Mulongo Wamiswaangano Yamulimo
Nsondo Iitalika mu December 9
Lwiimbo 18
12 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya nzila zili apeeji 8, amutondezye zitondezyo zyobile mbuli mbomukonzya kwaabila Ngazi Yamulindizi yamu January 1 alimwi a Galamukani! yamu January 8.
15 min: “Amwaambilizye Mulumbe wa Bwami.”a Ciindi nomubandika muncali 3, amubikkilizye anzila zipedwe zyakubala buya kuzwa mu Bbaibbele eelyo nomukambauka makani mabotu.—km 12/01 p. 1 munc. 3.
18 min: Amuyaambele Mumilimo Mibotu Yoonse. Makani alimwi amubandi abaswiilizi. Ayelede kukananwa amwaalu. Amulange-lange mboyakatalika alimwi akuyaambele mbungano yanu, kubikkilizya akusola-sola kwakacitwa mukutalisya mbungano. Amulibambilile limwi kakucili ciindi kutegwa mukabuzye-buzye bamwi bakaliko aciindi eeco kuti baambe zyakuluula zikulwaizya. Amutondezye kuyaambele kulangilwa kumbele alimwi akubakulwaizya boonse kuti kabagwasilizya milimo yambungano cabusungu.
Lwiimbo 17 amupailo wakujala.
Nsondo Iitalika mu December 16
Lwiimbo 4
10 min: Zyakwaambilizya zyambungano. Lipooti yamaakkaunti. Amwaambe bubambe bwaalubazu bwakuunka mumulimo wamumuunda mu December 25 alimwi amu January 1.
15 min: Aabo Bajisi Busongo Mbebayoomvwisya. (Dan. 12:3, 10) Citondezyo. Muntu uujisi luyandisisyo wabuzya kuti: “Ino mbuti mbondikonzya kusinizya kuti nywebo mulaziteelelesya nzyoliyiisya Bbaibbele?” Sikumwaya wapandulula mbokuvwuntauzyigwa mu Bbaibbele kwiinda mukubelesya mitwe yamakani. (w96 6/1 pp. 18-19) Kwiinda mukubelesya zitondezyo zisyoonto kuzwa mubbuku lya Kukambitsirana, mapeeji 112-117, watondezya mbuli mbotwacikonzya kwaateelela makanze aa Leza kujatikizya nyika kwiinda mukwaalanga-langa Magwalo. Sikumwaya wapandulula mboikonzya kubelesyegwa nzila njiyonya eeyi kutegwa tuziteelele kabotu njiisyo zimwi zyamu Bbaibbele alimwi akumwaambila zyabubambe bwaciiyo ca Bbaibbele.
20 min: “Amubabikkile Maanu Bacembeede Aabo Basyomeka.”b Amubikkilizye atwaambo kuzwa mu Ngazi Yamulindizi yamu Chichewa yamu August 1, 1994 apeeji 29. Amwaambe bubambe buliko kubantu batacikonzyi kubeleka kapati mumulimo akaambo kakukomena naa kukompama, ibubazumizya kupa lipooti yamumulimo wamumuunda yamaminiti aali 15. Amusale bantu basyoonto kuti baluule mbokuyumya-yumya kuyanzana abantu baceembede.
Lwiimbo 11 amupailo wakujala.
Nsondo Iitalika mu December 23
Lwiimbo 8
10 min: Zyakwaambilizya zyambungano. Kwiinda mukubelesya nzila zili apeeji 8, amutondezye mboikonzya kwaabilwa Ngazi Yamulindizi yamu January 1 alimwi a Galamukani! yamu January 8. Amubakulwaizye boonse kuti bakabale bbuku lya Kukambitsirana mapeeji 315-319 mukulibambila mubandi uyooba ciindi ca Muswaangano Wamulimo munsondo iitalika mu January 6.
15 min: Ziyandika zyambungano.
20 min: “Sena Mulabikkila Maano Kubona Kuti Kwalembwa Lipooti Iiluzi?”c Nomubandika muncali 2, amubikkilizye twaambo tuzwa mubbuku lya Mulimo Wesu amapeeji 106-8.
Lwiimbo 20 amupailo wakujala.
Nsondo Iitalika mu December 30
Lwiimbo 23
10 min: Zyakwaambilizya zyambungano. Amubayeezye basikumwaya kuti bape malipooti aabo aamumuunda aamu December. Ikuti naa muyoocinca ciindi ncomunootalika miswaangano mumbungano yanu mumwaka mupya, amubakulwaizye boonse kunoojanika lyoonse aciindi cipya eeco. Amwaambe mabbuku aakumwaya mu January, akubikkila maano kapati kumabbuku aayo aliko mumbungano.
15 min: Amulange-Lange Bbuku lya Amukombe Leza. Makani alimwi amubandi abaswiilizi. Amupandulule bubambe bujatikizya mboliya kubelesyegwa bbuku lipya eeli kalili bbuku lyabili lyakwiiya. (km 6/00 p. 4 minc. 5-6) Amubalombe baswiilizi kuti baambe zibeela zimwi zibakkomanisya kuzwa mubbuku. Amutondezye kuti zibeela zimwi mubbuku zijisi mibuzyo alimwi amagwalo aakulwaizya sikwiiya kuzinzibala kuyeeya kujatikizya Jwi lya Leza. Amupe citondezyo cijanika amapeeji 47-9, mumuncali wa 13.
20 min: “Ikulikasya Kubulowa Cakusyomeka.” Mwaalu weelela kabotu ayendelezye mubandi wakubuzya akwiingula.d Amubikkile maanu kubagwasya boonse kuzuzikizya mukuli umwi aumwi ngwajisi wakulikasya kubulowa. Mwaalu weelede kubakulwaizya baswiilizi kujana mincali iiyandika mucibalo alimwi akweenga twaambo tuyandika. Amubalombe basikumwaya beelela kuti baingule mibuzyo eeyi: Ino ninjiisyo nzi iiyandika kapati iijanika kubbuku lya Matalikilo 9:3, 4 alimwi iikankaizyidwe kubbuku lya Incito 15:28, 29 njobeelede kutobela bantu boonse? (munc. 3) Ino ncinzi cakajatikizyidwe ‘mukulikasya’ kubulowa ku Banakristo bakusaanguna? (minc. 4-6) Ino ncinzi cijatikizyidwe mazubaano mukulikasya kubulowa kweelanaa busilisi bwasunu? (munc. 8) Sena Banakristo beelede kuzumina kusilikwa amusamu uupangwaa zibeela zyabulowa? (minc. 9-11) Ino nkaambo nzi Banakristo basyomeka bamwi ncobakonzya kuzilanga munzila iindene zintu? (minc. 12-15) Amumanizye kwiinda mukubuzya baswiilizi mibuzyo yakwiinduluka eeyi: Sena Bakamboni ba Jehova balazumina kufwumbwa musamu uupangwaa zibeela zimwi zizwa kubulowa? Ino ncinzi ncayelede kubikkila maano Munakristo uusimide eelyo nalanga-langa busilisi buliko?
Lwiimbo 2 amupailo wakujala.
Nsondo Iitalika mu January 6
Lwiimbo 9
13 min: Zyakwaambilizya zyambungano.
15 min: Lugwasyo Mukutobela Mulawo wa Leza Kujatikizya Bulowa. Makani abandikwe amwaalu weelela kuzwa mupepa lyamakani lyakapegwaa ofesi lyamutabi. Mulembi weelede kuti kajisi zintu eezi zikkwene kutegwa zipegwe basikumwaya: Kkaadi ya Advance Medical Directive/Release alimwi a Identity Card. Makkaadi aaya alapegwa kuli basikumwaya boonse babbapatizyidwe wamana buyo muswaangano, pele TAAYELEDE kulembwa sunu ndilyonya pe. Ikusaina makkaadi mumeso aakamboni alimwi akulemba deeti kuyoocitwa twaakumana Ciiyo Cabbuku Cambungano citobela ooko mulangizi waciiyo cabbuku nkwayootugwasya oomo motuyandika lugwasyo. Aabo basaina kabali bakamboni, beelede kumubona buya mwini kkaadi nasaina. Basikumwaya batabbapatizyidwe balakonzya kulilembela makkaadi abo alimwi ayaayo aanoobelesya bana babo kweelanaa ciimo alimwi alusyomo lwabo kwiinda mukulembulula majwi aalembedwe aamakkaadi ya Advance Medical Directive/Release alimwi a Identity Card.
17 min: Mubandi Kuzwa Mubbuku lya Kukambitsirana mapeeji 315-319. Ayeelede kukananwa amwaalu weelela.
Lwiimbo 26 amupailo wakujala.
Bupanduluzi buyungizidwe
a Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
d Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.