Zyakwaambilizya
◼ Mabbuku aakumwaya mu February: Life—How Did It Get Here? By Evolution or by Creation?, Revelation—It’s Grand Climax At Hand!, naa bbuku limbi buyo lyamusyule lyamapeeji aali 192 ngoijisi mbungano. March: Luzibo Lutola Kubuumi Butamani. Amubikkile maano kukutalisya ziiyo zya Bbaibbele zyaaŋanda. April alimwi a May: Mamagazini aa Ngazi Yamulindizi alimwi a Galamukani! Munyendo yakupilukila ikuti naa mwajana bantu batondezya luyandisyo, amubaabile broshuwa ya Ncayanda kumwi kamujisi makanze akutalisya zyiiyo zya Bbaibbele.
◼ Ikuti kamubelekela mucilawo citabelekwi-belekwi, basikumwaya balakonzya kwaabila broshuwa ya Ncayanda naa bbuku lya Luzibo. Kufwumbwa bbuku limbi lilakonzya kwaabilwa ikuti mukamwiniŋanda kaajisi mabbuku obilo aaya. Basikumwaya boonse beelede kubweza matulakiti aindenyi-indenyi abaabo batajaniki mumaanda naa aabo bakaka kutambula mabbuku. Kweelede kusolekesya kuccilila baabo batondezya luyandisyo, ikapati kucilawo citabelekwi-belekwi cikonzya kubelekwa ambungano zilaafwiifwi.
◼ Mulawo uujatikizya kubweza zitupa wa National Registration Regulations mu Zambia waamba kuti, ibana Zambia boonse ibajisi myaka yakuzyalwa iilondelela naa kwiinda ku 16 beelede kuunka ku Ofesi lya National Registration lili afwaafwi ankobakkala kuyoobweza citupa cabusicisi. Abaabo bakacinca mazinaabo balayandika kubweza citupa cipya. Boonse aabo bajatikizidwe bayandika kufwambaana kwaalanganya makani aaya kabaabona kuba umwi wamilawo yamfwulumende Munakristo uuli woonse njayelede kutobela. Baalu boonse alimwi abazyali beelede kucibikka mumizeezo eeci akubayeezya bakwesu alimwi abacizi balaa myaka yakuzyalwa iitandila ku 16.
◼ Mulangizi weendelezya naa umwi ngwayootuma weelede kulingula maakkaunti aambungano mu March 1 naa cakufwambaana mbuli mbocikonzyeka bwainda buzuba oobo. Mwamana, amukaambilizye kumbungano eelyo nokuyoobalwa lipooti.
◼ Imulembi alimwi amulangizi wamulimo beelede kulanga-langa mulimo wabapaniya boonse baciindi coonse. Ikuti naa bamwi kabatakonzyi kusika amweelwe wamawoola uuyandika, ibaalu beelede kubaa bubambe bwakubagwasya. Imalailile ambomunga mwacicita eeci inga mwaajana mumagwalo aa Sosaiti aa S-201 ngobamulembela mwakaa mwaka. Alimwi amubone amincali 12-20 mupepa lyamukati lya Mulimo Wesu Wabwami wa Chichewa wamu October 1986.
◼ Amucenjele kutwaambo twakubeja twaambwa-ambwa abantu mu Internet alimwi amumagwalo twakulomba mali kubakwesu ikutegwa bagwasye bantu bakacitikilwa ntenda caino-ino. Kufwumbwa nokwayandika kubamba kkomitii ilanganya makani aakugwasilizya Bakamboni ba Jehova kuzintu zyakumubili, bakwesu bajisi mukuli ooyu beleede kuzibisyigwa. Kusanga kuli boobo, kweelede kutuminwa ku Watch Tower, Zambia.
◼ Makani abuleya aalubazu aa Ciibalusyo aamu 2002 ayookananwa mu Nsondo mu, April 14. Mutwe wamakani unooli wakuti “Amububikke Mumizeezo Buzuba Bupati!” Muyoopegwa Pepa lyamakani aaya. Mbungano eezyo zinooswaidwe amulangizi wabbazu antela zinooli amuswaangano wabbazu kumamanino aamvwiki eeyo, zyeelede kuyoobaa makani aaya mumvwiki iitobela. Taakwe mbungano yeelede kubaa makani aalubazu kabutanasika buzuba bwa_ April 14, 2002.