Mulongo Wamiswaangano Yamulimo

Nsondo Iitalika mu May 12

Lwiimbo 13

10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Kwiinda mukubelesya nzila zipedwe apeeji 8, amutondezye zitondezyo zyobilo izitondezya mbomunga mwaabila Ngazi Yamulindizi yamu June 1 ikubelesya nzila zyakusaanguna zyobilo. Amumwaambile siŋanda ibubambe bwakusanga.

20 min: Nobazyali—Amubagwasye Bana Banu Ikuyaambele. Makani aabandika twaambo tupati-pati mubbuku lya Cikolo Camulimo apeeji 9-12 alimwi a 21-38. Amubakulwaizye bazyali ikubelesya twaambo tumwi ootu muciiyo cabo camukwasyi, kabajisi makanze aakuyiisya bana babo kuti bayaambele mumulimo. Amwaambe twaambo tugaminide itukonzya kubelesyegwa kugwasya bana kuti babe aluzibo luyandika.

15 min: “Ibapedwe Makani Mabotu.”a Amulibambilile limwi kuti sikumwaya omwe naa bobilo bapandulule mubufwaafwi mbobakacikonzya kubambulula bukkale bwabo kutegwa kababa aciindi cinji cakutola lubazu mumulimo wabukambausi.

Lwiimbo 5 amupailo wakujala.

Nsondo Iitalika mu May 19

Lwiimbo 23

15 min: Zyakwaambilizya zyambungano. Lipooti yamakkaunti. Amubandike cibeela cakuti, “Ikuyaka Maanda aa Bwami Kwamasi mu Masi Aamwi Aaku Europe.” Amwaambe kuti mulimo wakuyaka Maanda aa Bwami mumasi aatavwubide alimwi amucilawo ceendelezyegwa amutabi umwi kulagwasilizyigwa azyakusanga zya Mali Aakugwasilizya Kuyaka Maanda aa Bwami.

15 min: Ziyandika zyambungano.

15 min: “Amumutembaule Jehova Kwiinda Mubukambausi Bwamukwiizya.” Makani amubandi abaswiilizi. Nomubandika muncali 3, amubabuzye baswiilizi nzyobakonzya kwaamba ikutalisya mubandi mu Bbaibbele mubukkale bumwi oobu: (1) nomwiimvwi mumulongo kamuyanda kuula cimwi cintu, (2) nomuli muzyakweendela zyabuleya, (3) kuli simukobonyoko uuli mukubeleka mulubuwa, (4) kumubelesinyoko kamuli amulimo, (5) kuli ngomwiiya limwi mukkasi kucikolo. Amulibambilile limwi cakuluula cakacitika kubusena nkomubede ikutondezya sikumwaya mbwaakazwidilila mukupa bukambusi bwamukwiizya.

Lwiimbo 11 amupailo wakujala.

Nsondo Iitalika mu May 26

Lwiimbo 7

10 min: Zyakwaambilizya zyambungano. Amubayeezye basikumwaya kuti bape malipooti aabo aamumulimo wamumuunda aamu May. Kwiinda mukubelesya nzila zipedwe apeeji 8, amutondezye zitondezyo zyobilo izitondezya mbomunga mwaabila Ngazi Yamulindizi yamu June 1 ikubelesya nzila zyamamanino zyobilo. Kumamanino acitondezyo cimwi, amusiye katulakiti kakuti Sena Mulayanda Kuzyiba Zinji Kujatikizya Bbaibbele? kuli siŋanda watatambula mamagazini.

10 min: “Amubagwasye Bantu Kujana Inzila Iisololela Kubuumi Butamani.”b Amukankaizye ibroshuwa mboisalazya twaambo tunji ntobasyoma bantu. Mwamana kubandika muncali 4, amucite citondezyo camumulimo wamumuunda cakalibambilwa kabotu ikutondezya mbomunga mwaingula mubuzyo wakuti: “Sena Leza Ulazizumina Zikombelo Zyoonse?” (ol peeji 19-21) Amubakulwaizye boonse kutola lubazu mumulimo mu Mujibelo amu Nsondo mvwiki iino.

25 min: “Ijwi lya Leza Nkasimpe.”c Amubelesye mibuzyo iibikkidwe. Amubalombe baswiilizi kuti baambe mbobakagwasigwa kwiiya kasimpe ciindi basikumwaya nobakali kubelesya Bbaibbele kwiingula mibuzyo yabo. Nomubandika muncali 4, amulombe sikumwaya uucibwene kumutwe kuti atondezye mbolikonzya kubelesegwa Bbaibbele mulweendo lwakutaanguna, ikubelesya nzila zimwi zipedwe mucibalo cakuti, “Amwaapandulule Mbukweelede Majwi aa Leza.”—km 12/01 p. 1 munc. 3-4.

Lwiimbo 6 amupailo wakujala.

Nsondo Iitalika mu June 2

Lwiimbo 23

10 min: Zyakwaambilizya zyambungano. Amulange-lange nzila yomwe naa zyobilo mupepa lyamukati lya Mulimo Wesu Wabwami wamu January 2002 iitondezya mboikonzya kwaabilwa broshuwa ya Ncayanda alimwi abbuku lya Luzibo.

20 min: Lukwatano Lwabulemu—Ncintu Ciyandika Kuli Leza. Makani amubandi abaswiilizi. Mumasi manji, cilidumide kubanabukwetene kukkala antoomwe kabatakwetene mumulawo. Bamwi baamba kuti eeci cilagwasya kapati. Amutondezye ncolyaamba Bbaibbele akukankaizya kuti Leza ngowakatalisya lukwatano. (rs-CN pp. 383-384) Ikukkala antoomwe kamutakwetene, mbwaamu. (fy p. 17) Ikwiindana ambobayeeya banji, ikuvwuntauzya kwakacitwa kuli banabukwetene kutondezya kuti ikukkala antoomwe kamutanakwatana kucesya bulangizi bwakuti lukwatano luyoozwidilila. Banakristo balamulemeka Jehova kwiinda mukutobela zyeelelo zyakwe. Mukucita boobo, abalo balagwasigwa.—Is. 48:17, 18.

15 min: Sena Muli Mukujana Mpindu? Mubandi abaswiilizi iweelede kweendelezyegwa amulangizi wacikolo. Ikutalikila mu January, twakatalika bubambe bupya Mucikolo Camulimo Weendelezyegwa a Leza. Amulange-lange mubufwaafwi zibeela zipya zyamucikolo eeci. Amwaambe bubotu bwajanika kale. Sena ibanji bakalilembya mucikolo? Sena ibanji bali kusungwaala kutola lubazu? Ino mbubotu nzi basicikolo mbobajana kububambe bupya bwakupa lulayo? Amubalombe baswiilizi kuti baluule mbobagwasigwa ambobalimvwa mbuli pulogilamu mpya mboiya kubagwasya.

Lwiimbo 20 amupailo wakujulu.

Bupanduluzi buyungizidwe