Kwabambwa Mbunga Zipya Izizumizyidwe Amulawo

Ngazi Yamulindizi yamu February 1, 2001 yakaluula mbuli Bakamboni ba Jehova mbobazumanana kuya kumbele caantoomwe mumulimo wa Bwami munyika yoonse mbwiizulwa. Alimwi yakapandulula mbunga izizumizyidwe amulawo ziindene-indene mbozibelesyegwa kazili zibelesyo ziyandika kapati mukugwasyilizya kumwaya makani mabotu. Mbunga izizumizyidwe amulawo zili boobo zilayandika kapati ikutegwa milawo yamucisi cinyezi alimwi amumasi aambi itobelwe mbubwena mbolyaamba Jwi lya Leza. (Rom. 13:1) Akaambo kakwiindana-indana kwamulimo wesu alimwi akukomena kwanguwo, iba Kabunga Keendelezya bazumizya kuti kubambwe azimbi imbunga izizumizyidwe amulawo kutegwa zilanganye azimwi ziyandika zya Bakamboni ba Jehova mucisi ca United States. Mazina aa Mbunga eezyi zipya izizumizyidwe amulawo ngaaya:

Christian Congregation of Jehovah’s Witnesses

Religious Order of Jehovah’s Witnesses

Kingdom Support Services, Inc.

Eezyi mbunga zinoobelekela antoomwe ambunga zya Watch Tower Bible and Tract Society of Pennsylvania alimwi aya Watchtower Bible and Tract Society of New York, Inc. Imbungano alimwi abasikumwaya bamucisi ca United States balakonzya kutambula magwalo kuzwa kumbunga iili yoonse akati kazyeezyi. Ibubambe oobu bwacitwa aba Kabunga Keendelezya mukuzuzikizya mulimo wabo wakulanganya zintu zya Mwami zyoonse.—Mt. 24:45-47.