Mulongo Wamiswaangano Yamulimo
Nsondo Iitalika mu August 12
Lwiimbo 20
13 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya nzila zili apeeji 8, amutondezye zitondezyo zyobile mubufwaafwi mbuli mbomukonzya kwaabila Ngazi Yamulindizi yamu September 1 alimwi a Galamukani! yamu September 8. Mucitondezyo cimwi acimwi, amutondezye nzila yiindene mbuli mbomukonzya kwiingula kaambo katyompya mubandi kakuti, “Nkaambo nzi nywebo nobantu ncomuswaya-swaya?”—Amubone bbuku lya Kukambitsirana apeeji 20.
20 min: “Amulibikkile Mbaakani Zyakumuuya.”a Nomubandika muncali wa 5, amubikkilizye twaambo tukulwaizya kujatikizya bupainiya bwaciindi coonse, Cikolo Cakwiiya Mulimo alimwi amulimo wa Beteli.—Bbuku lya Mulimo Wesu, mapeeji 114-16 alimwi a Ngazi Yamulindizi yamu March 15, 1988, mapeeji 30-1.
12 min: Zyakuluula zinyenzi. Amubalombe basimbungano ikuluula zyakacitika nobakali kupa itulakiti yakuti Sena Mulayanda Kuzyiba Zinji Kujatikizya Bbaibbele? Sena kuli ziiyo zya Bbaibbele zyakatalisyigwa? Ikuti kakuli boobu, amupandulule mbocakatalisyigwa naa kutondezya citondezyo comwe naa zyobile. Amulange-lange kabbokesi kakuti “Ziindi Nomunga Mwakaabila Katulakiti” mu Mulimo Wesu Wabwami wa November 2001, apeeji 4.
Lwiimbo 4 amupailo wakujala.
Nsondo Iitalika mu August 19
Lwiimbo 9
12 min: Zyakwaambilizya zyambungano. Lipooti yamaakkaunti. Amubandike “Ipulogilamu Mpya ya Muswaangano Waalubazu.” Amwaambilizye deeti yamuswaangano waalubazu uutobela alimwi akubakulwaizya boonse kufwambaana kusika akuswiililisya kupulogilamu yoonse. Amubakulwaizye basikumwaya kutamba baabo bajisi luyandisisyo alimwi abaabo mbomwiiya limwi Bbaibbele.
15 min: Ino Cinzi Cibalesya? Mubandi abaswiilizi alimwi acitondezyo. Kanjikanji notuli mumulimo wamumuunda, tulajana bantu batayandi kubandika kujatikizya lusyomo lwabo. Eeci cileta buyumuyumu bwalo bukonzya kupa kuti twaalilwe kubandika mulumbe wa Bwami. Ikuti twacizyiba cipa kuti muntu katayandi kubandika andiswe, cilakonzya kutugwasya kulibambila mbotunga twamusikila munzila iikonzya kumukulwaizya kuti aambe mbwayeeya. Amubandike mbotunga tweendelanya makani eesu notwajana bantu bali boobu: (1) Aabo batayandi kubandika makani aabukombi. (2) Aabo bayandisisya kapati zilengwa zyabukombi nzyobakali kutobela bamukwasyi wabo alimwi abamawisi. (3) Aabo batalimvwi kwaanguluka kubandika nzyobasyoma akaambo kakubula twaambo tugwasilizya lusyomo lwabo kuzwa mu Magwalo. (4) Aabo bajisi mizeezo iilubide kujatikizya ndiswe akaambo katwaambo twakubeja tupegwa abasikutukazya. Mulakonzya kutucinca twaambo tundandamikidwe kweelana abukkale bwakucilawo nkomubede, akubikkila maano kutwaambo ntomuswaanganya kanjikanji. Amubikkilizye acitondezyo cifwaafwi kutondezya mbwakonzya kusololelwa muntu uujisi luyandisisyo kumubandi wamu Magwalo.
18 min: “Amube Alusyomo lwa Bunakristo Eelyo Musazinyoko Naagusyigwa Mumbungano.”b (Mincali 1-8) Apegwe amwaalu weelela kapati, kwiinda mukubelesya mibuzyo iibikkidwe. Amubelesye mukwesu uucibwene kabotu kubala kuti abale muncali umwi aumwi.
Lwiimbo 15 amupailo wakujala.
Nsondo Iitalika mu August 26
Lwiimbo 8
10 min: Zyakwaambilizya zyambungano. Kwiinda mukubelesya nzila zili apeeji 8, amulombe mupainiya waciindi coonse naa wakugwasilizya kuti atondezye mboikonzya kwaabilwa Ngazi Yamulindizi yamu September 1 alimwi asikumwaya mumbungano atondezye mboikonzya kwaabilwa Galamukani! yamu September 8. Amubakulwaizye basikumwaya boonse kubikkilizya Lugwalo mumajwi aabo aantalisyo.
17 min: “Amube Bantu Babandika!”c
18 min: “Amube Alusyomo lwa Bunakristo Eelyo Musazinyoko Naagusyigwa Mumbungano.”d (Mincali 9-14) Apegwe amwaalu weelela kapati, kwiinda mukubelesya mibuzyo iibikkidwe. Amubelesye mukwesu uucibwene kabotu kubala kuti abale muncali umwi aumwi.
Lwiimbo 26 amupailo wakujala.
Nsondo Iitalika mu September 2
Lwiimbo 11
10 min: Zyakwaambilizya zyambungano. Amubayeezye basikumwaya kuti bape malipooti aabo aamumuunda aamu August.
20 min: Amulibambile Kamutana Kuunka. Mubandi alimwi acitondezyo. Kulibambila kabotu kupa kuti tuzwidilile mumulimo. Aboobo, nokucili ciindi: (1) Amubwezyele limwi mabbuku ngomuyooyanda kubelesya. (2) Amubone kuti mulijisi zyakulembela zikkwene zyakuŋanda aŋanda alimwi abboopeni naa mpensulo. (3) Ikuti kamuyanda zyakweendela, amucite bubambe bweelede. (4) Amuyeeye kujatikizya nyendo zyakupilukila nzyomukanza kucita. (5) Amulibambile nzyomuyanda kuya kwaamba. Ikuti naa muyoosololela muswaangano wamulimo wamumuunda, amubweze cilawo cikkwene. Amubandike abaswiilizi nzila zyobile naa zyotatwe zikonzya kubelesyegwa kwaabila kufwumbwa bbuku lyakaindi mumulimo wamumuunda mu September. Amutondezye citondezyo kubelesya nzila yomwe yantalisyo alimwi akubikkilizya lugwalo mumubandi.—Amubone nzila zipedwe mu Mulimo Wesu Wabwami wa September 1996, apeeji 8 alimwi awa June 1995, apeeji 4.
15 min: Ziyandika zyambungano. Naa amubalombe basimbungano kuti baluule zyakuluula zyamubukambausi bwamukwiizya, antela nobakali kukambauka makani mabotu mumasena musiigwa myootokala, mukkwelelwa mabbaasi, mumapaakki, kumantoolo alimwi amumasena amwi aabuleya. Inga mwacita citondezyo comwe naa zyobile zijatikizya zyakuluula eezyo.
Lwiimbo 17 amupailo wakujala.
Bupanduluzi buyungizidwe
a Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
d Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.