Mulongo Wamiswaangano Yamulimo

MALAILILE: Mu Mulimo Wesu Wabwami wamu August alimwi a September, kuyoondandamikwa mulongo wa Muswaangano Wamulimo imvwiki amvwiki. Mbungano zilakonzya kubikka bubambe buyandika kutegwa bakajanike ku Muswaangano Wacooko wa “Basikwaambilizya Bwami Ibasungu.” Amubelesye maminiti aali 15 aa Muswaangano Wamulimo wamvwiki yamamanino kamutanaunka kumuswaangano wacooko ikwiinda mukwiinduluka malailile aagaminide kuzwa mupepa lyamukati mumwezi uuno aakonzya kubeleka kubusena nkomubede. Mumwezi wa October, Muswaangano Wamulimo woonse uuyoobaa bubambe bwakwiinduluka twaambo tupati-pati twamuswaangano wacooko. Ikulibambila mubandi ooyu, toonse tulakonzya kulemba twaambo tugwasya amuswaangano, kubikkilizyaa mulongo watwaambo totuyanda kuyoobelesya lwesu mubuumi alimwi amumulimo wamumuunda. Mpoonya tunoolibambide ikupandulula mbotwaabelesya malailile aayo kuzwa kumuswaangano wacooko. Ciyootukulwaizya kumvwa mbotwakagwasyigwaa malailile mabotu ngotwakatambula.

Nsondo Iitalika mu July 8

Lwiimbo 9

15 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya nzila zili apeeji 8, amutondezye zitondezyo zyobile mubufwaafwi mbuli mbomukonzya kwaabila Ngazi Yamulindizi yamu August 1 alimwi a Galamukani! yamu August 8. Mucitondezyo cimwi acimwi, amutondezye nzila iindene mbuli mbomukonzya kwiingula kaambo katyompya mubandi kakuti, “Tuli Banakristo kale aano.”—Amubone bbuku lya Kukambitsirana apeeji 19.

10 min: Kabbokesi Kamubuzyo. Makani akananwaa mwaalu, walo uutiitondezye mbwaakonzya kubelesyegwa makani kubusena nkomubede.

20 min: “Kuyumizyanya Mulusyomo Munzila Iilibedelede.” Makani. Amube aluyandisisyo lwakuyoojanika kumuswaangano wacooko. Amubayumye-yumye boonse kuyoojanika kuzibeela zyoonse, kutalikila mafwumofwumo mubuzuba bwakusaanguna mane kusikila kumazuba mubuzuba bwatatu.

Lwiimbo 4 amupailo wakujala.

Nsondo Iitalika mu July 15

Lwiimbo 23

10 min: Zyakwaambilizya zyambungano. Lipooti yamaakkaunti.

15 min: “Lyoonse Kamuya Buyandaula Kucita Kabotu.”a Amukankaizye mbociyandika kapati kuyiisya bana kucita kabotu. Amutukankaizye twaambo tuteelede kulubwa ituli mumuncali wa 4. Amupandulule kaambo ncokuyandika kapati kuti umwi aumwi alilemeke kabotu.

20 min: Itwaambo Twini-Twini Ncotweelede Kubelesya Bbaibbele Mumulimo Wesu Wamumuunda. Makani amubandi abaswiilizi. Jesu wakalaazyi Magwalo alimwi wakali kwaabelesya kapati naakali kuyiisya. (Lk. 24:27, 44-47) Nzyaakali kuyiisya tiizyakali zyakwe pe. (Joh. 7:16-18) Cilayandika kapati kuti aswebo tulibelesye Jwi lya Leza. Lilaanguzu kapati kwiinda makani oonse ngotukonzya kwaamba lwesu. (Joh. 12:49, 50; Heb. 4:12) Babombe myoyo balakwelelezyegwa akaambo kaluumbulizyo alimwi abulangizi bujanwa mu Magwalo. Aibe mbaakani yanu kubala noluba lugwalo lomwe kuzwa mu Bbaibbele mumakani aanu aantalisyo. Amutondezye kuti kuli magwalo aabikkidwe munzila zipedwe mwezi uuno zyakubelesya mukwaabila mamagazini. Amubalombe baswiilizi baambe mbuli mbobali mukubelesya Bbaibbele mumulimo wamumuunda alimwi ampindu zyobajana kubikkilizya abaabo mbobali mukukambaukila.

Lwiimbo 18 amupailo wakujala.

Nsondo Iitalika mu July 22

Lwiimbo 1

12 min: Zyakwaambilizya zyambungano. Imuzyali alimwi amwana ibali mukubeleka antoomwe mumulimo wamumuunda batondezya mbozikonzya kubelesyegwa nzila zipedwe apeeji 8 kwaabila mamagazini aamu August 1 alimwi a August 8. Mucitondezyo cimwi kwatondezyegwa mboikonzya kwaabilwa Ngazi Yamulindizi alimwi muli cimbi Galamukani! Amubakulwaizye bazyali kuzumanana kuyiisya bana babo mumulimo wamumuunda.

15 min: “Amujane Zintu Nzyomuyandika Munzila Yakumuuya.” Makani amubandi abaswiilizi. Amulange-lange twaambo boonse ncobeelede kuswiililisya kupulogilamu yamuswaangano. Amukankaizye mbociyandika kubelesya zintu nzyotwiiya muciindi cakwiide kuswiilila buyo. Amulange-lange malailile aali aatala aajatikizya bubambe bwa Muswaangano Wamulimo mu October, eelyo nokuyakuba kwiinduluka twaambo tupati-pati twamuswaangano wacooko. Amubakulwaizye boonse kuyoolemba twaambo tupati-pati. Amubalombe baswiilizi kwaamba twaambo tusyoonto buyo kujatikizya mpindu nzyobakajana kupulogilamu yamwaka wamana.

18 min: “Ikusama Alimwi Akulibamba Munzila Yeelede.”b Akananwe amwaalu, ooyo weelede kubala muncali umwi aumwi akubandika amana. Amubagwasye boonse kutegwa bamvwisye ikaambo ncotweelede kubikkila maano kujatikizya mbotuboneka kubuleya.

Lwiimbo 22 amupailo wakujala.

Nsondo Iitalika mu July 29

Lwiimbo 13

10 min: Zyakwaambilizya zyambungano. Amubayeezye basikumwaya kuti bape malipooti aabo amumuunda aamu July.

10 min: “Ipulogilamu Mpya ya Muswaangano Wabbazu.” Makani. Amwaambe deeti nouyakuba muswaangano wabbazu uutobela. Amubakulwaizye boonse kuyoojanika alimwi akuswiililisya kupulogilamu. Amubayumye-yumye basikumwaya batana kubbapatizyigwa kutegwa batalike kulanga-langa mbobakonzya kucita kutegwa beelele kubbapatizyigwa. Amusolekesye kubatamba bantu mbomwiiya limwi Bbaibbele.

25 min: “Amukamantane.”c Nomubandika muncali 3, amubikkilizye twaambo tuli mu Galamukani! yamu May 8, 2000, mapeeji 17-18. Mumuncali wa 4, amubikkilizye twaambo kuzwa mu Ngazi Yamulindizi yamu Chichewa ya April 1, 1995, mapeeji 16-17 mincali 4-6.

Lwiimbo 11 amupailo wakujala.

Nsondo Iitalika mu August 5

Lwiimbo 13

10 min: Zyakwaambilizya zyambungano.

20 min: “Kuyobolola Bantu Kuzwa Kumisyobo Yoonse.”d Amubikkilizye twaambo kuzwa mu Ngazi Yamulindizi yamu April 1, 2002 apeeji 24. Ikuti kabuliko bubambe nkomubede, amupandulule mubufwaafwi izintu zili mukucitwa kutegwa aabo bakanana myaambo yamumasi aambi bagwasyigwe alimwi akutondezya citondezyo cipedwe mumuncali 4.

15 min: Ziyandika zyambungano.

Lwiimbo 15 amupailo wakujala.

Bupanduluzi buyungizidwe