Mulongo Wamiswaangano Yamuliimo

Nsondo Iitalika mu May 13

Lwiimbo 26

Malailile: Mbungano tazyeelede kuucinca Muswaangano Wamulimo wamu Nsondo yamu May 13 kuti ucitwe cakufwambaana, ccita kuti kabali amulangizi wabbazu. Mumbungano imwi aimwi, pepa lyamukati lyamuswaangano leelede kulangwa-langwa lya Muswaangano Wamulimo kweelana amulongo uupedwe. Ikuti kakuli muswaangano waalubazu nsondo eeyo, beendelezya ciiyo cambungano, beelede kwaambilizya ooko nkobacitila ziiyo zyambungano kujatikizya muswaangano nkuuya kucitilwa alimwi amazuba nuuya kucitwa.

10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Kwiinda mukubelesya nzila zili apeeji 8, amutondezye zitondezyo zyobilo mbuli mbomukonzya kwaabila Ngazi Yamulindizi yamu April 1 alimwi Galamukani! yamu May 8. Mucitondezyo cimwi acimwi, amutondezye mbazu ziindenyi-indenyi mbuli mbomukonzya kuzumanana kubandika asikutyompya mubandi, uukonzya kwaamba kuti “Ndijisi bubi.”—Amubone book lya Kukambitsirana peeji 19-20.

10 min: “Amuzumanane Kugwasyigwaa Ngazi Yamulindizi alimwi a Galamukani!” Makani alimwi amubandi abaswiilizi akananwe amwaalu. Amubakulwaizye boonse basikumwaya kuti baabambe kabotu mabbuku naa mapepa ngobalembela mamagazini ngobamwaya kumwi kabajisi muzeezo wakunootola mamagazini lyoonse mubantu aabo. Amulomye kwaamba mbuli mbocigwasya naa mbociyandika kusiila bantu mamagazini kuti nenzila iimwi iibeleka kapati kuti mulumbe wa Bwami usike kubuleya. Amubone kuti mwabweza magazini manji ciindi nomuunka mumulimo; amubaabile kufwumbwa mwajana ciindi. Ikujana ciindi ansondo mu Buzuba bwa Mamagazini ninzila iimwi iigwasya kuyungizya mweelwe wamamagazini aamwaigwa. Kukambaukila kucintoolo acintoolo alimwi amumugwagwa acalo cilagwasya.

25 min: “Muswaangano Wacooko wa Bakamboni ba Jehova Wamu 2002 wa ‘Basikwaambilizya Bwami Ibasungu.’”a Akananwe amulembi kuzwa mumuncali 4 kusikila ku 11. Amwiilumbe mbungano akaambo kakulibambila muswaangano cakufwambaana kweelana ambuli mbobakonzya.

Lwiimbo 20 amupailo wakujala.

Nsondo Iitalika mu May 20

Lwiimbo 1

15 min: Zyakwaambilizya zyambungano. Lipooti yamaakaunti.

10 min: Ziyandika zyambungano.

20 min: Makani amubandi abaswiilizi akanamwe amwaalu weelede. Makani aajanwa mupepa lyamukati aakuti “Mibuzyo Yabasikibala.

Lwiimbo 7 amupailo wakujala.

Nsondo Iitalika mu May 27

Lwiimbo 17

12 min: Zyakwaambilizya zyambungano. Amubayeekezye basikumwaya kuti basiye malipooti aabo aamumuunda aamu May. Kwiinda mukubelesya nzila zili apeeji 8, sikumwaya wakakomena aatondezye citondezyo mbuli mbotukonzya kwaabila magazini ya Ngazi Yamulindizi yamu June 1, icabili cicitwe asikumwaya uucili mwana kwiinda mukubelesya Galamukani! yamu June 8. Camana citondezyo cimwi acimwi, amwaambe mbuli mbolukonzya kubikkilizyigwa lugwalo mucitondezyo

15 min: “Sena Mbungano Yanu Ilijisi Cilawo Cipati Cakukambaukila?” Makani alimwi amubandi abaswiilizi akananwe amulangizi wamulimo. (Imbungano izijisi zilawo zisyoonto zilakonzya kucilanga cibalo camu Mulimo Wesu Wabwami wamu June 1999 amutwe wakuti “Amucibelesye Kabotu Ciindi Canu.”) Amwaambe cilawo cambungano mbocili cipati alimwi ampomwaataana kukambauka mwaka wamana. Amupandulule nzila eezyi zyapegwa mbomukonzya kuzibelesya nkomuzwa. Amwiinduluke bubambe buli mukubambwa bwakukambauka kucilawo citabelekwi-belekwi mumazuba aazya kumpela.

18 min: “Sena Muliibelesya Broshuwa ya Ncayanda Ikutalisya Ziiyo?” (Boonse beelede kuti kabajisi pepa lyamukati lya Mulimo Wesu Wabwami wamu January 2002 mumubandi ooyu.) Amutalike kwiinda mukuba acitondezyo asikumwaya walibambila kabotu akutondezya mbuli ciiyo mbocikonzya kutalisyigwa kwiinda mukubelesya cikonzyanyo cili mumuncali wa 3. Amana buyo, amwaambe twaambo tupati-pati mubroshuwa alimwi amupandulule mbuli mboibambilidwe kutalisya ziiyo. Amutondezye mbuli mbociyandika kwiinduluka-induluka nzila zili mupepa lyamukati lyamu January 2002. Amubatambe baswiilizi baambe akati kazitondezyo eezyo icakababelekela kabotu. Mumaniizye kwiinda mukwiinduluka citondezyo cazwa kwaambwa.

Lwiimbo 20 amupailo wakujala.

Nsondo Iitalika mu June 3

Lwiimbo 21

15 min: Zyakwaambilizya zyambungano. Amubabuzye basikumwaya baambe zilongezyo nzyobakajana ciindi nobakali kucita bupainiya bwakugwasyilizya naa bupainiya bwaciindi coonse mu March, April naa May.

15 min: Ibbuku lya Kukambitsirana Mbolibelesya Busanduluzi Bwama Bbaibbele Aamwi. Makani aafwiimpe, eelyo muzumanane mubandi abaswiilizi. Amubale muncali wa 2 apeeji 8 mubbuku lya Kukambitsirana mupandulule kaambo alimwi akubona ncociyandika kukankaizya Bbaibbele mumulimo wesu. Amutondezye mulongo wama Bbaibbele uulembedwe mubufwiifwi uuli apeeji 6, mpoonya mupandulule kaambo ncotubelesya busanduluzi abumbi. Amwaambe malailile aajanwa mu Ngazi Yamulindizi yamu 0ctober 1, 1997 peeji 24, muncali wa 2 alimwi apeeji 28, muncali 15. Kwiinda mukubelesya mitwe yakuti “Kulowa Mmalo Kwautumwi,” “Mafano,” alimwi a “Utatu” mubbuku lya Kukambitsirana, amubatambe baswiilizi baambe mbuli mbocigwasya kukozyanyisya busanduluzi mukuyiisya kasimpe.

15 min: “Lusyomo Lwesu Lutupa Kucita Milimo Mibotu.”b Nomubandika muncali wa 2, mubufwaafwi amubuzye-buzye Kamboni musungu. Sikumwaya aambe kukambauka kubantu mbocigwasya alimwi ambociyumya lusyomo.

Lwiimbo 4 amupailo wakujala.

Bupanduluzi buyungizidwe