Mulongo Wamiswaangano Yamulimo

Nsondo Iitalika mu February 11

Lwiimbo 3

13 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Amulange-lange Kabbokesi Kamubuzyo, mwaambe zicitika mubusena bwambungano yanu.

20 min: ‘Lungulula Makani Oonse aa Leza.’a (Mincali 1-13) Apegwe amulangizi weendelezya. Aabe makani aakulwaizya kujatikizya nzyotuyanda kuti tukazuzikizye mu March alimwi amyezi iitobela. Muntu woonse weelede kubelesya kkalenda iipedwe mupepa lyamukati kutegwa abambe mulongo ngwakonzya kuccilila kuyootola lubazu mbuli mbwakonzya mumulimo mumwezi wa March. Amubakulwaizye boonse aabo ibakonzya kubeleka mulimo wabupainiya bwakugwasyilizya mumwezi ooyo. Nomubandika mincali 7-8, amubaambile ibakacita bupainiya mwaka wamana ciindi ca Ciibalusyo kuti baambe mbuli mbobaalongenzyegwa. Amwaambilizye kuti mafoomu aabupainiya bwakugwasyilizya alakonzya kupegwa wamana buyo muswaangano ooyu.

12 min: “Nzyomweelede Kwaamba Kujatikizya Mamagazini.” Amubalombe basikumwaya kuti baambe mbobagwasyigwa abubambe oobu buli Mulimo Wesu Wabwami kulibambila zibalo lyoonse kweelanaa zintu zicitika mumazubaano aakatazya. Ino zinzi bamwi nzyobakayaanya nobakali kuumbulizya bantu alimwi akubagwasya kujana bwiinguzi bwamu Bbaibbele kumibuzyo iikatazya? Muzitondezyo zyobilo zifwiifwi, amutondezye mbuli mbomukonzya kwaabila Ngazi Yamulindizi yamu March 1, cabili mubelesye Galamukani! yamu March 8.

Lwiimbo 11 amupailo wakujala.

Nsondo Iitalika February 18

Lwiimbo 23

8 min: Zyakwaambilizya zyambungano. Lipooti yaakkaunti.

12 min: “Ibantu Bakkomenyi Kapati Anyika.”b Mubufwiifwi amubikkilizye amakani aali mucibeela cakuti “Masitepe Opezera Chimwemwe,” peeji 6 mu Ngazi Yamulindizi yamu Chichewa October 15, 1997.

25 min: ‘Lungulula Makani Oonse aa Leza.’c (Mincali 14-23) Apegwe amulangizi wamulimo. Amuulange-lange mizeezo yaalubazu iili mukubambwa mucilawo canu kulibambila kuyungizyigwa kwamulimo mu March. Amuwaambe mulongo woonse wamiswaangano wamumuunda uubambidwe mumwezi. Amubakulwaizye aabo batasungweede alimwi amubagwasye bana alimwi ambomwiiya limwi Bbaibbele kutegwa basike azyeelelo ziyandika akuba basikumwaya batabbapatizidwe. Amwaambilizye mazina abaabo bakalilembya bupainiya bwakugwasyilizya mumwezi wa March alimwi amubakulwaizye aabo batanalilembya kuti bacibikke mumupailo kutegwa babasangane bakalilembya.

Lwiimbo 16 amupailo wakujala.

Nsondo Iitalika mu February 25

Lwiimbo 21

15 min: Zyakwaambilizya zyambungano. Amutondezye zitondezyo zyobilo zifwiifwi mbuli mbomukonzya kwaabila mamagazini, cakusaanguna mubelesye Ngazi Yamulindizi yamu March 1, cabili mubelesye Galamukani! yamu March 8. Cimwi cazitondezyo cicitwe amukubusi. Amubayeekezye basikumwaya kuleta malipooti aabo aamwezi wa February.

15 min: “Mbotukonzya Kucijatisya Ciindi.” Kubuzya akwiingula. Amubikkilizye amakani kuzwa mu Ngazi Yamulindizi ya Chichewa yamu December 1, 1989 mapeeji 16-17, mincali 7-11.

15 min: ‘Bakacita Mbuli Mbobakonzya.’ Amukabandike kabeela aaka abaswiilizi. Amutulange-lange twaambo totatwe tuli kumamanino twaakazwa kuofesi lyamutabi. Amucibandike eeci akubona kuti naa kusanga kwambungano kwamulimo Wanyika Yoonse balacita buyandika. Mbungano izijisi Maanda aa Bwami acijisi cikwelete, zyeelede kulanga-langa mbuli mbozyibbadala cikwelete.

Lwiimbo 25 amupailo wakujala.

Nsondo Iitalika mu March 4

Lwiimbo 12

5 min: Zyakwaambilizya zyambungano.

12 min: Ziyandika zyambungano.

12 min: Amubelesye bbuku lya Luzibo ikutalisya ziiyo zya Bbaibbele. Mumwezi wa March, tuyanda kuti tukabeleke canguzu kutegwa tukatalisye ziiyo zya Bbaibbele zyaaŋanda. Mubufwiifwi, amwaambe cakacita mu Mulimo Wesu Wabwami wamu May 1999 peeji 4 muncali 8. Ikuti naa kuli umwi wakatalisya ciiyo ino-ino mubbuku lya Luzibo, amuciinduluke akubona mbuli mbucazuzikizyigwa. Amubayeekezye boonse kujatikizya “Nzila Nzyomukonzya Kubelesya Nomwaabila Bbuku lya Luzibo” kuzwa mu Mulimo Wesu Wabwami wamu January 2002. Kwiinda mukubelesya bbuku, amutondezye citondezyo comwe cili akati kazyeezyi zili kupeeji 6 mupepa lyamukati amutwe wakuti “Inzila Yacigaminina.”

16 min: “Ino Nkaambo nzi Ncotuzumanana Kukambauka?”d Amumaniizye kwiinda mukubuzya-buzya sikumwaya omwe naa bobilo bakazumanana kukambauka kwamyaka minji. Abaambe mbuli mbobalimvwa kujatikizya cabapa kuzumanana amulimo ooyu alimwi ambuli mbobagwasyigwa.

Lwiimbo 26 amupailo wakujala.

Bupanduluzi buyungizidwe