Mulongo Wamiswaangano Yamulimo

Nsondo Iitalika mu April 12

Lwiimbo 20

10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Kwiinda mukubelesya nzila zyakusaanguna zyobile zili apeeji 8, amutondezye mbomukonzya kwaabila Ngazi Yamulindizi ya May 1. Mucitondezyo, amutondezye nzila imbi mbuli mbomukonzya kuzumanana kubandika asikutyompya mubandi waamba kuti, “Ndijisi bubi.”—Amubone bbuku lya Kukambitsirana apeeji 19-20.

15 min: “Ikupa Jehova Ziinda Kubota.”a Nomubandika muncali 4, amulombe baswiilizi kwaamba nzila zigaminide mbotukonzya kutondezya luyando kubantu notubeleka mulimo wesu.

20 min: “Ikunungilila Ntambo Zyesu.” Mubandi abaswiilizi. Muncali 1-7. Nomubandika muncali 3 amubuzye baswiilizi baambe mbuli kuyaambele kucitwa mbokweendelana abusinsimi bwamu Bbaibbele.—ip-2 cibalo 15 muncali 8-12.

Lwiimbo 11 amupailo wakujala.

Nsondo Iitalika mu April 19

Lwiimbo 9

8 min: Zyakwaambilizya zyambungano.

17 min: ‘Amwiiye Ciimo Ncaakajisi Jesu.’b Amubelesye mibuzyo iibikkidwe. Nomubandika muncali 4, amulombe baabo bacita bupainiya bwakugwasyilizya kwaamba zilongezyo nzyobajana akaambo kakucita boobo.

20 min: “Ikunungilila Ntambo Zyesu.” Mubandi abaswiilizi. Muncali 8-13. Amubandike mbuli ipulogilamu yabasikulisungula bamumasi mboyagwasya bunyina bwanyika yoonse. (jv apeeji 336-9) Amwaambe coolwe ncotujisi mukugwasyilizya mulimo wabantu ba Leza uucitwa nyika yoonse.—jv apeeji 341-3.

Lwiimbo 7 amupailo wakujala.

Nsondo Iitalika mu April 26

Lwiimbo 5

12 min: Zyakwaambilizya zyambungano. Lipooti yamaakkaunti. Amubayeezye basikumwaya ikupa malipooti aabo aamumulimo wamumuunda aamu April. Amwaambe mabbuku aakumwaya mu May. Kwiinda mukubelesya nzila zyamamanino zyobile izili apeeji 8, amutondezye mbomukonzya kwaabila Ngazi Yamulindizi ya May 1. Mucitondezyo, amutondezye mbokukambaukwa kumubelesinyoko naa kuli sicikolonyoko.

15 min: Ziyandika zyambungano.

18 min: Ino Mbuti Kukomba Jehova Mbokutugwasya Mubuumi Bwesu? Mubandi abaswiilizi. Bukombi bwakasimpe bulayandika kutegwa katukkomana alimwi akuba abuumi bujisi mpindu. (1) Bulatugwasya kuliyumya mumapenzi alimwi azintu zipa kulibilika mubuumi. (Flp. 4:6, 7) (2) Butukulwaizya kuba abube bukkomanisya Leza. (2 Pet. 1:5-8) (3) Butugwasya kubelesya ciindi alubono lwesu munzila iili kabotu. (1 Tim. 6:17-19) (4) Butupa bulangizi bwakumbele businizyide. (2 Pet. 3:13) (5) Butugwasya kuba acilongwe cini-cini a Jehova. (Jak. 4:8) Amwaambe mbuli zintu eezyi mbozyitako kubantu batamuzyi naa batabelekeli Jehova.

Lwiimbo 13 amupailo wakujala.

Nsondo Iitalika mu May 3

Lwiimbo 26

10 min: Zyakwaambilizya zyambungano. Amubayeezye boonse kuti bape malipooti aabo aamumulimo.

15 min: “Nobakubusi—Amubale Jwi lya Leza!”c Amulombe mukubusi omwe naa bobile kakucili ciindi bakaambe bubambe mbobajisi bwakubala Bbaibbele ambobagwasyigwa mukucita boobo. Amubakulwaizye bakubusi kuba ambaakani yakubala Bbaibbele lyoonse mbolizulwa. Amubikkilizye atwaambo kuzwa mubbuku lya Cikolo Camulimo apeeji 10 muncali 4.

20 min: Amwiiye Busicamba Bwabo Mukukambauka. Mubandi abaswiilizi kuzwa mubbuku lya Amukombe Leza apeeji 170-1. Amubalombe baswiilizi kuvwiila mibuzyo iibuzyigwa mumuncali 7 akubikkilizya magwalo abikkidwe nobaingula. Amusale magwalo masyoonto ngomuyoobala. Amwaambe ziiyo nzyotwiiya muzibalo eezyi alimwi ambozitugwasya kuubona kabotu mulimo wesu wakukambauka.

Lwiimbo 19 amupailo wakujala.

Bupanduluzi buyungizidwe