Mulongo Wamiswaangano Yamulimo

Nsondo Iitalika mu June 10

Lwiimbo 11

15 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya twaambo tuli apeeji 4, amutondezye zitondezyo zyobile mbuli mbomukonzya kwaabila Ngazi Yamulindizi yamu July 1 alimwi a Galamukani! yamu July 8. Mucitondezyo cimwi acimwi, amutondezye nzila iindenyi mbuli mbomukonzya kwiingula kaambo katyompya mubandi kakuti, “Tandiyandi zyakukomba mebo.”—Amubone bbuku lya Kukambitsirana mapeeji 16-17.

10 min: Kabbokesi Kamubuzyo. Amucibale cibalo coonse alimwi amagwalo aatondezyedwe. Mwamana mupe twaambo tuyungizyidwe akuyaambele kupandulula twaambo tumbi kuzwa mu Kabbokesi Kamubuzyo mu Mulimo Wesu Wabwami wamu March 1998.

20 min: “Ikubyala Cakuvwuzya Kuletela Zilongezyo Zitaliboteli.”a Amubikkilizye twaambo kuzwa mu Ngazi Yamulindizi yamu Chichewa ya December 1, 1992, mapeeji 15-16, mincali 14-17.

Lwiimbo 29 amupailo wakujala.

Nsondo Iitalika mu June 17

Lwiimbo 15

10 min: Zyakwaambilizya Zyambungano. Lipooti yaakkaunti.

15 min: Ziyandika zyambungano.

20 min: “Amuzulile Azintu Nzyomujisi.”b Amukankaizye twaambo kuzwa mu Magwalo ikutondezya lulayo oolu ncolweelede, akubala alimwi akubandika magwalo manji aambidwe kuti ciindi kaciciliko.

Lwiimbo 26 amupailo wakujala.

Nsondo Iitalika mu June 24

Lwiimbo 20

8 min: Zyakwaambilizya zyambungano. Banabukwetene ibali mukubeleka antoomwe mumulimo batondezye mbotukonzya kubelesyegwa twaambo tuli apeeji 4 kwaabila mamagazini aamu July 1 alimwi a July 8. Mukaintu watondezya mboikonzya kumwaigwa Ngazi Yamulindizi eelyo mulumi mboikonzya kumwaigwa Galamukani!

12 min: Amwaambe zyakuluula naa amwiinduluke zyakuluula zyakacitika kuzwa kuli basikumwaya mumbungano (1) ibapa bumboni kubantu bamisyobo iindeneiindene naa bantu bakanana myaambo iimbi naa (2) ibapa bumboni muzibeela zimwi zyabukambausi kutali kuzwa kuŋanda aŋanda alimwi amumugwagwa. Kulibambila Muswaangano Wamulimo nsondo iiboola, amubakulwaizye boonse kusala alimwi akulibambila ntalisyo yamakani yakubelesya mukumwaya imwi yama broshuwa aayo aayoomwaigwa mu July a August.—Amubone kabbokesi kakuti, “Mabbuku Aambi,” mupepa lyamukati lyamu Mulimo Wesu Wabwami wamu January 2002.

25 min: “Amwaabile Bamwi Nzyobabulide.” Makani amubandi abaswiilizi ayookananwaa mwaalu.

Lwiimbo 23 amupailo wakujula.

Nsondo Iitalika mu July 1

Lwiimbo 17

15 min: Zyakwaambilizya zyambungano. Amubayeezye basikumwaya kuleta malipooti aabo aamulimo wamumuunda aamumwezi wa June. Amubabuzye basikumwaya baambe broshuwa njobakanza kuyoomwaya mu July alimwi antalisyo yamakani njobayoobelesya.

15 min: Mulakonzya Kuba Mulongwe wa Leza! Makani amubandi abaswiilizi. Amutondezye zibeela kuzwa mubroshuwa eeyi zyalo zipa kuti cibe cibelesyo cibotu cakuyiisya calo cikonzya kugwasya bana alimwi abamwi batayiide kapati naa bajisi penzi lyakubala kabotu kuti bayiye kujatikizya Jehova. Amubandike zitondezya kujatikizya mboilembedwe munzila nguba-uba alimwi ambotupanduludwe twaambo munzila imvwika kabotu. (Amubone ziiyo 2, 8, alimwi a 12.) Amupandulule zifwanikiso mbozikonzya kubelesyegwa kutegwa atumvwisye twaambo sikwiiya. Amupe nzila zitondezya mbuli broshuwa eeyi mboikonzya kubelesyegwa kabotu. Bazyali beelede kwiibelesya kuyiisya bana babo bacili basyoonto. Amubakulwaizye boonse kwiimwaya mumulimo kufwumbwa nokwayandika.

15 min: “Sena ‘Mulayanda’ Kugwasya Bamwi?”c Amubakulwaizye boonse mumbungano kubaa muuya wakulisungula mukugwasya.

Lwiimbo 6 amupailo wakujala.

Bupanduluzi buyungizidwe