Nzyomweelede Kwaamba Kujatikizya Mamagazini

Ngazi Yamulindizi Feb. 1

“Kuzwa kaindi kuli bantu ibayandwa abambi akaambo kakuti batobela zyeelelo zyabukkale zisumpukide kapati alimwi akaambo kakucitila bamwi milimo mibotu. Sena muyeeya kuti muntu ulakonzya kuyiisigwa kucita zintu zibotu? [Amulindile bwiinguzi] Mmabotu makani aayo, pele amubone ncolyaamba Bbaibbele ku Intembauzyo 119:66. Imagazini eeyi ibandika mbwali cikozyanyo cilondokede Leza mukutondezya bubotu alimwi ambotunga twamwiiya. Sena mulayanda kulibalila magazini eeyi nobeni?”

Galamukani! Feb. 8

“Tulakonzya katuliibide akaambo kakuti tulijisi maanda motukkala. Pele ituulunzuma twabazangalisi nyika yoonse mbwiizulwa baile kuungulika kabatazyi cakucita; kunyina nobalujana lukwabililo ndobayanda. Imagazini ya Galamukani! ilapa twaambo ncoliliko penzi eeli alimwi acisyomezyo ca Bbaibbele cakuti buzuba bumwi boonse bayoobaa maandaabo beni.”

Ngazi Yamulindizi Feb. 1

“Bantu banji balalibilika amakani aakusofwaazyigwa kwanyika. Pele sena kuli nomwakayeeyede kale zyakusofwaazyigwa kwamizeezo? [Amulindile bwiinguzi.] Ibbaibbele lilabupandulula bubotu bwakuba balondo kumubili alimwi amunzila yakumuuya. [Amubale 2 Ba-Korinto 7:1.] Ndisyoma kuti makani aaya ayoomugwasya kapati.”

Galamukani! Feb. 8

“Cakutadooneka mwalibonena kuti nokuba kuti zikwati kanjikanji zitalika kabotu calukkomano, izinji zilamana. Ndiyanda kumusiila magazini ya Galamukani! eeyi, nkaambo ibandika twaambo twamu Bbaibbele itunga twagwasya kupa kuti cikwati coongole alimwi kacili calukkomano lyoonse.”