‘Bakacita Mbuli Mbobakonzya’

Mulimo wesu wali kucitwa lyoonse alimwi ucizumanana kugwasyilizyigwa akusanga kwakuliyandila. Ibubambe buuba-uba bwakumwaya mabbuku bukankaizya kuti, impindu takali nkakaambo katupa kukambauka makani mabotu. “Tatuli mbuli banji baulisya Majwi aa Leza. Pele mukuti tuli muli Kilisito, tulakambauka zyabwini. Twakatumwa a Leza” kuti tukambauke makani mabotu aa Bamwi. (2 Bako. 2:17, Ci; Mt. 24:14) Kwiinda mukutondezya kulumba kwabo, banabukwetene bamwi bacembade ibali kubelekela Leza kwamyaka minjaanji bakauzya ŋombe yabo akutumina mali oonse kuofesi lyamutabi. Nibakamana kwaamba mbuli bbuku lya 1 Makani 29:14 mbolyaamba, lugwalo lwalo lwakati: “Tulimvwa kuti cileelede kumupa Jehova zintu zibotu zizwa kulinguwe.”

Ino nkaambo nzi ncotweelede kupa kusyoonto kakuli tulakonzya kupa kwiinda waawo? Akaambo kakuti ooyu mulawo uupedwe ku Banakristo kwiinda mu Jwi lya Leza koonse kobilo mukucita alimwi amucikozyanyo kweelena ambuli mbotwabona kale. Kuyungizya waawo, cilakkazika moyo ikuzyiba kuti muntu wakakonzya kuzunda bukkale bubi bwabumama akuba muntu mwaabi. Kunze lyaboobo, kuli njiisyo yamu Magwalo yeendelezya makani aamusyobo ooyo, ikaambo nkotutakonzyi kuwiika nkakuti: “Oyo uubyala cakucesya ulatebula cakucesya, pele oyo uubyala cakuvuzya ulatebula cakuvuzya.” Kutebula nzi? Ikutali kutebula zyakumubili, pele mpindu yakumuuya kwiinda mukutobela majwi aa Jesu aakuti: “Kupa kuli coolwe kwiinda kupegwa.”—2 Kor. 9:6; Inc. 20:35.