Mulongo Wamiswaangano Yamulimo
Nsondo Iitalika mu September 9
Lwiimbo 16
13 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya nzila zili apeeji 8, amutondezye zitondezyo zyobile mbuli mbomukonzya kwaabila Ngazi Yamulindizi yamu October 1 alimwi a Galamukani! yamu September 8. Mucitondezyo cimwi acimwi, amutondezye inzila iindene mbuli mbomukonzya kwiingula kaambo katyompya mubandi kakuti, “Tandibayandi Bakamboni ba Jehova.”—Amubone bbuku lya Kukambitsirana apeeji 17-18.
17 min: “Ikugwasya Bamwi Kuti Batembaule Jehova.”a Ikuti kaciciliko ciindi, amwaambe kaambo komwe naa tobile itugwasya kuzwa mubbuku lya Kukambitsirana apeeji 420-3.
15 min: Ino Ncinzi Cibapa Kutasyoma? Mubandi abaswiilizi. Kanjikanji tulaswaangana abantu bajisi lusyomo luniini. (2 Tes. 3:2) Ikutegwa tubaambile kasimpe kujatikizya Jehova, cakusaanguna tweelede kulanga-langa cibapa kutasyoma muli Leza. Amulange-lange twaambo tone twaambidwe mubbuku lya Kukambitsirana mapeeji 67-68, ooto itukonzya kupa bantu kuti kabatasyomi. Amubalombe baswiilizi kuti baambe mbobakonzya kutalisya mubandi kukaambo kamwi akamwi. Amwaambe cakuluula kutondezya intalisyo iigwasya kapati, ambweni mulakonzya kwaamba ceeco cilembedwe mu Galamukani! yamu August 22, 1993 mapeeji 14-15.
Lwiimbo 21 amupailo wakujala.
Nsondo Iitalika mu September 16
Lwiimbo 13
10 min: Zyakwaambilizya zyambungano. Lipooti yamaakkaunti. Amubakulwaizye boonse kwiinduluka twaambo tobakalemba lyapulogilamu yamuswaangano wabbazu wainda ikulibambila Muswaangano Wamulimo mumvwiki iitobela.
18 min: Ino Mbuti Mbotwakabeleka Mwaka Wamana? Makani alapegwa amulangizi wamulimo. Amwaambe zibeela zipati-pati zyalipooti yamulimo yambungano yamwaka wa 2002. Amubalumbaizye boonse kumakani aamilimo mibotu njobakazuzikizya. Amulange-lange mbuli mbungano mboyakacita kumakani aakujanika kumiswaangano, kucita nyendo zyakupilukila, ziiyo zya Bbaibbele alimwi amumulimo wabupainiya bwakugwasilizya, alimwi akwaamba nzila zikonzya kugwasya kutegwa muyaambele. Amubikke mbaakani zyamwaka uuboola nzyomubona kwaamba kuti inga mwaakuzizuzikizya.
17 min: Ibuyumuyumu Mbobajana Bazyali Bali Balikke. Mwaalu wabuzya-buzya muzyali omwe naa bobile ibali balikke (ambweni aabo bakwete naa kukwatwa kubantu batali Bakamboni) ikubona mbobacikonzya ikuzunda mapenzi aajatikizya kuyiisya bana babo, kubalaya alimwi akubasololela munzila yakumuuya. Ino bacikonzya buti kulanganya mikuli yamukwasyi alimwi akujanika kumiswaangano alimwi akuunka mumulimo wamumuunda lyoonse? Amupe twaambo tumwi itukonzya kugwasya kuzwa mubbuku lya Lukkomano Mumukwasyi mapeeji 104-110. Kweelana ambokwaambidwe amapeeji 113-115, amwaambe nzila zibeleka bamwi mbobakonzya kugwasya.
Lwiimbo 11 amupailo wakujala.
Nsondo Iitalika mu September 23
Lwiimbo 7
10 min: Zyakwaambilizya zyambungano. Kwiinda mukubelesya nzili zili apeeji 8, amulombe mwaalu kuti atondezye mboikonzya kwaabilwa Ngazi Yamulindizi yamu October 1, eelyo mukutausi atondezye mboikonzya kwaabilwa Galamukani! yamu October 8. Camana citondezyo cimwi acimwi, amwiindulule kaambo komwe naa tobile mumajwi aantalisyo twabelesyegwa kubusya luyandisisyo kumwini ŋanda.
10 min: Ziyandika zyambungano.
25 min: “Amuyoowe Leza Akumupa Bulemu.” (Ciy. 14:7) Makani amubandi abaswiilizi kujatikizya kwiindulula ipulogilamu yamuswaangano wabbazu njotwakajisi mumwaka wamulimo wainda. Amubalombe baswiilizi mumbungano kuti baambe twaambo tupati-pati tobakaiya alimwi ambobakakonzya kutubelesya balo lwabo naa boonse mumukwasyi. (Izibeela zilakonzya kupedwa limwi kubantu kakucili ciindi.) Nzyeezi zibeela zyapulogilamu nzyomweelede kukanana: (1)“Amubagwasye Bapya Kuyoowa Leza.” Ino mbuti mbotukonzya kubagwasya bantu bajisi luyandisisyo ibakajanika ku Ciibalusyo kuti bayaambele alimwi akuba babelesi ba Jehova basungweede? (2) “Ikuyoowa Jehova Caamba Kusulaika Bubi.” (w87 4/15 16-18) Ino mbuti bbuku lya Tusimpi 6:16-19 mbolikonzya kutugwasya kuzitantamuka zintu zibyaabi eezyo Jehova nzyasulide mbuli kulisumpula, kubeja, kuyandisisya zintu zyakumubili, kulikondelezya kubyaabi alimwi akutaibelesya kabotu Internet? (3) “Amubaa Cilongwe Ciyumu Abaabo Mbomuyanda.” Ikuti katumuyanda Jehova alimwi a Jesu, abanamukwasyi alimwi abaabo boonse bali mumbungano; ino ikuba balongwe abaaba mbuti mbotukozya kukwabililwa munyika? (4) “Amuyoowe Jehova, Ikutali Bantu.” Ino kuyoowa kumubisizya Jehova kwamugwasya buti kutaba abuyoofwu ciindi nomukambauka, nomutobela njiisyo zya Leza aamulimo wakumubili naa kucikolo ambweni akutayungwa abasikumulemba mulimo kutegwa muleke kunoojanika kumiswaangano yambungano, yabbazu naa yaalubazu alimwi ayacooko? (5) “Amucite Zyoonse Kuti Kube Bulemu kwa Leza.” (Int. 119:37; Heb. 4:13) Ino nkaambo nzi kuyoowa Leza ncokweelede kutugwasya kutaciindilizya kunywa, kulangilila zintu zibusya muzeezo wakoonana naa kucita zibi zimwi cakusisikizya? (6) “Amuzumanane Kweenda Cakuyoowa Jehova.” Ino Jehova wamulongezya buti akaambo kakuzumizya muuya wakwe kuti umweendelezye cakumaninina mubuumi bwanu?—Int. 31:19; 33:18; 34:9, 17; 145:19.
Lwiimbo 4 amupailo wakujala.
Nsondo Iitalika mu September 30
Lwiimbo 15
15 min: Zyakwaambilizya zyambungano. Amubayeezye basikumwaya kuti bape malipooti aabo aamumuunda aamu September. Amubandike cibeela cakuti, “Ipulogilamu Yakuyaka Maanda aa Bwami Yayaambele.”
15 min: Ino Nkaambo nzi Mamagazini Eesu Ncaalibedelede? Makani amubandi abaswiilizi. Mu October tunoomwaya Ngazi Yamulindizi alimwi a Galamukani! Amubandike twaambo tupa mamagazini kuba aalibedelede: (1) Asumpula zina lya Jehova. (2) Akulwaizya kusyoma muli Jesu. (3) Aambilizya Bwami bwa Leza. (4) Agamika mizeezo yesu ku Bbaibbele kuti ndelijisi nguzu. (5) Alapandulula kuzuzikizyigwa kwabusinsimi bwamu Bbaibbele. (6) Alapandulula zintu ncozitondezya zili mukucitika munyika. (7) Alatondezya mbotukonzya kuzwidilila naa kwaazunda mapenzi aaliko mazubaano. (8) Bakkomanisya bantu boonse ibali mubukkale bwiindene-indene. (9) Taajisi lubazu mutwaambo twacisi. Amucite zitondezyo zifwaafwi zyobile, muli cimwi acimwi amutondezye mbuli kamwi katwaambo ootu twabandikwa mbokanga kabelesyegwa kutalisya mubandi.
15 min: “Amutondezye Kulumba Kuzintu Zibelesyegwa mu Mbunga Yeendelezyegwa a Leza.”b Akananwe amwaalu. Amubikkilizye atwaambo tutondezya zili mukucitika kubusena nkomubede alimwi ambungano ncoikonzya kucita kutegwa mabbuku eesu kaabelesyegwa munzila yeelede. Amubakulwaizye boonse kooda buyo mweelwe wamabbuku ngobayanda kubelesya ncobeni. Mutalubi kuti tulaa coolwe cakusanga mali kutegwa tugwasilizye mulimo wanyika yoonse.—Amubone cibalo caamba kuti, “Amwaabile Bamwi Nzyobabulide” kuzwa mu Mulimo Wesu Wabwami wamu June 2002, apeeji 3.
Lwiimbo 8 amupailo wakujala.
Nsondo Iitalika mu October 7
Lwiimbo 17
10 min: Zyakwaambilizya zyambungano. Amulange-lange kabbokesi kakuti, “Amubabikkile Maano Ibaciswa.”
15 min: Ikwiiminina Kasimpe Kucikolo. Amubuzye sikumwaya mwana-mwana omwe naa bobile ibapiluka kuzwa kucikolo alimwi ibabona mbociyandika kutayanzana kapati abasicikolonyina ibatasyomi nzyobasyoma. Ino makanze nzi ngobajisi kujatikizya mbobaya kwaamana mapenzi alimwi akoongelezyegwa kuti batole lubazu muziyanza zyacisi, muzizyano zyakucikolo alimwi amiswaangano yakunyika, zisobano alimwi amumicito iitasalali? Amubikkilizye atwaambo tutondezya nzila nzyobakanzide kuyoobelesya kuti bape bumboni kucikolo.
20 min: “Ino Nkaambo nzi Ncotweelede Kukutantamuka Kuvwiya?”c Amukankaizye twaambo kuzwa mu Magwalo ikutondezya lulayo oolu ncolweelede, akubala alimwi akubandika magwalo manji aambidwe kuti ciindi kaciciliko.
Lwiimbo 28 amupailo wakujala.
Bupanduluzi buyungizidwe
a Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.