Amubelesye Bbuku lya Amukombe Leza Mukweendelezya Ziiyo zya Bbaibbele
Ibbuku lya Amukombe Leza Mwini-Mwini Uuli Alikke, lyakabambilwa kugwasya bapya kuti baye ambele mukasimpe alimwi akumulumba kapati Jehova akaambo kambunga yakwe. Mulakonzya kulibelesya kuli baabo mbomwiiya limwi Bbaibbele kalili bbuku lyabili lyakwiiya. Mulimo Wesu Wabwami wamu June 2000 apeeji 4, wakapandulula boobu: “Ikuti naa muntu kaboneka kuti uli mukuyaambele, nokuba kuti ucita boobo bucebuce, akuti naa ulazikkomanina izintu nzyali mukwiiya, mulakonzya kuzumanana aciiyo ca Bbaibbele mubbuku limbi mwamanizya kwiiya broshuwa ya Ncayanda alimwi abbuku lya Luzibo. . . . Nokuba boobo, broshuwa ya Ncayanda alimwi abbuku lya Luzibo ayelede kusaanguna kuyiigwa. Iciiyo ca Bbaibbele, inyendo zyakupilukila alimwi aciindi citolwa mukuzumanana aciiyo ceelede kulembwa mulipooti, nokuba kuti sikwiiya wabbapatizyigwa katanalimanizya bbuku limbi.”
Ino mbaani abambi ibakonzya kugwasyigwa aciiyo ca Bbaibbele mubbuku lya Amukombe Leza? Icibalo ncimunya eeco cilazumanana kwaamba kuti: “Ikuti kakuli bamwi mbomuzyi ibakaiya [ibroshuwa ya Ncayanda alimwi abbuku] lya Luzibo kaindi pesi taakwe nobakayaambele kusikaa kulyaaba alimwi akubbapatizyigwa, inga mwaambaula ambabo kubona naa inga bayanda ikutalika alimwi ciiyo ca Bbaibbele.” Atube aamakanze aakutalisya ziiyo kwiinda mukubelesya ibbuku lya Amukombe Leza, kubantu bali boobo mumwezi wa March alimwi a April.