Mulongo Wamiswaangano Yamulimo
Nsondo Iitalika mu March 10
Lwiimbo 26
10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Kwiinda mukubelesya nzila zili apeeji 8, amutondezye mbomukonzya kwaabila Ngazi Yamulindizi yamu April 1 alimwi a Galamukani! yamu April 8. Mucitondezyo cimwi acimwi, mamagazini aaya obile ayelede kwaabilwa antoomwe nokuba kuti njimwi buyo yabandikwa.
15 min: “Lugwalo Luzwa Kukabunga Keendelezya.” Makani amubandi abaswiilizi.
20 min: “Atube Basungu Kuzintu Zibotu!”a (Muncali 1-12) Mwamana kubandika muncali 6, mubufwaafwi amutondezye citondezyo casikumwaya uuli mukutamba musazinyina, simukobonyina, sicikolonyina antela mubelesinyina ku Ciibalusyo.
Lwiimbo 23 amupailo wakujala.
Nsondo Iitalika mu March 17
Lwiimbo 9
10 min: Zyakwaambilizya zyambungano. Lipooti yamaakkaunti.
15 min: Amusale Balongwe Cabusongo. Makani akananwe amwaalu kuzwa mubbuku lya Amukombe Leza apeeji 47 muncali 13 kusikila apeeji 49 muncali 14 akatwe kasyoonto kaamba kuti, “Mbwaatalika Mapenzi.” Amwaambe bubotu bujanika mukusala balongwe aabo ibayanda Jehova alimwi ibatondezya kuti bali mukusoleka kuzitobela zyeelelo zyakwe.
20 min: “Atube Basungu Kuzintu Zibotu!”b (Muncali 13-26) Ayelede kukananwa amulangizi weendelezya. Ciindi nomuli mukubandika muncali 14, amutondezye citondezyo cifwaafwi camwaalu waswaya mukwesu uukompeme kutegwa amukulwaizye. Mukuswaya ooku, wapandulula caluzyalo mbuli mukwesu mbwakonzya kuba acibeela mumulimo mupati ngoijisi mbungano ciindi ca Ciibalusyo.
Lwiimbo 8 amupailo wakujala.
Nsondo Iitalika mu March 24
Lwiimbo 4
10 min: Zyakwaambilizya zyambungano. Kwiinda mukubelesya nzila zipedwe apeeji 8, amutondezye mboikonzya kwaabilwa Ngazi Yamulindizi yamu April 1 alimwi a Galamukani! yamu April 8.
15 min: Zyakwaambilizya.
20 min: Bakamboni ba Jehova Mbantu Bagwasya Kapati Mucilawo. Makani amubandi abaswiilizi. Zimwi ziindi tulaba acoolwe cakutondezya mbuli mulimo wesu alimwi acitondezyo cesu cibotu mbozibagwasya bantu mucilawo. Amubalombe baswiilizi kutola lubazu mukubandika twaambo ootu tutobela: (1) Tuyiisya bantu kutobela zyeelelo zyamu Bbaibbele zyakulilemeka. (2) Tuyiisya kusyomeka akulemeka beendelezi. (3) Tuyiisya lukkamantano akati kamisyobo, zisi alimwi atubunga twabantu. (4) Tulabagwasya bantu kutegwa babe abukkale bubotu mumukwasyi kwiinda mukubakulwaizya kutobela zyeelelo zya Bbaibbele. (5) Tulabayiisya bantu banji kubala alimwi akulemba. (6) Tulagwasya bantu nokwacitika ntenda. (7) Twali kugwasilizya kapati mukulwanina lwaanguluko lwabukombi oolo ndobajisi bantu banji.—Amubone bbuku lya Proclaimers apeeji 699.
Lwiimbo 5 amupailo wakujala.
Nsondo Iitalika mu March 31
Lwiimbo 22
12 min: Zyakwaambilizya zyambungano. Amubayeezye basikumwaya kuti bape malipooti aabo amulimo wamumuunda aamu March. Amwaambe mabbuku aakumwaya mu April. Amulange-lange cibeela cakuti, “Amulibelesye Bbuku lya Amukombe Leza Mukweendelezya Ziiyo zya Bbaibbele.” Amubandike twaambo tupati-pati mukabbokesi kakuti, “Ziyeezyo zya Ciibalusyo” mu Mulimo Wesu Wabwami wamu March 2002.
13 min: Zyakuluula zyakacitika kubusena bwenu. Amubalombe basimbungano ikuti baluule zyakacitika mumulimo ngobakabeleka canguzu mu March. Amubalumbaizye akaambo kakubeleka canguzu, akubakulwaizya kutola lubazu camoyo woonse kweelana abukkale bwabo mu April.
20 min: “Jehova Uleelede Kutembaulwa Loko.”c Amukankaizye mbociyandika Ciibalusyo. Amwaambe mbuli boonse mbobakonzya kugwasya bantu kuti bajanike. Amupandulule cintu cikonzya kucitwa kutegwa aabo ibatacisungweede basikilwe akubukulusigwa. Amulombe baswiilizi kuti baluule zyakacitika zikulwaizya mwaka wamana lya Ciibalusyo.
Lwiimbo 13 amupailo wakujala.
Nsondo Iitalika mu April 7
Lwiimbo 21
10 min: Zyakwaambilizya zyambungano.
15 min: Mbomukonzya Kusalazyanya mu Magwalo. Mubandi abaswiilizi. Ino mbuti mbotunga twayaambele kutegwa tucikonzye kusalazyanya kabotu abantu mumulimo? (1) Amube aluzibo lwamu Magwalo kwiinda mukuba aciiyo canu nobeni lyoonse alimwi akujanika kumiswaangano. (2) Amuzinzibale kuyeeya zintu nzyomwiiya, akukalanga-langa kasimpe mumbazu ziindene-indene. (3) Mutavwuntauzyi buyo ncolwaamba lugwalo pe, pele amuyandule twaambo twamu Magwalo tusinizya bupanduluzi oobo. (4) Amuyeeye mbomukonzya kwaapandulula magwalo kubantu basiyene-siyene. (5) Amuyeeye zikozyanyo nzyomukonzya kupa ikupandulula twaambo tumwi.
20 min: “ Ibwini Mbobutunununa.”d Amubikkilizye atwaambo tuli mukabbokesi apeeji 6 mu Ngazi Yamulindizi yamu October 1, 1998. Amubalombe baswiilizi kuti baambe mbobanununwa abwini bwa Jwi lya Leza.
Lwiimbo 7 amupailo wakujala.
Bupanduluzi buyungizidwe
a Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
d Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.