Mulongo Wamiswaangano Yamulimo

Nsondo Iitalika mu November 10

Lwiimbo 26

10 min: Zyakwaambilizya zyambungano alimwi azyakwaambilizya zisalidwe mu Mulimo Wesu Wabwami. Amubikkilizye makani aakuti, “Sena Inga Mwagwasya?” Amucite zitondezyo zyobilo zikulwaizya zitondezya mbomukonzya kubelesya nzila zili apeeji 4 mukwaabila Ngazi Yamulindizi ya December 1 mucilawo canu. Mucitondezyo cimwi akati kazeezi, amupandulule nkwaazwa mali aayandika kugwasyilizya mulimo wesu wanyika yoonse.—Amubone Ngazi Yamulindizi apeeji 2.

15 min: “Muleelede Kulibambila”a Amubalombe baswiilizi baambe cibagwasya kutegwa kunyongana akulibilika kwamuciindi cino kutanyonganyi ciindi ceelede kubelesyegwa kuzintu zyakumuuya.

20 min: Ino Musala Buti Balongwe? Mubandi abaswiilizi uuyeeme abbuku lya Amukombe Leza apeeji 47-9. Kwiinda mukubelesya mibuzyo amagwalo abikkidwe mumuncali 13, amulombe baswiilizi baambe njiisyo zyamu Bbaibbele zyeelede kutugwasyilizya ciindi notusala balongwe besu.

Lwiimbo 15 amupailo wakujala.

Nsondo Iitalika mu November 17

Lwiimbo 20

12 min: Zyakwaambilizya zyambungano. Amubuzye basikumwaya bobilo naa botatwe bajisi izyakuluula zikondelezya zyakajanika mumulimo wamumuunda nobakali kwaabila bantu mabbuku aamwaigwa mwezi uuno. Bamwi bakacikonzya kutalisya ziiyo zya Bbaibbele.

15 min: Mbuugwasyilizyigwa Mulimo Ooyu. Akananwe amwaalu, ikubelesya cibalo 10 cabbuku lya Mulimo Wesu apeeji 119-126.

18 min: “Kulumbaizyigwa Kulakatalusya”b Amubikkilizye amakani azwa mubbuku lya Lukkomano Mumukwasyi apeeji 49-50, muncali 21. Amubalombe kwaamba twaambo tufwaafwi baswiilizi ibakakulwaizyigwa amajwi akulumbaizyigwa abantu bamwi.

Lwiimbo 11 amupailo wakujala.

Nsondo Iitalika mu November 24

Lwiimbo 7

12 min: Zyakwaambilizya zyambungano. Lipooti yamaakkaunti. Kwiinda mukubelesya nzila zyobilo zyamamanino zipedwe apeeji 4, amucite zitondezyo zyiindene ikutondezya mbwiikonzya kwaabilwa Ngazi Yamulindizi ya December 1. Ilugwalo lumbi lwiindene aloolo lupedwe apeeji 4 lulakonzya kubelesyegwa. Mucitondezyo comwe, amutondezye mboikonzya kwaabilwa magazini kwiinda mukwiizya, mukkwelelwa mabbaasi naa mububambe bumwi bweelela nkomuzwa.

10 min: Kabbokesi Kamubuzyo. Makani akananwa amwaalu.

23 min: “Kubamba Cilongwe Cini-Cini a Jehova.”c Amubelesye mibuzyo iibikkidwe. Amubuzye baswiilizi kuti baambe magwalo mbwaabeleka. Amubaambilide limwi basikumwaya bobilo naa botatwe kuti baambe cabagwasya kutola ambele ciiyo cabo ca Bbaibbele.

Lwiimbo 1 amupailo wakujala.

Nsondo Iitalika mu December 1

Lwiimbo 16

10 min: Zyakwaambilizya zyambungano. Amubayeezye basikumwaya kuti bape malipooti aabo amumulimo wamumuunda aamu November. Amwaambe mabbuku aakumwaya mu December. Mubufwaafwi, amwiinduluke comwe naa zyobilo zitondezyo zibikidwe zitondezya mbwaakonzya kumwaigwa. Amubapandulwide basikumwaya mbobakonzya kubelesya Watch Tower Publications Index kujana zitondezyo azimbi.—Amubone Mulimo Wesu Wabwami wa September 2001 p. 2.

15 min: Ziyandika zyambungano.

20 min: Ibakonzya Kuyiisya Bamwi. Mubandi abaswiilizi uuyeeme a Ngazi Yamulindizi yamu June 1, 2000 apeeji 28-29, muncali 9-13. Imbaakani yesu yakusaanguna mumulimo wesu njakucikonzya kuyiisya kabotu. Kuzwidilila mukugwasya bantu bali mbuli mbelele kuyeeme akubayiisya mulumbe wa Bwami munzila ikonzya kubazyibya akubakulwaizya. Amubandike mibuzyo eeyi: (1) Ino kukambauka alimwi akuyiisya ziindene buti? (2) Ino nkaambo nzi bamwi ncobawayawaya kutalisya ciiyo ca Bbaibbele caaŋanda? (3) Ino inga twaya buti kumbele mukuyiisya kwesu? (4) Ino mbuti mbotukonzya kubona kuti ngotuyiisya ulazimvwisya zyayiya? (5) Ino nimbaakani nzi njotweelede kumugwasya sikwiiya kuti asike alinjiyo?

Lwiimbo 22 amupailo wakujala.

Bupanduluzi buyungizidwe