Mulongo Wamiswaangano Yamulimo

Nsondo Iitalika mu February 9

Lwiimbo 11

10 min: Zyakwaambilizya zyambungano. Kwiinda mukubelesya nzila zyakusaanguna zyobile zili apeeji 8, amutondezye mboikonzya kwaabilwa Ngazi Yamulindizi ya March 1. Mucitondezyo cimwi, amutondezye mbomunga mwabandika asikutyompya mubandi waamba kuti, “Ndilaa nkondikomba.”—Amubone bbuku lya Kukambitsirana amapeeji 18-19.

10 min: “Amugwasyigwe Mukwiiya Bbuku lya Amubaa Cilongwe a Jehova.” Makani aayoobandikwa amulangizi wa Ciiyo Cabbuku Cambungano aayeeme acibalo. Nomubandika muncali 2, amwaambe zili mumulongo waziiyo. Nomubandika muncali 3, amubale akubandika zili mumuncali 23 apeeji 25 mubbuku.

25 min: “Amuzumanane Kwaamba Bubotu Bwamilimo ya Jehova Iigambya.”a (Mincali 1-10) Abandikwe amulangizi wamulimo. Amubelesye mibuzyo iibikkidwe. Amukulwaizye boonse kuyungizya mulimo wamumuunda muciindi ca Ciibalusyo.

Lwiimbo 26 amupailo wakujala.

Nsondo Iitalika mu February 16

Lwiimbo 22

10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Mubufwaafwi amwaambe zya “Kubelekela Kuyandika Lugwasyo.”

15 min: “Imulimo Uugwasilizyigwa a Leza.”b Amubikkilizye atwaambo kuzwa mubbuku lya Proclaimers mapeeji 547-8.

20 min: “Amuzumanane Kwaamba Bubotu Bwamilimo ya Jehova Iigambya.”c (Mincali 11-17) Amubelesye mibuzyo iibikkidwe. Amubikkilizye acitondezyo cifwaafwi cijatikizya sikumwaya uutamba muntu ku Ciibalusyo ngwaakaswaide.

Lwiimbo 6 amupailo wakujala.

Nsondo Iitalika mu February 23

Lwiimbo 23

10 min: Zyakwaambilizya zyambungano. Ilipooti yamaakkaunti. Kwiinda mukubelesya nzila zyamamanino zyobile zili apeeji 8, amutondezye mboikonzya kwaabilwa Ngazi Yamulindizi ya March 1. Mwamanizya citondezyo cimwi, amubuzye mubuzyo uupa kukkala ansi kuyeeya uuya kuvwiilwa mulweendo lutobela kwiinda mukubelesya ibroshuwa lya Ncayanda.

15 min: “Ikujanika Lyoonse Kumiswaangano—Ncintu Cakusaanguna.”d Amulibambilile limwi kuti omwe naa bobile ambe ntaamu nzyobabweza kutegwa kabajanika amuswaangano uli woonse.

20 min: “Ibazulide Kabali Bamayi ba Jwi lya Leza.” Mubandi abaswiilizi kuzwa mu Ngazi Yamulindizi ya March 1, 2002 mapeeji 21-2 mincali 17-22. (1) Ino mbuti miswaangano iili musanu yaansondo iipegwa kwiinda mumbunga ya Jehova mboitugwasya kuba basimilimo beelela? (2) Ino mbuti mbotukonzya kugwasyigwa kapati amiswaangano yambungano alimwi amipati? (3) Ino ncinzi citondezya kuti ikuyiisyigwa kwesu kwazwidilila, alimwi ino nguni weelede kulumbaizyigwa? (4) Ino nkaambo nzi ncotuteelede kutyompwa kapati caboola kumakani aakutola lubazu lyoonse mumulimo wa Bunakristo?

Lwiimbo 20 amupailo wakujala.

Nsondo Iitalika mu March 1

Lwiimbo 25

10 min: Zyakwaambilizya Zyambungano. Amubayeezye basikumwaya ikupa malipooti aabo aamumulimo wamumuunda amu February. Amwaambe mabbuku aakumwaya mu March, alimwi amulange-lange nzila yomwe iibikkidwe mupepa lyamukati mu Mulimo Wesu Wabwami wa January 2002.

15 min: Ziyandika Zyambungano.

20 min: “Tulakonzya Kucita Ncayanda Kuti Tucite Jehova.”e Amubelesye mibuzyo iibikkidwe. Ikuti ciindi kaciciliko, amwaambe twaambo tupati-pati mumagwalo aabikkidwe.

Lwiimbo 13 amupailo wakujala.

Bupanduluzi buyungizidwe