Mulongo Wamiswaangano Yamulimo

Nsondo Iitalika mu February 10

Lwiimbo 2

10 min: Zyakwaambilizya zyambungano alimwi a Makani aa Mbunga Yeendelezyegwaa Leza. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya nzila zili apeeji 8, amutondezye zitondezyo zyobile izitondezya mbomukonzya kwaabila Ngazi Yamulindizi yamu March 1 alimwi a Galamukani! yamu March 8. Mucitondezyo cimwi acimwi, mamagazini aaya obile ayelede kwaabilwa antoomwe nokuba kuti njimwi buyo yabandikwa.

35 min: “Amukambauke Akupa Bumboni Cakulomya.”a Ayelede kukananwa amulangizi wamulimo. Amubakulwaizye aabo boonse ibakonzya kubeleka bupainiya bwakugwasyilizya mu March alimwi a April. Amubabuzye aabo bakabeleka mulimo wabupainiya ciindi ca Ciibalusyo mwaka wamana. Ino mbubambe nzi mbobakacita kutegwa bakonzye kubeleka bupainiya? Ino nkusoleka alimwi nkucinca kuli buti kwakali kuyandika? Ino ndukkomano alimwi zilongezyo zili buti nzyobakajana? Amulange-lange zikozyanyo zyakweezyeezya zyamulongo mukabbokesi kali apeeji 4. Amwaambilizye kuti mafoomu aakulombela mulimo wabupainiya bwakugwasyilizya alakonzya kubwezegwa wamana muswaangano.

Lwiimbo 13 amupailo wakujala.

Nsondo Iitalika mu February 17

Lwiimbo 20

10 min: Zyakwaambilizya zyambungano. Lipooti yamaakkaunti. Amulange-lange bbuku liyoomwaigwa mu March. Amwaambe nzila yomwe naa zyobile zikonzya kubelesegwa ikwaabila bbuku lya Luzibo kwiinda mukubelesya twaambo tuli mupepa lyamukati mu Mulimo Wesu Wabwami wamu February 2002. Amukankaizye mbaakani yakutalisya ziiyo zya Bbaibbele zyaaŋanda.

15 min: “Sena Inga Mwakonzya Kwaaba Ŋanda Yanu?” Makani ayelede kukananwa amulangizi waciiyo cabbuku. Amubikkilizye atwaambo tuli Mutubbokesi twa Mibuzyo mu Mulimo Wesu Wabwami wamu April 2001 alimwi awamu January 1990 mu Chichewa. Amwaambe mweelwe watukamu twaziiyo zyabbuku ituli mumbungano yanu alimwi amweelwe waakati-kati wabantu bajanika. Amulombe sikumwaya omwe naa bobile kuti baambe mbobagwasigwa amikwasyi yabo kwiinda mukuba aciiyo cabbuku cicitilwa muŋanda yabo. Kufwumbwa uuyanda kwaaba ŋanda yakwe ulakonzya kumuzyibya mulangizi weendelezya.

20 min: “Ino Ncinzi Ncomubikka Mubusena Butaanzi?”b Amulombe sikumwaya omwe naa bobile kakucili ciindi kuti bakaambe mbobacikonzya kubambulula bukkale bwabo kutegwa kabajana ciindi cinji cakubeleka mumulimo.

Lwiimbo 9 amupailo wakujala.

Nsondo Iitalika mu February 24

Lwiimbo 11

10 min: Zyakwaambilizya zyambungano. Amubayeezye basikumwaya kuti bape malipooti aabo aamumulimo wamumuunda aamu February. Kwiinda mukubelesya nzila zili apeeji 8, amutondezye zitondezyo zyobile mbomukonzya kwaabila Ngazi Yamulindizi yamu March 1 alimwi a Galamukani! yamu March 8. Mucitondezyo cimwi acimwi, mamagazini aaya obile ayelede kwaabilwa antoomwe nokuba kuti njimwi buyo yabandikwa.

15 min: “Ikugwasya Aciindi Ceelede.” Makani aayelede kukananwa amwaalu. Amupandulule kuti ibubambe bwaalubazu ibuliko bwakugwasya baabo ibatacisungweede butondezya luyando Jehova ndwajisi kubantu bakwe.

20 min: ‘Amube Aacamba.’c Mwamana kubandika muncali 5, amubuzye-buzye sikumwaya wagwasigwa kapati akaambo kakubalanga munzila yeelede bantu mbotukambaukila.

Lwiimbo 4 amupailo wakujala.

Nsondo Iitalika mu March 3

Lwiimbo 22

10 min: Zyakwaambilizya zyambungano. Amubandike mubufwaafwi kabeela kakuti, “Ibubambe Bupya Bwama Laibbulali Aaku Ŋanda ya Bwami.” Amwaambe uunoojisi mukuli wakulanganya laibbulali yaku Ŋanda ya Bwami.

15 min: Ziyandika zyambungano.

20 min: “Amulibatamike Mamanino Mbwaayaabuswena Afwaafwi.”d Nomubandika mincali 3 alimwi a 4, amubalombe basikumwaya kuti baambe mbaakani zyakumuuya nzyobajisi. Amubikkilizye atwaambo tuli apeeji 176 mubbuku lya Amukombe Leza.

Lwiimbo 15 amupailo wakujala.

Bupanduluzi buyungizidwe