabile broshuwa ya Ncayanda kumwi kamujisi makanze aakutalisya ziiyo zya Bbaibbele.

◼ Boonse basikumwaya babbapatizidwe ibanooliko ku Muswaangano Wamulimo nsondo ya January 28 bayoopegwa kkaadi ya Advance Medical Directive/Release alimwi a Identity Card yakupa bana babo.

◼ Ikutalikila mu February kusikila mu March 3, makani mapya ngobanookanana balangizi babbazu anoojisi mutwe wakuti “Ikujana Lukwabililo Munyika Yantenda.”

◼ Imbungano zyeelede kucita bubambe bukonzyeka bwakuyoosekelela Ciibalusyo mwaka uuno muli Bwane, March 28 lyaakubbila buyo izuba. Nokuba kuti makani inga aakutalikwa kalitanabbila zuba, ikwiinzya Mulalilo takweelede kutalika kusikila mane lyabbila zuba. Amukabuzye ooko kubusena nkomukkala kulibaabo bazyi ciindi nolibbila izuba. Nokuba kuti inga cabota kuti mbungano imwi aimwi yalicitila Ciibalusyo cayo, zimwi ziindi eeci tacikonzeki pe. Ooko kuli mbungano zinji zibelesya Ŋanda ya Bwami yomwe, ambweni mbungano yomwe naa ziindaawo inga zyalomba busena bumbi bwakuyoobelesya mangolezya aayo. Ikuti kacikonzeka, inga cabota kuti imbungano imwi aimwi kailindila kwamaminiti aataleli ku 40 nokuya batalike pulogilamu yabo kucita kuti boonse bayoojanika kububambe oobu bakagwasigwe, ikubapa ciindi cakwaanzya beenzu alimwi akukulwaizya bapya. Mweelede kubamba busena mpobanoosiya myootokala kubikkilizya awaawo aakuselukila alimwi aakubwezela bantu. Ibaalu balakonzya kubikka bubambe bweendelanaa bukkale bwankobabede.

◼ Basikuvwuntauzya alimwi abantu bambi basikila bakwesu banji, kabayanda makani aajatikizya Bakamboni ba Jehova alimwi ambunga yesu. Bayanda kuti mafoomu akuvwuntauzizya alembwe moonse muyandika, kupa bwiinguzi kumibuzyo iijatikizya nzyotusyoma alimwi anzyotuyiisya. Ikuti bantu aaba basikila sikumwaya wamumbungano umwi, weelede kubapa zina lyamulangizi weendelezya. Ibaalu bayooyiingula mibuzyo eeyo yoonse alimwi akupa bupanduluzi buyandika bweendelana alugwalo lwakalembelwa tubunga twabaalu toonse lwamu April 25, 2001.

◼ Ciindi mulangizi weendelezya natambula Sitatimenti yambungano mwezi amwezi, weelede kubona kwaamba kuti myeelwe ya Mali aa Sosaiti Aakugwasilizya Kuyaka Maandaa Bwami alimwi aamulimo wanyika yoonse aakasangwa abalwa kumbungano mulipooti yamaakkaunti imwi aimwi.

◼ Galamukani! yamu Cizulu iyali kumwaigwa kobile amwezi yacinca; inoomwaigwa komwe buyo amwezi.

◼ Imakkaseeti aa Vidiyo mapya aaliko:

The Greatest Man Who Ever Lived—On Videocassette, Volume 4—Mwaambo Wakutambaika Waku Amelika