Mulongo Wamiswaangano Yamulimo
Nsondo Iitalika mu August 11
Lwiimbo 15
10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Kwiinda mukubelesya nzila zyakusaanguna zyobile zipedwe apeeji 8, amutondezye zitondezyo zyobile izitondezya mbomunga mwaabila Ngazi Yamulindizi yamu September 1. Mucitondezyo comwe, amutondezye mbokakonzya kweendelezyegwa kaambo katyompwa mubandi kakuti, “Ndijisi bubi.”—Amubone bbuku lya Kukambitsirana apeeji 19.
15 min: “Amwiiye Ibubotu bwa Jehova.”a Amubalombe baswiilizi kuti baluule mubufwaafwi ikutondezya mbuli kucitila bamwi milimo yaluyando mbokwajalula nzila yakupa bukamboni. Amubalumbaizye boonse mumbungano akaambo kakusolekesya nkobali mukucita ikutegwa bagwasye basyominyina.
20 min: “Impindu Yakucita Mulimo Wabupainiya.”b Amubelesye mibuzyo iibikkidwe. Amulombe mupainiya omwe naa bobile kuti baambe impindu njobajana mubupainiya. Amwaambe kuti kufwumbwa uuyanda kucita bupainiya ulakonzya kubweza foomu yakulombela bupainiya kumulembi.
Lwiimbo 28 amupailo wakujala.
Nsondo Iitalika mu August 18
Lwiimbo 10
12 min: Zyakwaambilizya zyambungano. Lipooti yamaakkaunti.
15 min: “Mulimo Uukatalusya.”c Amulibambilile limwi kuti basikumwaya bobile naa botatwe baambe mboubakatalusya mulimo wa Bunakristo.
18 min: “Atububambe Kabotu Busena Bwesu Bwakukombela.”d (Mincali 1-5) Amubelesye mibuzyo iibikkidwe. Nomubandika muncali 3 a 4, amulange-lange bubambe bubikkidwe abusena bwanu bwakusalazya Ŋanda ya Bwami. Amwaambe kufwumbwa twaambo tuyandika kubikkila maano. Amubalumbaizye boonse mumbungano akaambo kakusolekesya mukububamba kabotu busena bwakucitila bukombi bwakasimpe.
Lwiimbo 20 amupailo wakujala.
Nsondo Iitalika mu August 25
Lwiimbo 5
10 min: Zyakwaambilizya zyambungano. Kwiinda mukubelesya nzila zyobile zyamamanino zili apeeji 8, amutondezye zitondezyo zyobile mbomunga mwaabila Ngazi Yamulindizi yamu September 1. Amutondezye muzyali amwaanaakwe musankwa naa musimbi ibali mukulibambila nzyobaya kwaamba mumulimo wakumwaya mamagazini. Mubufwaafwi balanga-langa nzila imwi aimwi kabatana yiinduluka.
15 min: Ziyandika zyambungano.
20 min: “Atububambe Kabotu Busena Bwesu Bwakukombela.”e (Muncali 6-12) Amubelesye mibuzyo iibikkidwe. Amukankaizye mbociyandika ikuyibamba kabotu Ŋanda ya Bwami, akubandika kabbokesi kali apeeji 5. Amwaambe mubufwaafwi mboilibonya Ŋanda ya Bwami yanu, alimwi akwaamba bubambe buli boonse bulikko bwakuibambulula.
Lwiimbo 9 amupailo wakujala.
Nsondo Iitalika mu September 1
Lwiimbo 11
10 min: Zyakwaambilizya zyambungano. Amubayeezye basikumwaya kuti bape malipooti aabo aamumulimo wamumuunda aamu August. Amwaambe bbuku lyakumwaya mu September. Amulibambilile limwi kuti omwe naa bobile baluule zyakuluula zikulwaizya nzyobakajana nobakali mubukambausi bwamukwiizya, kuunka naa kupiluka kumuswaangano wacooko, nobakali mukulyookezya kubusena bumwi, antela muzibeela zimwi.
15 min: Sena Mulazuzikizya Cisyomezya Cakupiluka Kuli Baabo Bakatondezya Luyandisisyo? Makani amubandi abaswiilizi kuzwa mu Ngazi Yamulindizi yamu Chichewa yamu September 15, 1999 apeeji 10-11 akatwe kakuti, “Inzila Zimbi Mbotunga Twazuzikizya Zisyomezyo Zyesu.” Notujana bantu mucilawo cesu ibayanda kuswiilila, kanji-kanji tulapangana ambabo ikuyoozumanana amubandi ciindi cimbi. Sena tulabikkila maano kupilukila kweelana ambotusyomenzya? Amulange-lange njiisyo zyamu Bbaibbele izyeelede kutukulwaizya kuzuzikizya zisyomezyo. Amubalombe baswiilizi kuluula zyakuluula izitondezya mbobakalongezyegwa akaambo kakupilukila cakufwambaana.
20 min: “Amubagwasye Kuti Bagwasyigwe Kapati Abubambe bwa Leza.” Mubandi abaswiilizi weelede kweendelezyegwa amulangizi wacikolo. (Amubone apeeji 285 mubbuku lya Cikolo Camulimo.) Ilipooti ilakonzya kupegwa kujatikizya ikuya ambele kwamakkilasi aakwiiya kubala akulemba, alimwi bamwi balakonzya kulombwa kutola lubazu ikuti kabayanda kugwasyigwa kuya ambele mukubala. Twaambo tumwi tugwasya tuli mulugwalo lwakalembelwa baalu ino-ino kujatikizya makkilasi aakwiiya kubala tulakonzya kulangwa-langwa. (Ikuti kakutakwe kkilasi yakwiiya kubala iliko naa iilangilwa, ciindi coonse cilakonzya cibelesyegwa ku Cikolo Ceendelezyegwa a Leza.)
Lwiimbo 6 amupailo wakujala.
Bupanduluzi buyungizidwe
a Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
d Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
e Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.